https://arm.sputniknews.ru/20211223/husvov-em-mer-ynddimadir-gvortsynkernery-het-kkangnen-vtangavvor-gvortselavotshic-azh-pvokhnakhagah-36817657.html

Հուսով եմ` մեր ընդդիմադիր գործընկերները հետ կկանգնեն վտանգավոր գործելաոճից. ԱԺ փոխնախագահ

Հուսով եմ` մեր ընդդիմադիր գործընկերները հետ կկանգնեն վտանգավոր գործելաոճից. ԱԺ փոխնախագահ

Sputnik Արմենիա

ԵՐԵՎԱՆ, 23 դեկտեմբերի – Sputnik. Ազգային ժողովի փոխնախագահ Հակոբ Արշակյանը կարծում է, որ ընդդիմադիր գործընկերները միտված չեն տեղեկանալու Հայաստանի առաջ կանգնած... 23.12.2021, Sputnik Արմենիա

2021-12-23T22:24+0400

2021-12-23T22:24+0400

2021-12-23T22:29+0400

հայաստան

հակոբ արշակյան

https://cdn.am.sputniknews.ru/img/07e5/08/03/28530920_0:0:1600:901_1920x0_80_0_0_415ac36160ec2e1f7f887a603bc4f4ed.jpg

ԵՐԵՎԱՆ, 23 դեկտեմբերի – Sputnik. Ազգային ժողովի փոխնախագահ Հակոբ Արշակյանը կարծում է, որ ընդդիմադիր գործընկերները միտված չեն տեղեկանալու Հայաստանի առաջ կանգնած մարտահրավերներին։ Նա գրառում է արել Facebbok–ի իր էջում` արձագանքելով «Հայաստան» և «Պատիվ ունեմ» խմբակցությունների հայտարարությանը։Ավելի վաղ հայտնել էինք, որ նշված խմբակցությունները մերժել են Ադրբեջանի հետ տարվող բանակցությունների մասին փակ քննարկում անցկացնելու` վարչապետ Նիկոլ Փաշինյանի առաջարկը։«Նախ ցանկանում եմ տեղեկացնել մեր քաղաքացիներին, որ նույն ընդդիմադիր պատգամավորների կողմից բազմիցս նշվել է վարչապետի, պաշտպանության նախարարի և այլ պաշտոնյաների հետ հանդիպման անհրաժեշտությունը։ Այս նպատակով նրանց կողմից նախաձեռնվել է ԱԺ արտահերթ նիստ։ Այնուամենայնիվ, ստանալով փակ քննարկման հնարավորություն, անհասկանալի պատճառաբանությամբ մերժել են հանդիպման առաջարկը։Պատճառաբանությունը, թե իբր բաց քննարկման անհրաժեշտություն կա` անհիմն է, հաշվի առնելով, որ ԱԺ յուրաքանչյուր նստաշրջանի ժամանակ նման քննարկում, հարց֊պատասխանի ֆորմատով, տեղի է ունենում։ Նման բաց ֆորմատով, սակայն, հասկանալի պատճառով բանակցային պրոցեսի բազմաթիվ նրբություններ չեն կարող բարձրաձայնվել»,– գրել է նա։Արշակյանի խոսքով` հանդիպումից հրաժարվելու փաստը, ինչպես նաև այն հանգամանքը, որ «Հայաստան» դաշինքը հրաժարվել է միջազգային տարբեր կառույցներում և բարեկամական խմբերում մաս կազմել Հայաստանը ներկայացնող պատվիրակություններին` ինքնին ապացուցում է, որ ընդդիմադիր գործընկերները միտված չեն տեղեկանալու Հայաստանի առաջ կանգնած մարտահրավերներին, տեղեկանալու բանակցային նախկին և ներկա իրավիճակին և մանրամասներին, ինչպես նաև միտված չեն լծվել այդ մարտահրավերները միասնական պետական օրակարգով հաղթահարելու գործին։Հիշեցնենք` ընդդիմադիր խմբակցությունները հայտնել էին, որ Փաշինյանի հետ հանդիպման կմասնակցեն բացառապես բաց, հավասար և ժողովրդի առջև հաշվետու պայմաններում, ինչը մերժվել է։

https://arm.sputniknews.ru/20211223/pashinjann-ajs-pahin-handipum-e-anckacnum-timakicneri-het-36810392.html

2021

Լուրեր

am_HY

հայաստան, հակոբ արշակյան