https://arm.sputniknews.ru/20211224/hh-nakhagahy-khvosel-e-turqiaji-het-haraberutjunneri-kargavvorman-masin-36839230.html
ՀՀ նախագահը խոսել է Թուրքիայի հետ հարաբերությունների կարգավորման մասին
ՀՀ նախագահը խոսել է Թուրքիայի հետ հարաբերությունների կարգավորման մասին
Sputnik Արմենիա
Արմեն Սարգսյանի խոսքով` պետք է հանրային քննարկում լինի Հայաստան֊Թուրքիա հարաբերությունների վերաբերյալ։ 24.12.2021, Sputnik Արմենիա
2021-12-24T18:05+0400
2021-12-24T18:05+0400
2021-12-24T18:08+0400
հայաստան
թուրքիա
արմեն սարգսյան
https://cdn.am.sputniknews.ru/img/07e5/0c/01/35929886_0:74:1500:918_1920x0_80_0_0_47ceb218ddd750ba99396e73ec488e1c.jpg
ԵՐԵՎԱՆ, 24 դեկտեմբերի – Sputnik. ՀՀ նախագահ Արմեն Սարգսյանը ArabNews–ին տված հարցազրույցում ասել է, որ Թուրքայի հետ հարաբերությունների կարգավորումը պետք է ներդաշնակ լինի մեր պետության և առհասարակ ողջ աշխարհի հայերի ազգային շահին։ Տեղեկությունը հայտնում է նախագահի մամուլի ծառայությունը։«Ես Սահմանադրությամբ համարվում եմ պետության գլուխը, սակայն չունեմ գործադիր լիազորություններ: Գործող կառավարությունն է հիմնական որոշումները կայացողը, և կառավարությունն է, որ պետք է պատասխանի թուրքական կողմին», ֊ ասել է նա։Սարգսյանի կարծիքով` պետք է հանրային քննարկում լինի Հայաստան֊Թուրքիա հարաբերությունների վերաբերյալ, և ցանկացած համաձայնագիր, բոլոր փուլերով անցնելուց հետո պետք է գա իր սեղանին։Խոսելով Պակիստանի մասին՝ Սարգսյանը նշել է, որ Հայաստանի վրա շատ վատ է ազդում երկրի կապը Թուրքիայի և Ադրբեջանի հետ, բայց, այնուամենայնիվ, Պակիստանի հետ պետք է բանակցել։«Ես համաձայն չեմ այն կարծիքին, որ եթե որևէ մեկն աջակցում է իմ հակառակորդին կամ թշնամուն, ուրեմն չպետք է նրա հետ խոսել։ Պակիստանը երկիր է, որը չես կարող անտեսել՝ հատկապես մեր տարածաշրջանում, մասնավորապես, երբ խոսում ենք Ադրբեջանին ու Թուրքիային նրա ակնհայտ աջակցության մասին: Մենք այն դիրքերում չենք, որ պատերազմենք Պակիստանի դեմ: Պետք է փորձենք երկխոսություն սկսել ու տեսնենք, թե դա մեզ ուր կտանի», ֊ ասել է Սարգսյանը։Նա հավելել է, որ չի կարծում՝ Հնդկաստանը խնդիր կունենա, եթե Հայաստանն ու Պակիստանը սկսեն կարգավորել իրենց հարաբերությունները։Նշենք, որ Հնդկաստանը Հայաստանի բարեկամ երկրներից է, երկրում կա հայ համայնք, մշակութային կենտրոններ, երկու երկրների միջև կան կայացած համագործակցություններ տարբեր ոլորտներում։ Հնդկաստանն ու Պակիստանը ավելի քան 60 տարի պատերազմում են Քաշմիրի շրջանի շուրջ։Այս ամիս հայտնի դարձավ, որ Հայաստան-Թուրքիա երկխոսության գործընթաց է սկսելու, որի ժամանակ Հայաստանի հատուկ ներկայացուցիչը կլինի ՀՀ ԱԺ նախագահի տեղակալ Ռուբեն Ռուբինյանը, իսկ Թուրքիայինը՝ ԱՄՆ-ում Թուրքիայի նախկին դեսպան Սերդար Քըլըչը։
https://arm.sputniknews.ru/20211220/arcakhjan-harci-kargavvorman-gvortsyntacy-turqian-karvogh-e-teghapvokhel-33-hartak-grigvorjan-36690244.html
https://arm.sputniknews.ru/20210908/nikol-pashinyan-turqya-tcanaparh-28928280.html
