https://arm.sputniknews.ru/20211223/ete-hajkakan-kvoghmy-chhakadardzi-googley-karvogh-e-bavararel-adrbejani-pahanjy-papjan-36811140.html

Եթե հայկական կողմը չհակադարձի, Google–ը կարող է բավարարել Ադրբեջանի պահանջը. Պապյան

Եթե հայկական կողմը չհակադարձի, Google–ը կարող է բավարարել Ադրբեջանի պահանջը. Պապյան

Sputnik Արմենիա

Մեդիափորձագետ Արթուր Պապյանը Sputnik Արմենիայի եթերում անդրադարձել է տեղեկատվությանը, ըստ որի`Ադրբեջանի ԱԳՆ-ն Google-ից պահանջել է քարտեզներից հանել Արցախի... 23.12.2021, Sputnik Արմենիա

2021-12-23T18:44+0400

2021-12-23T18:44+0400

2021-12-24T12:34+0400

ռադիո

արցախ

հայաստան

ադրբեջան

google

լեռնային ղարաբաղ

քարտեզ

պոդկաստ

https://cdn.am.sputniknews.ru/img/07e5/0c/17/36808921_0:0:1600:901_1920x0_80_0_0_96656c29de642973f4d39ac66a976a7b.jpg

Եթե հայկական կողմից որևէ քայլ չձեռնարկվի, ապա հավանականությունը բարձր է, որ Google–ը կարող է բավարարել Բաքվի պահանջը և Արցախի հայկական տեղանունները ցույց տալ իրենց ուզած ձևով։ Sputnik Արմենիայի հետ զրույցում ասաց մեդիափորձագետ Արթուր Պապյանը` անդրադառնալով Ադրբեջանի ԱԳՆ–ի պահանջին։Google–ը կարող է Արցախի հայկական տեղանուններն Ադրբեջանից ցույց տալ իրենց ուզած ձևով։ Մեդիափորձագետի խոսքով` այլ հարց է, թե արդյոք դա կարտացոլվի երրորդ` չեզոք երկրից դիտելու պարագայում։ Հենց դրա համար էլ Ադրբեջանի ԱԳՆ–ն դիմել է ընկերությանը։Պապյանի կարծիքով` ավելի հավանական է, որ ԱՄՆ–ում ՀՀ դեսպանությունը կամ հյուպատոսությունը դիմեն Google–ին` նշելով, որ գործ ունենք միջազգային հակամարտության հետ, որ ադրբեջանական առաջարկը հայաստանյան օգտատերերի համար կլինի բավական մտահոգիչ։ Քանի որ մենք ունենք հայկական մեծ սփյուռք, ապա քարտեզներին նայելու են ամբողջ աշխարհից, հետևաբար Արցախի հայկական տեղանունների հանումը կառաջացնի արտասահմանյան երկրներում ապրող հայերի զայրույթը։«Google–ը բավական լուրջ է վերաբերվում վիճահարույց դեպքերին։ Ընկերությունը հրապարակել է իր կողմից վարվող քաղաքականության կոնցեպտը, թե ինչպես է մակագրում, ինչպես է վերաբերվում նման դեպքերին։ Ոչ վիճելի տեղանունների պարագայում ընդունվում են ՄԱԿ–ի կողմից հաստատված քարտեզները, իսկ եթե կան վիճելի դեպքեր, ապա արվում են հատուկ նշումներ, օրինակ` սահմանների դեպքում արվում են կետագծիկներ»,– ասաց մեդիափորձագետը։Ադրբեջանի հերթական սադրիչ քայլը. «հասել» են Արցախի տարածքում գտնվող ռուսական եկեղեցունՊապյանի խոսքով` Google–ը պարբերաբար որոշ շուկաներում տարբեր կերպ է ցույց տալիս քարտեզը։ Օրինակ` եթե քարտեզը բացվում է ՌԴ–ից, Ղրիմը ցույց է տրվում Ռուսաստանի կազմում, բայց այլ տեղերից բացելիս ոչ միշտ է այդպես նշվում։ Նման բաները տվյալ ընկերության համար նորություն չեն, ուստի Google–ը հայտարարում է, որ ելնելով լեզվական առանձնահատկություններից, տարբեր երկրներում տեղանունները կարող է ցույց տալ տարբեր անուններով։Մեդիափորձագետի տեղեկացմամբ` Արցախյան 44-օրյա պատերազմի ընթացքում ինչ–որ փոփոխություններ արձանագրվել են, ընդ որում` Google–ին փոփոխություններ կարող են առաջարկել նաև շարքային օգտատերերը, և այդ փոփոխությունները սովորաբար անցնում են մոդերացիայի փուլ, որի ժամանակ հաշվի են առնում, թե քանի հոգի են դիմել և արդյոք հիմնավորված են դիմումները։ Google–ն ունի ներքին կանոնակարգեր, որոնց հիման վրա ընկերությունը որոշում է հայցը բավարարել կամ թողնել անպատասխան։Նշենք, որ Ադրբեջանի ԱԳՆ-ն պաշտոնական դիվանագիտական խողովակներով դիմել է Google ընկերությանը՝ պահանջելով ջնջել Բաքվի վերահսկողության տակ գտնվող Լեռնային Ղարաբաղի տարածքների հայկական անվանումները։Ներկայումս Google Maps հավելվածում Ադրբեջանի վերահսկողության տակ գտնվող Արցախի քաղաքների և շրջանների անունները նշված են հայերեն և ադրբեջաներեն:

https://arm.sputniknews.ru/20211223/adrbejany-bvoghvoqi-nvota-e-hghel-fransiajin-pekresin-sev-cucak-en-gcel--36808949.html

ադրբեջան

լեռնային ղարաբաղ

2021

Լուրեր

am_HY

արցախ, հայաստան, ադրբեջան, google, լեռնային ղարաբաղ, քարտեզ, պոդկաստ