17-ամյա Աբդուսատորովի սենսացիոն հաղթանակը. նա արագ շախմատի աշխարհի չեմպիոն է
09:13 29.12.2021 (Թարմացված է: 09:22 29.12.2021)
© AP Photo / Frank Augstein
Բաժանորդագրվել
Դեկտեմբերի 29-ին ու 30-ին կրկին Վարշավայում կանցկացվի կայծակնային շախմատի աշխարհի առաջնությունը։
ԵՐԵՎԱՆ, 29 դեկտեմբերի - Sputnik. Լեհաստանի մայրաքաղաք Վարշավայում անցկացված արագ շախմատի աշխարհի առաջնությունում սենսացիոն հաղթանակ է տարել 17-ամյա ուզբեկ Նոդիրբեկ Աբդուսատորովը, որը տիտղոսը նվաճեց թայ-բրեյքում 31-ամյա ռուսաստանցի Յան Նեպոմնյաշչու նկատմամբ տարած հաղթանակի շնորհիվ։ Առաջին պարտիան ավարտվեց ոչ ոքի, իսկ երկրորդ պարտիայում Աբդուսատորովը սպիտակներով հաղթանակ տարավ։ Նա դարձավ ամենաերիտասարդ չեմպիոնը արագ շախմատի աշխարհի առաջնությունների պատմության մեջ։
Abdusattorov's path to the title:
— International Chess Federation (@FIDE_chess) December 28, 2021
1. Mikhalevski - 1
2. Dudin - 1
3. GM Caruana - 1
4. Nepomniachtchi - ½
5. Grischuk - ½
6. Korobov - 0
7. Aronian - 1
8. Wojtaszek - 1
9. Gelfand - 1
10. Carlsen - 1
11. Fedoseev - ½
12. Gukesh D - ½
13. Duda - ½
Playoff. Nepomniachtchi - ½, 1 pic.twitter.com/7QfEM4XUOH
13 տուրից հետո Աբդուսատորովն ու Նեպոմնյաշչին աշխարհի չեմպիոն, նորվեգացի Մագնուս Կարլսենի և ամերիկացի Ֆաբիանո Կարուանայի հետ վաստակել էին 9,5-ական միավոր։ Լրացուցիչ գործակիցների հաշվարկից հետո Կարլսենն ու Կարուանան գրավեցին երրորդ և չորրորդ տեղերը։
Հայաստանի հավաքականի նախկին առաջատար, այժմ ԱՄՆ-ն ներկայացնող Լևոն Արոնյանը 9 միավորով գրավեց 6-րդ տեղը։
Հայաստանի ներկայացուցիչներից ամենաբարձր տեղը գրավեց Տիգրան Լ․ Պետրոսյանը, որը 27-րդն է՝ 8 միավոր։ Շանթ Սարգսյանը նույնքան միավորով 29-րդն է։ 8 միավոր ունեն նաև Գաբրիել Սարգսյանն (31-րդ տեղ) ու Հայկ Մ․ Մարտիրոսյանը (33-րդ տեղ)։ Ռոբերտ Հովհաննիսյանը 7,5 միավորով 42-րդն է։ Սերգեյ Մովսեսյանը, Մանուել Պետրոսյանն ու Սամվել Տեր-Սահակյանը վաստակեցին 6,5-ական միավոր և 76-րդ, 86, 87-րդ տեղերում են համապատասխանաբար։ Հովհաննես Գաբուզյանը վաստակեց 5 միավոր և 141-րդն է։
The final moments of this game had everyone glued to the screens. Missed mate in two, missed chance for perpetual, and finally, 17-year-old Nodirbek Abdusattorov prevailed! #rapidblitz pic.twitter.com/3FxVdI1kIx
— International Chess Federation (@FIDE_chess) December 28, 2021
Կանանց աշխարհի չեմպիոնի տիտղոսը նվաճեց ռուսաստանցի Ալեքսանդրա Կոստենյուկը, որը 11 հնարավորից վաստակեց 9 միավոր և միանձնյա գրավեց առաջին տեղը։
Հայաստանի երկու ներկայացուցիչներից Էլինա Դանիելյանը 28-րդն է (6,5 միավոր), Սուսաննա Գաբոյանը 94-րդն է (3,5 միավոր)։
Հիշեցնենք, որ դեկտեմբերի 29-ին ու 30-ին կրկին Վարշավայում կանցկացվի կայծակնային շախմատի աշխարհի առաջնությունը։
