https://arm.sputniknews.ru/20220107/chechnia-haravslavia-siria-inch-e-hajtni-ghazakhstanum-hapk-khaghaghapahneri-hramanatari-masin-37252968.html

Չեչնիա, Հարավսլավիա, Սիրիա. ինչ է հայտնի Ղազախստանում ՀԱՊԿ խաղաղապահների հրամանատարի մասին

Չեչնիա, Հարավսլավիա, Սիրիա. ինչ է հայտնի Ղազախստանում ՀԱՊԿ խաղաղապահների հրամանատարի մասին

Sputnik Արմենիա

Անդրեյ Սերդյուկովը մասնակցել է Չեչնիայի առաջին և երկրորդ պատերազմներին, ինչպես նաև Հարավսլավիայի «Պրիշտինայի երթին»։ 07.01.2022, Sputnik Արմենիա

2022-01-07T13:22+0400

2022-01-07T13:22+0400

2022-01-07T13:52+0400

հավաքական անվտանգության պայմանագիր կազմակերպություն (հապկ)

ղազախստան

խաղաղապահ

հրամանատար

անդրեյ սերդյուկով

հապկ-ի խաղաղապահները ղազախստանում

https://cdn.am.sputniknews.ru/img/07e6/01/07/37249373_0:297:2903:1929_1920x0_80_0_0_eca3c0f2d613d063a9d5c49b938af70d.jpg

ԵՐԵՎԱՆ, 7 հունվարի – Sputnik. Ղազախստանում ՀԱՊԿ խաղաղապահ ուժերի հրամանատար է նշանակվել գեներալ-գնդապետ Անդրեյ Սերդյուկովը։ Sputnik Արմենիան ներկայացնում է մի քանի փաստ նրա կենսագրությունից։Անդրեյ Սերդյուկովն ավարտել է Ռյազանի բարձրագույն օդադեսանտային հրամանատարական դպրոցը (1983), Մ.Վ. Ֆրունզեի անվան ռազմական ակադեմիան (1993), Ռուսաստանի Դաշնության զինված ուժերի գլխավոր շտաբի ռազմական ակադեմիան (2009 թ.):ՌԴ ԶՈւ ԳՇ ռազմական ակադեմիան ոսկե մեդալով ավարտելուց հետո Սերդյուկովը ծառայել է Հեռավորարևելյան ռազմական օկրուգի 5-րդ բանակի հրամանատարի տեղակալի պաշտոնում։2011 թվականից Արևելյան ռազմական օկրուգի 5-րդ բանակի հրամանատարն է։2013 թվականից եղել է Հարավային ռազմական օկրուգի հրամանատարի տեղակալ, իսկ 2013 թվականի հոկտեմբերից՝ շտաբի պետ–Հարավային ռազմական օկրուգի հրամանատարի առաջին տեղակալ։Նա Չեչնիայում մասնակցել է սահմանադրական կարգի վերականգնման առաջին և երկրորդ գործողություններին։ Հարավսլավիայում մասնակցել է «Պրիշտինայի երթին», 2014 թվականի գարնանը` Ղրիմում հանրաքվեի անվտանգության ապահովման գործողությանը։2019 թվականի ապրիլից մինչև սեպտեմբեր Սիրիայում ղեկավարել է ռուսական զորախումբը։Սերդյուկովը 2016 թվականի հոկտեմբերի 4-ից Ռուսաստանի օդադեսանտային ուժերի հրամանատարն է։2020 թվականին գեներալ-գնդապետ Անդրեյ Սերդյուկովին ՌԴ նախագահի հրամանագրով շնորհվել է Ռուսաստանի Դաշնության հերոսի կոչում։Պարգևատրվել է «Հայրենիքին մատուցած ծառայությունների համար» 3-րդ աստիճանի և 4-րդ աստիճանի շքանշաններով (սրերով), Ալեքսանդր Նևսկու, Արիության, «Ռազմական ծառայությունների համար», Պատվո, «ԽՍՀՄ զինված ուժերում Հայրենիքին մատուցած ծառայությունների համար» 3-րդ աստիճանի, «Մարտական ծառայություն» մեդալով և այլ պարգևներով:Հիշեցնենք` Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին` հեղուկ գազի թանկացման ֆոնին (ավելի ուշ թանկացման որոշումը չեղարկվեց)։ Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։ Ոստիկանները կիրառել էին գազ և խլացուցիչ նռնակներ։Ամբողջ Ղազախստանում անջատվել է համացանցային կապը, ժամանակավորապես դադարեցվել է մի շարք հեռուստաալիքների հեռարձակումը։Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը։ՀԱՊԿ-ը իրավիճակը կայունացնելու համար խաղաղապահ զորախումբ է ուղարկել Ղազախստան, որոնց թվում 70 զինծառայող կա Հայաստանից։Ղազախստանի ՆԳՆ հրապարակած տվյալներով` ներկա պահին անկարգությունների 26 մասնակից սպանվել է, շուրջ 3000–ը` ձերբակալվել բռնություններին մասնակցելու համար։

https://arm.sputniknews.ru/20220107/tvokaevy-hramajel-e-krak-bacel-ahabekichneri-vra-37252049.html

https://arm.sputniknews.ru/20220107/davutoghlun-vshtacats-e-ghazakhstany-dimel-e-hapk-in-vory-nakhagahum-e-hajastany-37251299.html

ղազախստան

2022

Լուրեր

am_HY

հավաքական անվտանգության պայմանագիր կազմակերպություն (հապկ), ղազախստան, խաղաղապահ, հրամանատար, անդրեյ սերդյուկով