https://arm.sputniknews.ru/20211230/inchpes-en-hhum-atshel-snndamterqi-gnery-2021ti-nvojemberdektemberin-37037959.html
Ինչպես են ՀՀ–ում աճել սննդամթերքի գները 2021թ–ի նոյեմբեր–դեկտեմբերին
Ինչպես են ՀՀ–ում աճել սննդամթերքի գները 2021թ–ի նոյեմբեր–դեկտեմբերին
Sputnik Արմենիա
2021թ–ի հունվար– նոյեմբեր ժամանակահատվածում Հայաստանում սպառողական գները, ըստ պաշտոնական տվյալների, աճել են 7.1 տոկոսով, միայն սննդամթերքի գները` 17 տոկոսով։... 30.12.2021, Sputnik Արմենիա
2021-12-30T19:51+0400
2021-12-30T19:51+0400
2021-12-30T19:51+0400
ինֆոգրաֆիկա
հայաստան
մթերք
թանկացում
գին
https://cdn.am.sputniknews.ru/img/07e5/0c/1e/37037593_0:54:1410:847_1920x0_80_0_0_31a8177e58450d72b2b57eb3b29b4342.png
Եթե հունվարին Հայաստանում քաղաքացին մթերային խանութում ծախսում էր 10 000 դրամ, ապա նոյեմբերին նույն քանակով նույն ապրանքը գնելու համար արդեն 11 700 դրամ է ծախսել։Սա, սակայն, դեռ 2021-ի ամբողջական գնաճը չէ։ Դեկտեմբերի վիճակագրությունը կհրապարակվի 2022թ–ի հունվարին։ Չսպասելով պաշտոնական տվյալներին` Sputnik Արմենիան նոյեմբեր–դեկտեմբեր ամիսների ընթացքում սեփական մոնիթորինգն է անցկացրել երևանյան խոշոր առևտրի կետերից մեկում։ Դիտարկումներն անցկացվել են նոյեմբերի 1-ից մինչև դեկտեմբերի 30-ը ներառյալ, 15-օրյա պարբերականությամբ։Եվ այսպես`1 կգ նորզելանդական կարագի գինը 2 ամսում ավելացել է 170 դրամով, 1 լ ռուսական արտադրության արևածաղկի ձեթինը` 30 դրամով, բրնձի 1 կգ–ը թանկացել է 150 դրամով, շաքարավազինը` 20, իսկ միջին արժեքով սուրճի 1 կգ–ի գինը վերջին 2 ամսում աճել է ավելի քան 250 դրամով։Թանկացումը չի շրջանցել նաև տեղական արտադրության սննդամթերքը։ Հատկապես կտրուկ են աճել կաթնամթերքի գները. Տեղական կաթի 1 լիտրը թանկացել է 25 դրամով, մածունն ու թթվասերը` շուրջ 40–ով։ Տեղական «Լոռի» տեսակի պանրի 1 կգ–ը թանկացել է 200 դրամով։Մեր դիտարկումների արդյունքում արձանագրել ենք, որ միայն ձուն ու հացը չեն թանկացել։ 200 գրամանոց հացի գինը նոյեմբերի 1-ից դեկտեմբերի 30-ը մնացել է անփոփոխ` 170 դրամ, ինչը մեղմ ասած տարօրինակ է, քանի որ այդ ընթացքում 1 կգ ալյուրի գինն աճել է 25 դրամով կամ շուրջ 10 տոկոսով։ Աճել է նաև մակարոնեղենի գինը։ Ռուսական արտադրության մակարոնի 1 կգ–ը թանկացել է 45 դրամով։Էլեկտրաէներգիայի սակագնի բարձրացումը ստեղծելու է սոցիալ–տնտեսական անվտանգության խնդիրներԻնչ վերաբերում է տեղական մսի գներին, նոյեմբերի 1-ին 2840 դրամ արժեցող տավարի միսը դեկտեմբերի 30-ին վաճառվում էր արդեն 2990 դրամով, 1280 դրամանոց հավի միսը` 1430–ով։ Խոզի միսը 3680 դրամից դարձել է 3690 դրամ։ Ընդ որում` դիտարկվող ժամանակահատվածում խոզի մսի գինը հասել էր 4280 դրամի, բայց դեկտեմբերի 15-ից հետո աստիճանաբար իջել էր։ Սա թերևս տարեվերջին հայաստանյան շուկայում առաջացած խոզի մսի ավելացած առաջարկի արդյունք է, քանի որ այդ օրերին սպառվում է հիմնականում խոզի բուդը։Գրեթե նույն իրավիճակն է նաև ձկնամթերքի շուկայում։ Տեղական իշխանի 1 կգ–ի գինը նոյեմբերի 1-ին 2700 էր, դեկտեմբերի 1-ին` 3240, դեկտեմբերի 30-ին` 2990 դրամ։Sputnik Արմենիան նոյեմբեր–դեկտեմբերին դիտարկել է նաև վառելիքի շուկան։ Այդ ընթացքում, սակայն, դրանց գները մնացել են անփոփոխ. բենզինի «ռեգուլյար» տեսակի 1 լիտրի գինը մնացել է 520 դրամ, դիզվառելիքինը` 500, հեղուկ գազինը` 250 դրամ։Երևանցու համար որքա՞ն կարժենա Նոր տարվա մատչելի սեղանը
