https://arm.sputniknews.ru/20220105/trade-in-hamakargi-licenzavvorman-turqi-bardzr-arzheqn-antramabanakan-e-petrvosjan-37211726.html
Trade-in համակարգի լիցենզավորման տուրքի բարձր արժեքն անտրամաբանական է. Պետրոսյան
Trade-in համակարգի լիցենզավորման տուրքի բարձր արժեքն անտրամաբանական է. Պետրոսյան
Sputnik Արմենիա
«Ավտոարտադրողների պաշտոնական ներկայացուցիչների ասոցիացիա» ՀԿ նախագահ Արտյոմ Պետրոսյանը Sputnik Արմենիայի եթերում խոսել է Հայաստանում ավտոմեքենաների վաճառքի... 05.01.2022, Sputnik Արմենիա
2022-01-05T19:38+0400
2022-01-05T19:38+0400
2022-01-05T19:46+0400
ռադիո
հայաստան
ավտոմեքենա
հարկեր
տուրք
պոդկաստ
https://cdn.am.sputniknews.ru/img/07e6/01/05/37212090_0:54:1600:955_1920x0_80_0_0_2dad7b3f39dcd4ba9f16fd384b72bc82.jpg
Պետրոսյան. Trade-in համակարգի լիցենզավորման տուրքի բարձր արժեքն անտրամաբանական է
Sputnik Արմենիա
Պետրոսյան. Trade-in համակարգի լիցենզավորման տուրքի բարձր արժեքն անտրամաբանական է
ՀՀ–ում ոչ բոլորն են պատրաստ Trade-in համակարգի լիցենզիա ստանալուն, առավել ևս, որ տնտեսվարողները դեռ չեն էլ հաշվարկել հնարավոր բոլոր ռիսկերն ու գործոնները, մինչդեռ նրանք կարող են հայտնվել այնպիսի իրավիճակում, որ նույնիսկ ստիպված լինեն այդ համակարգի շրջանակում մեքենան վաճառել ձեռք բերված արժեքից էլ ցածր գնով։ Sputnik Արմենիայի հետ զրույցում, խոսելով Trade-in համակարգի մասին, որի միջոցով քաղաքացիներն իրենց օգտագործած ավտոմեքենաները հանձնում են տվյալ մակնիշի արտադրողին ու, գնային տարբերությունը վճարելով, ստանում նորը,ասաց «Ավտոարտադրողների պաշտոնական ներկայացուցիչների ասոցիացիա» ՀԿ նախագահ Արտյոմ Պետրոսյանը։«Այս հարցը էկոնոմիկայի նախարարի մոտ արդեն իսկ բարձրացրել էինք, սակայն համավարակն ու պատերազմը թույլ չտվեցին ավարտին հասցնել գործընթացը։ Նոր օրենսդրական փաթեթի համաձայն` ավտոապրանքանիշի պաշտոնական ներկայացուցիչներն իրավունք ունեն նման արտոնությունից օգտվել, եթե անցնեն լիցենզավորման որոշակի պրոցես, որը ենթադրում է մի քանի պայմաններ` պայմանագիր արտադրողի հետ, վաճառքի փակ տարածքի և տեխնիկական սպասարկման կայանի առկայություն, որոնք կհամապատասխանեն կոնկրետ բրենդի պահանջներին և անվտանգության չափորոշիչներին»,– ասաց Պետրոսյանը։Նրա տեղեկացմամբ` լիցենզավորման արժեքը 2022 թվականին կլինի մեկ միլիոն դրամ։ Տարեկան տուրքը 2023 թվականից կդառնա երկու միլիոն դրամ։ Ըստ նրա` Հայաստանում տվյալ համակարգի գործարկման առթիվ լիցենզավորման տուրքի բարձր արժեքն անտրամաբանական է։Պետրոսյանի կարծիքով` նմանատիպ գործարքներում շահութաբերության մասնաբաժինը բավականին ցածր է, այսինքն` անհրաժեշտ կլինի վաճառել առնվազն 10-12 մեքենա, որպեսզի աշխատանքը լինի շահութաբեր, սակայն հաշվի առնելով մեր երկրի տնտեսական վիճակն ու պայմանները, դա իրատեսական չէ։Նշենք, որ 2022թ–ի հունվարի 1-ից Հայաստանում գործարկվել է ավտոմեքենաների վաճառքի Trade-in համակարգը, որի օգնությամբ քաղաքացիներն իրենց օգտագործած ավտոմեքենաները հանձնում են տվյալ մակնիշի արտադրողին ու, գնային տարբերությունը վճարելով, ստանում նորը։Հավելենք, որ նախկին օրենսդրական կարգավորումներով` հին ավտոմեքենան նորով փոխարինելու դեպքում գնորդը ստիպված էր ավտոմեքենայի ամբողջ արժեքի 20%-ի չափով ԱԱՀ վճարել։Օրենքի փոփոխությունից հետո, ս.թ. հունվարի 1-ից սկսած, ԱԱՀ–ն պետք է վճարվի ոչ թե մեքենայի ամբողջ արժեքից, այլ միայն գնային տարբերությունից հաշվարկված, քանի որ տրամաբանորեն Հայաստանում այսօր շահագործվող բոլոր ավտոմեքենաների ամբողջ արժեքի համար ԱԱՀ արդեն մեկ անգամ վճարվել է։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ավտոմեքենա, հարկեր, տուրք, պոդկաստ, аудио
