https://arm.sputniknews.ru/20211227/haj-turqakan-banakcutjunnern-anhajvoghutjan-en-datapartvats-safrastjann-asac-inchu-36921608.html
Հայ-թուրքական բանակցություններն անհաջողության են դատապարտված. Սաֆրաստյանն ասաց` ինչու
Հայ-թուրքական բանակցություններն անհաջողության են դատապարտված. Սաֆրաստյանն ասաց` ինչու
Sputnik Արմենիա
Թուրքիայի հետ բանակցելու անհրաժեշտության մասին փորձագետների կարծիքները տարբեր են։ Սակայն նրանք միակարծիք են մի բանում`շատ բան կախված է երևանյան բանակցողների... 27.12.2021, Sputnik Արմենիա
2021-12-27T18:00+0400
2021-12-27T18:00+0400
2021-12-27T18:00+0400
հայաստան
թուրքիա
հայոց ցեղասպանություն
ռուբեն սաֆրաստյան
https://cdn.am.sputniknews.ru/img/07e5/0c/1b/36913013_0:49:1600:949_1920x0_80_0_0_0df28efd85b164fd6e14cf8bd51d4926.jpg
ԵՐԵՎԱՆ, 27 դեկտեմբերի – Sputnik. Հայ-թուրքական հարաբերությունների կարգավորմանն ուղղված բանակցությունները հազիվ թե հաջողությամբ պսակվեն, սակայն գործընթացն ինքնին կարող է որոշակի դիվիդենդներ բերել Հայաստանին։ Այս մասին այսօր Sputnik Արմենիա մուլտիմեդիոն մամուլի կենտրոնում կազմակերպած Երևան–Մոսկվա տեսակապի ժամանակ ասաց ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանը։ Նա գրեթե համոզված է, որ իրականում Թուրքիան հարաբերությունների կարգավորման չի ձգտում։ Արևելագետը հիշեցրեց, որ Հայաստանի անկախության շրջանում կարգավորման երեք փորձ է եղել` համապատասխանաբար երեք նախագահների օրոք։Իսկ թե Անկարայի համար ինչն է էական, հայտնի է բոլորին։ Դրանք Հայաստանի առջև դրվող երեք հիմնական պահանջներն են. հրաժարվել Օսմանյան կայսրությունում տեղի ունեցած Հայոց ցեղասպանությունը ճանաչելու քաղաքականությունից, հրաժարվել ԼՂ–ին աջակցելուց և պաշտոնապես հաստատել 1921 թվականի Կարսի պայմանագրին հավատարիմ լինելը։ Այսօր այս պահանջներին գումարվել է նաև չորրորդը` այսպես կոչված «Զանգեզուրի միջանցքի» բացումը։ Սաֆրաստյանը կարծում է, որ ՀՀ իշխանությունները չեն բավարարի այս պահանջները։ Այդ իսկ պատճառով բանակցություններն ի սկզբանե անհաջողության են դատապարտված։ Սակայն այդ բանակցություններն այսօր անհրաժեշտ են Հայաստանին։ Ինչպես կարելի է Թուրքիային ծնկի բերել. թուրքագետը` հայ–թուրքական հարաբերությունների մասինԲնականաբար, Հայաստանն այսօր ավելի թույլ է, քան նախկինում, սակայն բարենպաստ իրադրություն կա. երեք գերտերություններ, ԵԱՀԿ ՄԽ երեք համանախագահներ ՌԴ–ն, ԱՄՆ–ն և Ֆրանսիան ճանաչել են Հայոց ցեղասպանությունը։ Հայաստանն այժմ պետք է ավելի ակտիվ աշխատի նրանց հետ, որպեսզի նրանք ուժեղացնեն ճնշումը Թուրքիայի նկատմամբ, ստիպեն նրան ևս ճանաչել Ցեղասպանությունը, ինչպես նաև այդ գերտերությունների օգնությամբ հասնել նաև նրան, որ Թուրքիան զիջումների գնա նաև մյուս հարցերում։ Սաֆրաստյանը չգիտի, թե արդյո՞ք ԱԳՆ–ն զբաղվում է այս ամենի վերլուծությամբ, սակայն եթե Հայաստանը որոշել է բանակցել, անհրաժեշտ է այս մոտեցումներն ի նկատի ունենալ։Հիշեցնենք, որ Հայաստանն ու Թուրքիան արդեն նշանակել են բանակցություններում իրենց հատուկ ներկայացուցիչներին։ Երևանը բանակցությունների ժամանակ կներկայացնի ԱԺ փոխխոսնակ, իշխող «Քաղաքացիական պայմանագրի» անդամ Ռուբեն Ռուբինյանը։ Անկարան բանակցությունների համար ներկայացրել է Վաշինգտոնում Թուրքիայի նախկին դեսպան Սերդար Քըլըչին։ Դիվանագետների առաջին հանդիպումը հավանաբար կկայանա Մոսկվայում։
https://arm.sputniknews.ru/20211227/turqakan-zavtvoghakanutjuny-nakhkin-khshm-taratsqum-datark-sparnaliq-che-arevelaget-36916840.html
