https://arm.sputniknews.ru/20220107/chvertneri-chegharkman-pattsharov-hajastanum-ghazakhstani-qaghaqaciner-en-mnacel-37292820.html
Չվերթների չեղարկման պատճառով Ղազախստանի բազմաթիվ քաղաքացիներ Հայաստանում են մնացել
Չվերթների չեղարկման պատճառով Ղազախստանի բազմաթիվ քաղաքացիներ Հայաստանում են մնացել
Sputnik Արմենիա
Ղազախական օդանավակայանները կաթվածահար են, Ալմաթիում ինքնաթիռներ են վնասվել հարձակման հետևանքով, Ակտաուի օդանավակայանում բարիկադներ են տեղադրվել։ 07.01.2022, Sputnik Արմենիա
2022-01-07T20:46+0400
2022-01-07T20:46+0400
2022-01-07T20:54+0400
հայաստան
ղազախստան
չվերթ
օդանավակայան
https://cdn.am.sputniknews.ru/img/2062/73/20627371_0:108:1600:1008_1920x0_80_0_0_487fe926aadd05339aa31edb039b5afb.jpg
ԵՐԵՎԱՆ, 7 հունվարի – Sputnik․ Երևան-Ակտաու-Երևան ուղիղ չվերթերը ժամանակավորապես չեղարկվել են՝ պայմանավորված Ղազախստանում ստեղծված արտակարգ դրությամբ։ Sputnik Արմենիայի հետ զրույցում տեղեկությունը հայտնեց Հայաստանում «Սկատ» ավիաընկերության գլխավոր ներկայացուցիչ Օքսանա Սվիստունը։ Ղազախստանի օդանավակայաններից ներկա իրավիճակում անհնար է թռիչք իրականացնել և հակառակը։ Նրա տեղեկություններով՝ Ալմաթիում օդանավակայանի վրա հարձակման ժամանակ ղազախական ավիաընկերություններից մեկի ինքնաթիռը շարքից դուրս է եկել։ Բաքվի բռնապետը ՀԱՊԿ-ում կորցրեց իր լավագույն հովանավորին. Ղազախստանում ՀՀ նախկին դեսպան«Ինչ վերաբերում է Ակտաուի օդանավակայանին, ապա անգամ աշխատակիցները չեն կարողանում մուտք գործել օդանավակայանի տարածք, քանի որ այն ամբողջովին բարիկադավորված է»,- տեղեկացրեց Սվիստունը։Օդանավակայանների կաթվածահար լինելու և չվերթների չեղարկման հետևանքով թե Հայաստանում, թե Ղազախստանում մի քանի տասնյակ քաղաքացիներ են մնացել։ Ստույգ թիվ նշել ավիաընկերության ներկայացուցիչը դժվարանում է, քանի որ ավիատոմսերի էլեկտրոնային համակարգը, որով աշխատում էին և ամրագրումներ կատարում, «Սկատ» ավիաընկերությանն է, իսկ Ղազախստանում հիմա ինտերնետ կապը բացակայում է։«Գիտենք, որ բավականին շատ ուղևորներ են սպասում չվերթերին։ Ցուցակներն ենք կազմում՝ հիմնվելով մեր ունեցած տվյալների վրա, ներառում ենք նաև այն տվյալները, որոնք ստանում ենք, երբ մեզ անձամբ դիմում են ուղևորները»,- նշեց ավիաընկերության ներկայացուցիչը։Բավականին դժվար իրավիճակ է ստեղծվել Ղազախստանից Հայաստան ժամանած և մեկնել չկարողացող ուղևորների համար, որոնք մեծ մասը, ավիաընկերության ներկայացուցչի խոսքով, Ղազախստանի քաղաքացիներ են։«Քանի որ Ղազախստանում բանկային համակարգը չի գործում, կան մարդիկ, որոնք կանխիկ գումար իրենց մոտ չունեն, փաստորեն մնացել են առանց գումարի, շատերը մնալու տեղ էլ չունեն։ Մենք դիմել ենք Հայաստանում Ղազախստանի դեսպանատուն, դեսպանատան աշխատակիցները հենց օդանավակայանից այդ քաղաքացիներին տեղափոխել են հյուրանոցներ, հոգացել նրանց կեցության, սննդի հարցերը»,- նշեց Սվիստունը։ Ալմաթիում կրքերը չեն հանդարտվում. ինչ է սպասվում Ղազախստանում ապրող հայ համայնքինԹե երբ չվերթերը կվերսկսվեն, ավիաընկերության ներկայացուցիչը չի կարող ասել․ պայմանավորված է Ղազախստանում իրավիճակի կայունացմամբ։Երևան-Ակտաու-Երևան թռիչքներն իրականացվում են շաբաթական 4 անգամ՝ երկուշաբթի, չորեքշաբթի, հինգշաբթի և շաբաթ օրերին։ Վաղվա թռիչքը ներառյալ՝ հետաձգվել է ընդհանուր 3 չվերթ։ Թռիչքներն իրականացվում են 50-տեղանող ինքնաթիռներով։ Սվիստունի խոսքով՝ Ակտաուից Երևան ժամանող ինքնաթիռի գրեթե բոլոր նստատեղերը զբաղված էին լինում, Երևանից Ակտաու միջինը 20-26 ուղևոր էր մեկնում։ Սվիստունը չի բացառում, որ երբ օդանավակայանները վերականգնեն բնականոն աշխատանքը՝ չվերթեր կիրականացվեն մեծ տարողունակություն ունեցող ինքնաթիռով, որ հնարավոր լինի Հայաստանում և Ղազախստանում մնացած ուղևորներին տեղափոխել համապատասխան ուղղությամբ։
