https://arm.sputniknews.ru/20211223/menq-shanser-chunenq-putiny-ukrainajum-arvoghj-uzheri-het-ashkhatelu-masin-36805339.html

Մենք շանսեր չունենք. Պուտինը` Ուկրաինայում առողջ ուժերի հետ աշխատելու մասին

Մենք շանսեր չունենք. Պուտինը` Ուկրաինայում առողջ ուժերի հետ աշխատելու մասին

Sputnik Արմենիա

Պուտինը հայտարարել է, որ ինքնահռչակ Դոնեցկի և Լուգանսկի ժողովրդական հանրապետությունների ապագան պետք է որոշեն այդ տարածքների բնակիչները. Ռուսաստանը զուտ որպես... 23.12.2021, Sputnik Արմենիա

2021-12-23T16:52+0400

2021-12-23T16:52+0400

2021-12-23T17:03+0400

վլադիմիր պուտին

ռուսաստան

ուկրաինա

վլադիմիր զելենսկի

https://cdn.am.sputniknews.ru/img/2136/96/21369653_0:0:2684:1511_1920x0_80_0_0_6144d593acf8bd39806e7cde86f72c29.jpg

ԵՐԵՎԱՆ, 23 դեկտեմբերի – Sputnik. Ռուսաստանը կցանկանար Ուկրաինայի հետ բարիդրացիական հարաբերություններ կառուցել, «ընդ որում, ինչպես ասում են` ցանկացած գնով»։ Սակայն Ուկրաինայի ներկայիս ղեկավարության հետ հարաբերություններ կառուցելը գրեթե անհնար է։ Ամենամյա ամփոփիչ ասուլիսի ընթացքում այս մասին ասաց ՌԴ նախագահ Վլադիմիր Պուտինը։«Ի՞նչ է տեղի ունենում այդ ուժերի հետ։ Արտադատական հաշվեհարդարներ, պատժամիջոցներ սեփական քաղաքացիների նկատմամբ, ինչը հակասում է Ուկրաինայի օրենքին և Սահմանադրությանը, կամ պարզապես սպանություններ փողոցում։ Մարդասպաններին ոչ ոք չի փնտրում։ Ահա Օդեսայում մարդկանց ողջ–ողջ այրեցին Արհմիությունների տանը։ Որևէ մեկը գոնե մատը մատին խփե՞ց հանցագործներին գտնելու համար։ Ոչ մի նման բան։ Այսինքն` մենք շանսեր չունենք աշխատելու մարդկանց հետ, որոնք ցանկանում են հարաբերություններ կառուցել. նրանց վերացնում են։ Սա է խնդիրը», – ասել է Պուտինը։Նա նաև հիշեցրեց, որ Մինսկի համաձայնագրերի համաձայն Ռուսաստանը միջնորդ է, սակայն նրան հակամարտության կողմ են ուզում դարձնել։ԱՄՆ-ն կշարունակի Ռուսաստանի հետ բանակցել Ուկրաինայի թեմայով. Սպիտակ տան ներկայացուցիչ«Մենք դրա հետ համաձայն չենք», – հավելեց ՌԴ նախագահը։Նա նշեց, որ Ուկրաինայի իշխանությունները ահաբեկիչներ են հայտարարում և հրաժարվում բանակցել Դոնբասի ներկայացուցիչների հետ, թեպետ իրենք էին պնդում, որ Դոնբասի ներկայացուցիչներն իրենց ստորագրությունները դնեն Մինսկի համաձայնագրերի տակ։Ըստ Պուտինի` Ուկրաինայի արևելքում հակամարտության կարգավորման հարցում առաջընթացի բացակայության հիմնական պատճառն այն է, որ Կիևը չի կատարում Մինսկի համաձայնագրերը։ ՌԴ նախագահը հավելեց, որ Ուկրաինայի նախագահ Վլադիմիր Զելենսկին, որն ընտրություններից առաջ խոստացել էր կանգնեցնել պատերազմը և այդ կարգախոսով էր իշխանության եկել, հետագայում ընկավ արմատական տարրերի ազդեցության տակ, ինչպես և իր նախորդները։

https://arm.sputniknews.ru/20211223/rusastany-voch-mekin-chi-sparnum-putiny-ukrainaji-vra-hardzakman-hnaravvorutjan-masin-36799726.html

https://arm.sputniknews.ru/20211223/minchev-2014y-rdi-mtqvov-angam-chi-ancel-ghrimi-het-kapvats-voreve-gvortsvoghutjun-anel-putin-36799180.html

ուկրաինա

2021

Լուրեր

am_HY

վլադիմիր պուտին, ռուսաստան, ուկրաինա, վլադիմիր զելենսկի