«ԳեոՊրոՄայնինգն» անակնկալ է մատուցել Արյունաբանական կենտրոնում բուժվող երեխաներին
14:28 30.12.2021 (Թարմացված է: 14:30 30.12.2021)
«ԳեոՊրոՄայնինգն» անակնակալ է մատուցել Արյունաբանական կենտրոնում բուժվող երեխաներին
© Photo : provided by press-office of GeoProMining
Բաժանորդագրվել
Ընկերությունը տոնական ներկայացումներ է կազմակերպել նաև Գեղարքունիքի, Արարատի և Սյունիքի մարզերի մի շարք քաղաքներում։
ԵՐԵՎԱՆ, 30 դեկտեմբերի – Sputnik. «ԳեոՊրոՄայնինգ» ընկերությունը «Շտապեք նվիրել բարություն» բարեգործական ակցիայի շրջանակում ավանդական ամանորյա տոն է կազմակերպել Յոլյանի անվան Արյունաբանական կենտրոնում բուժվող երեխաների համար։
«ԳեոՊրոՄայնինգն» անակնակալ է մատուցել Արյունաբանական կենտրոնում բուժվող երեխաներին
© Photo : provided by press-office of GeoProMining
Հեքիաթների հերոսներից, աճպարարներից ու վարժեցրած կենդանիներից բացի, երեխաների համար կազմակերպվել է նաև գունեղ լուսային շոու, իսկ Ձմեռ պապն ու Սուրբ ծննդյան էլֆերը երեխաների համար տարել են տոնական տորթ, թխվածքաբլիթներից պատրաստված տնակ, քաղցրավենիք, ինչպես նաև «Շչելկունչիկ» և «Կարապի լիճ» երաժշտական ալբոմներ։
«ԳեոՊրոՄայնինգն» անակնակալ է մատուցել Արյունաբանական կենտրոնում բուժվող երեխաներին
© Photo : provided by press-office of GeoProMining
«Սիթի օֆ սմայլ» հիմնադրամի տնօրեն Էսթեր Դեմիրճյանը, ներկայացնելով «ԳեոՊրոՄայնինգ» ընկերության հետ իրենց արդեն մի քանի տարվա համագործակցությունը, նշել է, որ համատեղ աշխատանքի ամենակարևոր արդյունքը երեխաների ու նրանց ծնողների հազարավոր ժպիտներն են, հիվանդների արդյունավետ բուժումն ու առողջացումը։
«ԳեոՊրոՄայնինգն» անակնակալ է մատուցել Արյունաբանական կենտրոնում բուժվող երեխաներին
© Photo : provided by press-office of GeoProMining
«ԳեոՊրոՄայնինգ» ընկերության ներկայացուցիչ Ռուզաննա Գրիգորյանն էլ վստահություն է հայտնել, որ երիտասարդ սերնդի առողջության և կրթության մեջ կատարված ներդրումները կդառնան իրենց ընդհանուր հաջողության գրավականը:
«Երիտասարդ սերնդի հետ աշխատանքը ընկերության սոցիալական քաղաքականության հիմնական առաջնահերթություններից է։ Կրթությունը, ժամանցը, հանգիստը, երիտասարդ սերնդի համար սպորտային օբյեկտների կառուցումը այն ծրագրերի ոչ ամբողջական ցանկն է, որով զբաղվում է ընկերությունը»,– ասել է նա։
«ԳեոՊրոՄայնինգն» անակնակալ է մատուցել երեխաներին
© Photo : provided by press-office of GeoProMining
«ԳեոՊրոՄայնինգն» Ամանորը նշել է նաև ՀՀ Գեղարքունիքի, Արարատի և Սյունիքի մարզերի այն քաղաքներում, որտեղ գործունեություն է իրականացնում ընկերությունը։ Կազմակերպված միջոցառումներին ու մանկական երաժշտական ներկայացումներին մասնակցել են ավելի քան 3000 երեխաներ, որոնց թվում` սահմանամերձ բնակավայրում ապրող փոքրիկներ։
«15 տարի շարունակ ընկերությունը տեղական ինքնակառավարման մարմինների հետ միջոցառումներ է կազմակերպում: Մենք կարևոր ենք համարում երեխաներին նվիրել թեմատիկ և նպատակաուղղված նվերներ, որոնք կնպաստեն աճող սերնդի զարգացմանը։ Մենք ընտրում ենք ինտելեկտուալ խաղեր։ Արդեն երկար տարիներ առաջատար հրատարակչությունների հետ մշակում ենք գիտահանրամատչելի գրքեր, կազմակերպում արտասահմանյան դասական գրողների, ուսուցողական գրականության թարգմանություններ, որոնք էլ նվիրում ենք երեխաներին»,- ասել է Ռուզաննա Գրիգորյանը։
«ԳեոՊրոՄայնինգ» ընկերությունների խումբը դինամիկ զարգացող միջազգային մասնավոր ընկերություն է, հիմնադրվել է 2001 թվականին։ Արտադրում է ոսկի («Դորե» համաձուլվածքի տեսքով) և պղնձի, մոլիբդենի և անտիմոնի խտանյութեր։
