https://arm.sputniknews.ru/20211229/hjusisharav-avtvotshanaparhi-mi-qani-tvokvosn-e-karucvats-nakharar-37011458.html
«Հյուսիս–հարավ» ավտոճանապարհի մի քանի տոկոսն է կառուցված. նախարար
«Հյուսիս–հարավ» ավտոճանապարհի մի քանի տոկոսն է կառուցված. նախարար
Sputnik Արմենիա
Հայաստանի իշխանությունն ակնկալում է, որ ավտոճանապարհի կառուցմամբ կավելանա բեռնափոխադրումն ու ուղևորահոսքը։ 29.12.2021, Sputnik Արմենիա
2021-12-29T19:39+0400
2021-12-29T19:39+0400
2021-12-29T19:44+0400
հայաստան
«հյուսիս–հարավ» ավտոճանապարհ
գնել սանոսյան
https://cdn.am.sputniknews.ru/img/1332/21/13322196_0:40:1600:940_1920x0_80_0_0_262c82f2e19ba8980d845b9c7495d056.jpg
ԵՐԵՎԱՆ, 29 դեկտեմբերի – Sputnik. «Հյուսիս–հարավ» ավտոճանապարհի նախանշված տարածքներից մինչ օրս կառուցվել է մի քանի տոկոսը։ Sputnik Արմենիայի հետ զրույցում ասաց ՀՀ տարածքային կառավարման և ենթակառուցվածքների նախարար Գնել Սանոսյանը։Նրա խոսքով` որոշ հատվածներում անգամ դեռ հստակեցում չկա, թե ինչպես կանցնի ճանապարհը, այսինքն նախագծային լուծումներ նույնպես չկան։ Նախարարը նշեց, որ մյուս կողմից էլ հատվածներ կան, որտեղ նախագծման աշխատանքներն ավարտված են, ու որոշակի ֆինանսավորման պարագայում կարող են սկսել աշխատանքները։ Սանոսյանը շեշտեց` այս պահին թիրախում դրված է Սիսիան–Քաջարան և Քաջարան–Ագարակ հատվածների կառուցումը։Նա ընդգծեց, որ 2 ճանապարհահատվածի ուղղությամբ էլ ակտիվ աշխատանքներ են տարվում` ներկայում միջազգային գործընկերների հետ է համագործակցություն ընթանում, ինչից հետո կլինի մրցութային փուլ։ Տարեվերջին նախատեսվում է ունենալ մի ընկերություն կամ ընկերություններ, որոնք կզբաղվեն կառուցմամբ։Սանոսյանի խոսքով` իրենք ուրախ կլինեն, որ Սյունիքի մարզում լինի խաչմերուկ, որտեղ «Հյուսիս–հարավ» և «Արևելք–արևմուտք» (ամենայն հավանականությամբ Երասխ–Հորադիզ երկաթգիծը. խմբ.) միջազգային ճանապարհների որոշակի հանգույց կլինի։Հիշեցնենք` հարավից Իրանին, իսկ հյուսիսից Վրաստանին կապող «Հյուսիս-հարավ» ավտոճանապարհի շինարարությունը մեկնարկել է 2012-ին։«Հյուսիս–հարավ» ճանապարհից առաջնահերթ է համարվել Սիսիան-Քաջարան հատվածի կառուցումը
«հյուսիս–հարավ» ավտոճանապարհ
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, «հյուսիս–հարավ» ավտոճանապարհ, գնել սանոսյան , видео
հայաստան, «հյուսիս–հարավ» ավտոճանապարհ, գնել սանոսյան , видео
«Հյուսիս–հարավ» ավտոճանապարհի մի քանի տոկոսն է կառուցված. նախարար
19:39 29.12.2021 (Թարմացված է: 19:44 29.12.2021) Հայաստանի իշխանությունն ակնկալում է, որ ավտոճանապարհի կառուցմամբ կավելանա բեռնափոխադրումն ու ուղևորահոսքը։
ԵՐԵՎԱՆ, 29 դեկտեմբերի – Sputnik. «Հյուսիս–հարավ» ավտոճանապարհի նախանշված տարածքներից մինչ օրս կառուցվել է մի քանի տոկոսը։
Sputnik Արմենիայի հետ զրույցում ասաց ՀՀ տարածքային կառավարման և ենթակառուցվածքների նախարար Գնել Սանոսյանը։
Նրա խոսքով` որոշ հատվածներում անգամ դեռ հստակեցում չկա, թե ինչպես կանցնի ճանապարհը, այսինքն նախագծային լուծումներ նույնպես չկան։ Նախարարը նշեց, որ մյուս կողմից էլ հատվածներ կան, որտեղ նախագծման աշխատանքներն ավարտված են, ու որոշակի ֆինանսավորման պարագայում կարող են սկսել աշխատանքները։ Սանոսյանը շեշտեց` այս պահին թիրախում դրված է Սիսիան–Քաջարան և Քաջարան–Ագարակ հատվածների կառուցումը։
Նա ընդգծեց, որ 2 ճանապարհահատվածի ուղղությամբ էլ ակտիվ աշխատանքներ են տարվում` ներկայում միջազգային գործընկերների հետ է համագործակցություն ընթանում, ինչից հետո կլինի մրցութային փուլ։ Տարեվերջին նախատեսվում է ունենալ մի ընկերություն կամ ընկերություններ, որոնք կզբաղվեն կառուցմամբ։
«Կարծում ենք, որ նման ճանապարհի առկայության դեպքում Պարսից ծոցի ավազանի երկրներից, Հնդկաստանից դեպի Իրան, Վրաստան ու Ռուսաստան բեռնափոխադրումներ կիրականացվեն այդ ճանապարհով։ Ակնկալում ենք, որ ավտոճանապարհի կառուցմամբ կավելանա բեռնափոխադրումն ու ուղևորահոսքը։ Ավտոճանապարհը պետք է համապատասխանի միջազգային նորմերին»,– նշեց Սանոսյանը և հավելեց, որ այժմ ակտիվ պատրաստվում են «Հյուսիս–հարավ» ճանապարհի սյունիքյան հատվածի կառուցմանը։
Սանոսյանի խոսքով` իրենք ուրախ կլինեն, որ Սյունիքի մարզում լինի խաչմերուկ, որտեղ «Հյուսիս–հարավ» և «Արևելք–արևմուտք» (ամենայն հավանականությամբ Երասխ–Հորադիզ երկաթգիծը. խմբ.) միջազգային ճանապարհների որոշակի հանգույց կլինի։
Հիշեցնենք` հարավից Իրանին, իսկ հյուսիսից Վրաստանին կապող «Հյուսիս-հարավ» ավտոճանապարհի շինարարությունը մեկնարկել է 2012-ին։