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ինֆոգրաֆիկա, инфографика, հայաստան, մթերք, թանկացում, գին
ինֆոգրաֆիկա, инфографика, հայաստան, մթերք, թանկացում, գին
Ինչպես են ՀՀ–ում աճել սննդամթերքի գները 2021թ–ի նոյեմբեր–դեկտեմբերին
2021թ–ի հունվար– նոյեմբեր ժամանակահատվածում Հայաստանում սպառողական գները, ըստ պաշտոնական տվյալների, աճել են 7.1 տոկոսով, միայն սննդամթերքի գները` 17 տոկոսով։ Sputnik Արմենիան սեփական մոնիթորինգն է անցկացրել։
Եթե հունվարին
Հայաստանում քաղաքացին մթերային խանութում ծախսում էր 10 000 դրամ, ապա նոյեմբերին նույն քանակով նույն ապրանքը գնելու համար արդեն 11 700 դրամ է ծախսել։
Սա, սակայն, դեռ 2021-ի ամբողջական գնաճը չէ։ Դեկտեմբերի վիճակագրությունը կհրապարակվի 2022թ–ի հունվարին։ Չսպասելով պաշտոնական տվյալներին` Sputnik Արմենիան նոյեմբեր–դեկտեմբեր ամիսների ընթացքում սեփական մոնիթորինգն է անցկացրել երևանյան խոշոր առևտրի կետերից մեկում։ Դիտարկումներն անցկացվել են նոյեմբերի 1-ից մինչև դեկտեմբերի 30-ը ներառյալ, 15-օրյա պարբերականությամբ։
Եվ այսպես`1 կգ նորզելանդական կարագի գինը 2 ամսում ավելացել է 170 դրամով, 1 լ ռուսական արտադրության արևածաղկի ձեթինը` 30 դրամով, բրնձի 1 կգ–ը թանկացել է 150 դրամով, շաքարավազինը` 20, իսկ միջին արժեքով սուրճի 1 կգ–ի գինը վերջին 2 ամսում աճել է ավելի քան 250 դրամով։
Թանկացումը չի շրջանցել նաև տեղական արտադրության սննդամթերքը։ Հատկապես կտրուկ են աճել կաթնամթերքի գները. Տեղական կաթի 1 լիտրը թանկացել է 25 դրամով, մածունն ու թթվասերը` շուրջ 40–ով։ Տեղական «Լոռի» տեսակի պանրի 1 կգ–ը թանկացել է 200 դրամով։
Մեր դիտարկումների արդյունքում արձանագրել ենք, որ միայն ձուն ու հացը չեն թանկացել։ 200 գրամանոց հացի գինը նոյեմբերի 1-ից դեկտեմբերի 30-ը մնացել է անփոփոխ` 170 դրամ, ինչը մեղմ ասած տարօրինակ է, քանի որ այդ ընթացքում 1 կգ ալյուրի գինն աճել է 25 դրամով կամ շուրջ 10 տոկոսով։ Աճել է նաև մակարոնեղենի գինը։ Ռուսական արտադրության մակարոնի 1 կգ–ը թանկացել է 45 դրամով։
Ինչ վերաբերում է տեղական մսի գներին, նոյեմբերի 1-ին 2840 դրամ արժեցող տավարի միսը դեկտեմբերի 30-ին վաճառվում էր արդեն 2990 դրամով, 1280 դրամանոց հավի միսը` 1430–ով։ Խոզի միսը 3680 դրամից դարձել է 3690 դրամ։ Ընդ որում` դիտարկվող ժամանակահատվածում խոզի մսի գինը հասել էր 4280 դրամի, բայց դեկտեմբերի 15-ից հետո աստիճանաբար իջել էր։ Սա թերևս տարեվերջին հայաստանյան շուկայում առաջացած խոզի մսի ավելացած առաջարկի արդյունք է, քանի որ այդ օրերին սպառվում է հիմնականում խոզի բուդը։
Գրեթե նույն իրավիճակն է նաև ձկնամթերքի շուկայում։ Տեղական իշխանի 1 կգ–ի գինը նոյեմբերի 1-ին 2700 էր, դեկտեմբերի 1-ին` 3240, դեկտեմբերի 30-ին` 2990 դրամ։
Sputnik Արմենիան նոյեմբեր–դեկտեմբերին դիտարկել է նաև վառելիքի շուկան։ Այդ ընթացքում, սակայն, դրանց գները մնացել են անփոփոխ. բենզինի «ռեգուլյար» տեսակի 1 լիտրի գինը մնացել է 520 դրամ, դիզվառելիքինը` 500, հեղուկ գազինը` 250 դրամ։