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, թուրքիա, արմեն սարգսյան
հայաստան, թուրքիա, արմեն սարգսյան
ՀՀ նախագահը խոսել է Թուրքիայի հետ հարաբերությունների կարգավորման մասին
18:05 24.12.2021 (Թարմացված է: 18:08 24.12.2021) Արմեն Սարգսյանի խոսքով` պետք է հանրային քննարկում լինի Հայաստան֊Թուրքիա հարաբերությունների վերաբերյալ։
ԵՐԵՎԱՆ, 24 դեկտեմբերի – Sputnik. ՀՀ նախագահ Արմեն Սարգսյանը ArabNews–ին տված հարցազրույցում ասել է, որ Թուրքայի հետ հարաբերությունների կարգավորումը պետք է ներդաշնակ լինի մեր պետության և առհասարակ ողջ աշխարհի հայերի ազգային շահին։ Տեղեկությունը հայտնում է նախագահի
մամուլի ծառայությունը։
«Ես Սահմանադրությամբ համարվում եմ պետության գլուխը, սակայն չունեմ գործադիր լիազորություններ: Գործող կառավարությունն է հիմնական որոշումները կայացողը, և կառավարությունն է, որ պետք է պատասխանի թուրքական կողմին», ֊ ասել է նա։
Սարգսյանի կարծիքով` պետք է հանրային քննարկում լինի Հայաստան֊Թուրքիա հարաբերությունների վերաբերյալ, և ցանկացած համաձայնագիր, բոլոր փուլերով անցնելուց հետո պետք է գա իր սեղանին։
«Իմ կողմից սխալ կլինի նախապես դատողություններ անել և որակումներ տալ կամ մեկնաբանել մի բան, որը դեռ չի սկսվել և չի հասել իմ սեղանին: Այն պահին, երբ այդ համաձայնագիրը լինի իմ սեղանին, իմ ձայնը կլսեք: Որպես հանրապետության նախագահ` ես կարող եմ ստորագրել այն, եթե համարեմ, որ այն ներդաշնակ է պետության և Հայաստանի ու առհասարակ ողջ աշխարհի հայերի ազգային շահին: Կամ ես կունենամ հնարավորություն չստորագրել այն և ուղարկել Սահմանադրական դատարան, որպեսզի բարձրակարգ իրավաբանները քննեն հարցը և ինձ խորհրդատվություն տան», ֊ ասել է Սարգսյանը։
Խոսելով Պակիստանի մասին՝ Սարգսյանը նշել է, որ Հայաստանի վրա շատ վատ է ազդում երկրի կապը Թուրքիայի և Ադրբեջանի հետ, բայց, այնուամենայնիվ, Պակիստանի հետ պետք է բանակցել։
20 դեկտեմբերի 2021, 15:13
«Ես համաձայն չեմ այն կարծիքին, որ եթե որևէ մեկն աջակցում է իմ հակառակորդին կամ թշնամուն, ուրեմն չպետք է նրա հետ խոսել։ Պակիստանը երկիր է, որը չես կարող անտեսել՝ հատկապես մեր տարածաշրջանում, մասնավորապես, երբ խոսում ենք Ադրբեջանին ու Թուրքիային նրա ակնհայտ աջակցության մասին: Մենք այն դիրքերում չենք, որ պատերազմենք Պակիստանի դեմ: Պետք է փորձենք երկխոսություն սկսել ու տեսնենք, թե դա մեզ ուր կտանի», ֊ ասել է Սարգսյանը։
Նա հավելել է, որ չի կարծում՝ Հնդկաստանը խնդիր կունենա, եթե Հայաստանն ու Պակիստանը սկսեն կարգավորել իրենց հարաբերությունները։
Նշենք, որ Հնդկաստանը Հայաստանի բարեկամ երկրներից է, երկրում կա հայ համայնք, մշակութային կենտրոններ, երկու երկրների միջև կան կայացած համագործակցություններ տարբեր ոլորտներում։ Հնդկաստանն ու Պակիստանը ավելի քան 60 տարի պատերազմում են Քաշմիրի շրջանի շուրջ։
Այս ամիս հայտնի դարձավ, որ Հայաստան-Թուրքիա երկխոսության գործընթաց է սկսելու, որի ժամանակ Հայաստանի հատուկ ներկայացուցիչը կլինի
ՀՀ ԱԺ նախագահի տեղակալ Ռուբեն Ռուբինյանը, իսկ Թուրքիայինը՝
ԱՄՆ-ում Թուրքիայի նախկին դեսպան Սերդար Քըլըչը։
