Անդրանիկ Հովհաննիսյանն ընտրվել է ՄԱԿ-ի մարդու իրավունքների խորհրդի փոխնախագահ
21:37 12.01.2022 (Թարմացված է: 21:46 12.01.2022)
Բաժանորդագրվել
2022 թվականին Մարդու իրավունքների խորհուրդը նախագահելու է Արգենտինան` Ֆեդերիկո Վիլեգասի գլխավորությամբ։
ԵՐԵՎԱՆ, 12 հունվարի – Sputnik. Միավորված ազգերի կազմակերպությունում Հայաստանի մշտական ներկայացուցիչ Անդրանիկ Հովհաննիսյանն ընտրվել է 2022 թվականին ՄԱԿ-ի մարդու իրավունքների խորհրդի փոխնախագահ: Այս մասին տեղեկանում ենք Մարդու իրավունքների խորհրդի թվիթերյան էջում արված գրառումից:
Նշվում է, որ Հովհաննիսյանն ընտրվել է Արևելյան Եվրոպայի պետությունների խմբից:
The Human Rights Council has elected Ambassador Andranik Hovhannisyan, Permanent Representative of #Armenia to the United Nations Office at Geneva, to serve as a vice-president for 2022.
— UN Human Rights Council (@UN_HRC) January 12, 2022
Mr. Hovhannisyan was elected from the Eastern European group of States. pic.twitter.com/BpvGWMBsY6
2022 թվականին Մարդու իրավունքների խորհուրդը նախագահելու է Արգենտինան` Ֆեդերիկո Վիլեգասի (Federico Villegas) գլխավորությամբ։ ՄԱԿ-ի մարդու իրավունքների խորհրդի մյուս երեք փոխնախագահների պաշտոնները զբաղեցնում են Գերմանիայի, Ուզբեկստանի և Լիբիայի ներկայացուցիչները:
These are the officers of the Human Rights Council for 2022 - @FVillegasARG of #Argentina serves as president, with vice-presidents from #Libya, #Uzbekistan, #Germany and #Armenia.
— UN Human Rights Council (@UN_HRC) January 12, 2022
READ more about the Presidency & Bureau here ▶️ https://t.co/Ed668wqsVq pic.twitter.com/0cyxGkt8ZN
Հիշեցնենք, որ Անդրանիկ Հովհաննիսյանը 2019 թվականի ապրիլին է նշանակվել Ժնևի Միավորված ազգերի կազմակերպության գրասենյակում և այլ միջազգային կազմակերպություններում ՀՀ մշտական ներկայացուցիչ։
Նա Շվեյցարիայի Համադաշնությունում ՀՀ արտակարգ և լիազոր դեսպանն է։
Ի դեպ, Արգենտինան պատմության մեջ առաջին անգամ է ստանձնել ՄԱԿ-ի մարդու իրավունքների խորհրդի նախագահությունը. նման որոշում է կայացվել 2021-ի դեկտեմբերի 6-ին։