հայաստան, ավտոմեքենա, հարկեր, տուրք, պոդկաստ, аудио
Trade-in համակարգի լիցենզավորման տուրքի բարձր արժեքն անտրամաբանական է. Պետրոսյան
19:38 05.01.2022 (Թարմացված է: 19:46 05.01.2022) «Ավտոարտադրողների պաշտոնական ներկայացուցիչների ասոցիացիա» ՀԿ նախագահ Արտյոմ Պետրոսյանը Sputnik Արմենիայի եթերում խոսել է Հայաստանում ավտոմեքենաների վաճառքի Trade-in համակարգի գործարկման մասին։
ՀՀ–ում ոչ բոլորն են պատրաստ Trade-in համակարգի լիցենզիա ստանալուն, առավել ևս, որ տնտեսվարողները դեռ չեն էլ հաշվարկել հնարավոր բոլոր ռիսկերն ու գործոնները, մինչդեռ նրանք կարող են հայտնվել այնպիսի իրավիճակում, որ նույնիսկ ստիպված լինեն այդ համակարգի շրջանակում մեքենան վաճառել ձեռք բերված արժեքից էլ ցածր գնով։
Sputnik Արմենիայի հետ զրույցում, խոսելով Trade-in համակարգի մասին, որի միջոցով քաղաքացիներն իրենց օգտագործած ավտոմեքենաները հանձնում են տվյալ մակնիշի արտադրողին ու, գնային տարբերությունը վճարելով, ստանում նորը,
ասաց «Ավտոարտադրողների պաշտոնական ներկայացուցիչների ասոցիացիա» ՀԿ նախագահ Արտյոմ Պետրոսյանը։
«Այս հարցը էկոնոմիկայի նախարարի մոտ արդեն իսկ բարձրացրել էինք, սակայն համավարակն ու պատերազմը թույլ չտվեցին ավարտին հասցնել գործընթացը։ Նոր օրենսդրական փաթեթի համաձայն` ավտոապրանքանիշի պաշտոնական ներկայացուցիչներն իրավունք ունեն նման արտոնությունից օգտվել, եթե անցնեն լիցենզավորման որոշակի պրոցես, որը ենթադրում է մի քանի պայմաններ` պայմանագիր արտադրողի հետ, վաճառքի փակ տարածքի և տեխնիկական սպասարկման կայանի առկայություն, որոնք կհամապատասխանեն կոնկրետ բրենդի պահանջներին և անվտանգության չափորոշիչներին»,– ասաց Պետրոսյանը։
Նրա տեղեկացմամբ` լիցենզավորման արժեքը 2022 թվականին կլինի մեկ միլիոն դրամ։ Տարեկան տուրքը 2023 թվականից կդառնա երկու միլիոն դրամ։ Ըստ նրա` Հայաստանում տվյալ համակարգի գործարկման առթիվ լիցենզավորման տուրքի բարձր արժեքն անտրամաբանական է։
«Եթե ավտոապրանքանիշի հայաստանյան պաշտոնական ներկայացուցիչը ցանկանում է հարկային արտոնությունից օգտվել և կրկնակի չվճարել ավելացված արժեքի հարկ նման գործարքներից, ապա պետք է հենց սկզբից վճարի արդեն հաստատված տարեկան տուրքը։ Բայցևայնպես դա տվյալ գործընթացի զարգացման հիմնական խոչընդոտն է։ Այդ գործառույթը ոչ թե էկոնոմիկայի, այլ ֆինանսների նախարարության և ՊԵԿ–ի տիրույթում է։ Մեր կառույցի մտավախությունն այն է, որ պետտուրքը չափազանց բարձր է և դեռ հայտնի չէ, թե դիլերները տարեկան քանի գործարք կիրականացնեն, որպեսզի վճարեն այդ գումարը»,– ասաց նա։
Պետրոսյանի կարծիքով` նմանատիպ գործարքներում շահութաբերության մասնաբաժինը բավականին ցածր է, այսինքն` անհրաժեշտ կլինի վաճառել առնվազն 10-12 մեքենա, որպեսզի աշխատանքը լինի շահութաբեր, սակայն հաշվի առնելով մեր երկրի տնտեսական վիճակն ու պայմանները, դա իրատեսական չէ։
Նշենք, որ 2022թ–ի հունվարի 1-ից
Հայաստանում գործարկվել է ավտոմեքենաների վաճառքի Trade-in համակարգը, որի օգնությամբ քաղաքացիներն իրենց օգտագործած ավտոմեքենաները հանձնում են տվյալ մակնիշի արտադրողին ու, գնային տարբերությունը վճարելով, ստանում նորը։
Հավելենք, որ նախկին օրենսդրական կարգավորումներով` հին ավտոմեքենան նորով փոխարինելու դեպքում գնորդը ստիպված էր ավտոմեքենայի ամբողջ արժեքի 20%-ի չափով ԱԱՀ վճարել։
Օրենքի փոփոխությունից հետո, ս.թ. հունվարի 1-ից սկսած, ԱԱՀ–ն պետք է վճարվի ոչ թե մեքենայի ամբողջ արժեքից, այլ միայն գնային տարբերությունից հաշվարկված, քանի որ տրամաբանորեն Հայաստանում այսօր շահագործվող բոլոր ավտոմեքենաների ամբողջ արժեքի համար ԱԱՀ արդեն մեկ անգամ վճարվել է։