https://arm.sputniknews.ru/20220107/nato-i-glkhavvor-qartughary-mtahvogutjun-e-hajtnel-ghazakhstanum-tirvogh-iravitshaki-veraberjal-37292578.html
ղազախստան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ղազախստան, չվերթ, օդանավակայան
հայաստան, ղազախստան, չվերթ, օդանավակայան
Չվերթների չեղարկման պատճառով Ղազախստանի բազմաթիվ քաղաքացիներ Հայաստանում են մնացել
20:46 07.01.2022 (Թարմացված է: 20:54 07.01.2022) Ղազախական օդանավակայանները կաթվածահար են, Ալմաթիում ինքնաթիռներ են վնասվել հարձակման հետևանքով, Ակտաուի օդանավակայանում բարիկադներ են տեղադրվել։
ԵՐԵՎԱՆ, 7 հունվարի – Sputnik․ Երևան-Ակտաու-Երևան ուղիղ չվերթերը ժամանակավորապես չեղարկվել են՝ պայմանավորված Ղազախստանում ստեղծված արտակարգ դրությամբ։
Sputnik Արմենիայի հետ զրույցում տեղեկությունը հայտնեց Հայաստանում «Սկատ» ավիաընկերության գլխավոր ներկայացուցիչ Օքսանա Սվիստունը։ Ղազախստանի օդանավակայաններից ներկա իրավիճակում անհնար է թռիչք իրականացնել և հակառակը։ Նրա տեղեկություններով՝ Ալմաթիում օդանավակայանի վրա հարձակման ժամանակ ղազախական ավիաընկերություններից մեկի ինքնաթիռը շարքից դուրս է եկել։
«Ինչ վերաբերում է Ակտաուի օդանավակայանին, ապա անգամ աշխատակիցները չեն կարողանում մուտք գործել օդանավակայանի տարածք, քանի որ այն ամբողջովին բարիկադավորված է»,- տեղեկացրեց Սվիստունը։
Օդանավակայանների կաթվածահար լինելու և չվերթների չեղարկման հետևանքով թե Հայաստանում, թե Ղազախստանում մի քանի տասնյակ քաղաքացիներ են մնացել։ Ստույգ թիվ նշել ավիաընկերության ներկայացուցիչը դժվարանում է, քանի որ ավիատոմսերի էլեկտրոնային համակարգը, որով աշխատում էին և ամրագրումներ կատարում, «Սկատ» ավիաընկերությանն է, իսկ Ղազախստանում հիմա ինտերնետ կապը բացակայում է։
«Գիտենք, որ բավականին շատ ուղևորներ են սպասում չվերթերին։ Ցուցակներն ենք կազմում՝ հիմնվելով մեր ունեցած տվյալների վրա, ներառում ենք նաև այն տվյալները, որոնք ստանում ենք, երբ մեզ անձամբ դիմում են ուղևորները»,- նշեց ավիաընկերության ներկայացուցիչը։
Բավականին դժվար իրավիճակ է ստեղծվել Ղազախստանից Հայաստան ժամանած և մեկնել չկարողացող ուղևորների համար, որոնք մեծ մասը, ավիաընկերության ներկայացուցչի խոսքով, Ղազախստանի քաղաքացիներ են։
«Քանի որ Ղազախստանում բանկային համակարգը չի գործում, կան մարդիկ, որոնք կանխիկ գումար իրենց մոտ չունեն, փաստորեն մնացել են առանց գումարի, շատերը մնալու տեղ էլ չունեն։ Մենք դիմել ենք Հայաստանում Ղազախստանի դեսպանատուն, դեսպանատան աշխատակիցները հենց օդանավակայանից այդ քաղաքացիներին տեղափոխել են հյուրանոցներ, հոգացել նրանց կեցության, սննդի հարցերը»,- նշեց Սվիստունը։
Թե երբ չվերթերը կվերսկսվեն, ավիաընկերության ներկայացուցիչը չի կարող ասել․ պայմանավորված է Ղազախստանում իրավիճակի կայունացմամբ։
Երևան-Ակտաու-Երևան թռիչքներն իրականացվում են շաբաթական 4 անգամ՝ երկուշաբթի, չորեքշաբթի, հինգշաբթի և շաբաթ օրերին։ Վաղվա թռիչքը ներառյալ՝ հետաձգվել է ընդհանուր 3 չվերթ։ Թռիչքներն իրականացվում են 50-տեղանող ինքնաթիռներով։
Սվիստունի խոսքով՝ Ակտաուից Երևան ժամանող ինքնաթիռի գրեթե բոլոր նստատեղերը զբաղված էին լինում, Երևանից Ակտաու միջինը 20-26 ուղևոր էր մեկնում։ Սվիստունը չի բացառում, որ երբ օդանավակայանները վերականգնեն բնականոն աշխատանքը՝ չվերթեր կիրականացվեն մեծ տարողունակություն ունեցող ինքնաթիռով, որ հնարավոր լինի Հայաստանում և Ղազախստանում մնացած ուղևորներին տեղափոխել համապատասխան ուղղությամբ։