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, թուրքիա, հայոց ցեղասպանություն, ռուբեն սաֆրաստյան
հայաստան, թուրքիա, հայոց ցեղասպանություն, ռուբեն սաֆրաստյան
Հայ-թուրքական բանակցություններն անհաջողության են դատապարտված. Սաֆրաստյանն ասաց` ինչու
Թուրքիայի հետ բանակցելու անհրաժեշտության մասին փորձագետների կարծիքները տարբեր են։ Սակայն նրանք միակարծիք են մի բանում`շատ բան կախված է երևանյան բանակցողների վարպետությունից։
ԵՐԵՎԱՆ, 27 դեկտեմբերի – Sputnik. Հայ-թուրքական հարաբերությունների կարգավորմանն ուղղված բանակցությունները հազիվ թե հաջողությամբ պսակվեն, սակայն գործընթացն ինքնին կարող է որոշակի դիվիդենդներ բերել Հայաստանին։ Այս մասին այսօր Sputnik Արմենիա մուլտիմեդիոն մամուլի կենտրոնում կազմակերպած Երևան–Մոսկվա տեսակապի ժամանակ ասաց ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանը։
Նա գրեթե համոզված է, որ իրականում Թուրքիան հարաբերությունների կարգավորման չի ձգտում։ Արևելագետը հիշեցրեց, որ Հայաստանի անկախության շրջանում կարգավորման երեք փորձ է եղել` համապատասխանաբար երեք նախագահների օրոք։
«ՀՀ առաջնորդները մեծ նշանակություն էին տալիս Անկարայի հետ հարաբերությունների կարգավորմանը։ Սակայն բոլոր երեք փորձերն էլ ձախողվել են։ Եզրակացությունը շատ պարզ է` դա բավական բարդ պրոցես է, շատ են ստորջրյա խութերը։ Այսօր էլ մեծ է հավանականությունը, որ ոչինչ չի ստացվի։ Նախևառաջ այն պատճառով, որ Թուրքիան իրականում հարաբերությունների կարգավորում չի ուզում։ Եթե դրա դիմաց նա որևէ էական բան չստանա, նրա ինչին է պետք կարգավորումը,», – ասաց Սաֆրաստյանը։
Իսկ թե Անկարայի համար ինչն է էական, հայտնի է բոլորին։ Դրանք Հայաստանի առջև դրվող երեք հիմնական պահանջներն են. հրաժարվել Օսմանյան կայսրությունում տեղի ունեցած Հայոց ցեղասպանությունը ճանաչելու քաղաքականությունից, հրաժարվել ԼՂ–ին աջակցելուց և պաշտոնապես հաստատել 1921 թվականի Կարսի պայմանագրին հավատարիմ լինելը։ Այսօր այս պահանջներին գումարվել է նաև չորրորդը` այսպես կոչված «Զանգեզուրի միջանցքի» բացումը։ Սաֆրաստյանը կարծում է, որ ՀՀ իշխանությունները չեն բավարարի այս պահանջները։ Այդ իսկ պատճառով բանակցություններն ի սկզբանե անհաջողության են դատապարտված։ Սակայն այդ բանակցություններն այսօր անհրաժեշտ են Հայաստանին։
Բնականաբար, Հայաստանն այսօր ավելի թույլ է, քան նախկինում, սակայն բարենպաստ իրադրություն կա. երեք գերտերություններ, ԵԱՀԿ ՄԽ երեք համանախագահներ ՌԴ–ն, ԱՄՆ–ն և Ֆրանսիան ճանաչել են Հայոց ցեղասպանությունը։ Հայաստանն այժմ պետք է ավելի ակտիվ աշխատի նրանց հետ, որպեսզի նրանք ուժեղացնեն ճնշումը Թուրքիայի նկատմամբ, ստիպեն նրան ևս ճանաչել Ցեղասպանությունը, ինչպես նաև այդ գերտերությունների օգնությամբ հասնել նաև նրան, որ Թուրքիան զիջումների գնա նաև մյուս հարցերում։ Սաֆրաստյանը չգիտի, թե արդյո՞ք ԱԳՆ–ն զբաղվում է այս ամենի վերլուծությամբ, սակայն եթե Հայաստանը որոշել է բանակցել, անհրաժեշտ է այս մոտեցումներն ի նկատի ունենալ։
27 դեկտեմբերի 2021, 16:44
Հիշեցնենք, որ Հայաստանն ու Թուրքիան արդեն նշանակել են բանակցություններում իրենց հատուկ ներկայացուցիչներին։ Երևանը բանակցությունների ժամանակ կներկայացնի ԱԺ փոխխոսնակ, իշխող «Քաղաքացիական պայմանագրի» անդամ Ռուբեն Ռուբինյանը։ Անկարան բանակցությունների համար ներկայացրել է Վաշինգտոնում Թուրքիայի նախկին դեսպան Սերդար Քըլըչին։ Դիվանագետների առաջին հանդիպումը հավանաբար կկայանա Մոսկվայում։
