https://arm.sputniknews.ru/20211222/inchu-e-hajastani-handep-irancineri-vstahutjuny-nvazum-voskanjany-pattsharneri-masin-36770732.html
Ինչո՞ւ է Հայաստանի հանդեպ իրանցիների վստահությունը նվազում. Ոսկանյանը` պատճառների մասին
Ինչո՞ւ է Հայաստանի հանդեպ իրանցիների վստահությունը նվազում. Ոսկանյանը` պատճառների մասին
Sputnik Արմենիա
Իրանագետ, ԵՊՀ արևելագիտության ֆակուլտետի իրանագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է հայ-իրանական հարաբերություններին... 22.12.2021, Sputnik Արմենիա
2021-12-22T23:30+0400
2021-12-22T23:30+0400
2022-01-06T17:17+0400
հայաստան–իրան գործակցություն
ռադիո
քաղաքականություն
հայաստան
իշխանություն
վարդան ոսկանյան
պոդկաստ
https://cdn.am.sputniknews.ru/img/07e5/0c/16/36771415_0:0:1600:901_1920x0_80_0_0_7b9a36efa676708a6f61677908733f96.jpg
Ոսկանյան. ՀՀ կողմից հստակ ազդակների բացակայությունը իրանցիներին դնում է բարդ իրավիճակի մեջ
Sputnik Արմենիա
Ոսկանյան. ՀՀ կողմից հստակ ազդակների բացակայությունը իրանցիներին դնում է բարդ իրավիճակի մեջ
Հայաստանի հետ աշխատող բոլոր գործընկերների, այդ թվում Իրանի համար խոշորագույն խնդիրը ՀՀ գործող իշխանության արտաքին տարերային քաղաքականությունն է, որը չունի հիմնական ուղղություն, կանխատեսելիություն և մեթոդական հիմք։ Խոսելով տարածաշրջանային զարգացումների մասին` Sputnik Արմենիայի հետ զրույցում նման կարծիք հայտնեց իրանագետ Վարդան Ոսկանյանը։ Նրա խոսքով` շատ դեպքերում ՀՀ արտաքին քաղաքականությունը ոչ միայն անհասկանալի է թվում, այլև պարունակում է որոշակի ռիսկեր։Ոսկանյանի խոսքով` իրանական կողմը կտրականապես դեմ է Զանգեզուրի միջանցք կոչված պանթյուրքական ծրագրին, այն ուղղակիորեն խաթարում է Իրանի կենսական շահերը։ Սակայն ընթացող պրոցեսները, Ադրբեջանի շարունակական ճնշումներն ու հայկական կողմից հստակ ազդակների բացակայությունը շատ դեպքերում իրանցիներին դնում է բարդ իրավիճակի մեջ, ինչն էլ բնականաբար հանգեցնում է վստահության մակարդակի նվազեցման։«Իրանի հետ աշխատանքներում բավական մեծ անելիքներ կան, որոնց հիմնական մասը պետք է ուղղված լինի Իրանի ներսում առկա պրոհայկական տրամադրություններին ինստիտուցիոնալ բնույթ հաղորդելը, քանզի այդ տրամադրությունները վաղը կարող են այլ ազդեցությունների ներքո փոփոխվել։ Հայ–իրանական զանազան բարեկամական խմբերի ստեղծումը տարբեր ոլորտներում կարող է բացառել երկկողմ հարաբերություններում անվստահության մթնոլորտը և խթանել կենսական շահերով պայմանավորված փոխգործակցությունը»,-նշեց իրանագետը։Իրանի ներկայացուցիչը Մոսկվայում կայացած հանդիպման ժամանակ ողջունել է «3+3» հարթակըԱնդրադառնալով «3+3» ձևաչափում հետագա հարաբերություններին` Ոսկանյանն ընդգծեց, որ Վրաստանի բացակայության պայմաններում այդ ձևաչափը դժվար թե ունենա երկար կյանք։ Ըստ նրա`շատ դեպքերում տվյալ ձևաչափին մասնակցելու հանգամանքը պայմանավորված է իրավիճակային բնույթով, և ձևաչափն աշխատանքային դարձնելու հարցում կարող են լինել խնդրահարույց պահեր։ Ոսկանյանի կարծիքով` արարողակարգային խորհրդանշական մակարդակում ձևաչափը գուցե դեռ կշարունակի գործել` հաշվի առնելով այն հանգամանքը, որ այդ հարթակը որոշ չափով ձեռնտու է Իրանին ու Ռուսաստանին, քանի որ նրանք ուզում են Հարավային Կովկասում ունենալ կանխատեսելի իրավիճակ։Հիշեցնենք, որ դեկտեմբերի 10–ին Մոսկվայում կայացավ «3+3» ձևաչափի առաջին նիստը, որի ընթացքում քննարկվեցին տարածաշրջանային բազմապլան համագործակցության զարգացման հեռանկարները: Պայմանավորվածություն ձեռք բերվեց հարթակի աշխատանքը կենտրոնացնել այն գործնական հարցերի վրա, որոնք հետաքրքրություն են ներկայացնում դրա բոլոր մասնակիցների համար:
https://arm.sputniknews.ru/20211222/irani-artgvortsnakharary-meknel-e-adrbejan-36750902.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան–իրան գործակցություն, քաղաքականություն, հայաստան, իշխանություն, վարդան ոսկանյան, պոդկաստ
հայաստան–իրան գործակցություն, քաղաքականություն, հայաստան, իշխանություն, վարդան ոսկանյան, պոդկաստ
Ինչո՞ւ է Հայաստանի հանդեպ իրանցիների վստահությունը նվազում. Ոսկանյանը` պատճառների մասին
23:30 22.12.2021 (Թարմացված է: 17:17 06.01.2022) Իրանագետ, ԵՊՀ արևելագիտության ֆակուլտետի իրանագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է հայ-իրանական հարաբերություններին և տարածաշրջանային «3+3» ձևաչափի հեռանկարին։
Հայաստանի հետ աշխատող բոլոր գործընկերների, այդ թվում Իրանի համար խոշորագույն խնդիրը ՀՀ գործող իշխանության արտաքին տարերային քաղաքականությունն է, որը չունի հիմնական ուղղություն, կանխատեսելիություն և մեթոդական հիմք։ Խոսելով տարածաշրջանային զարգացումների մասին` Sputnik Արմենիայի հետ զրույցում նման կարծիք հայտնեց իրանագետ Վարդան Ոսկանյանը։ Նրա խոսքով` շատ դեպքերում ՀՀ արտաքին քաղաքականությունը ոչ միայն անհասկանալի է թվում, այլև պարունակում է որոշակի ռիսկեր։
«Խոսքն առնչվում է զանազան աշխարհաքաղաքական բևեռների միջև մանևրելու փորձերին, քանզի ՀՀ գործող իշխանությունն ակնհայտորեն չունի դիվանագիտական հմտություն և փորձառություն, որպեսզի կարողանա մանևրել միջազգային հարթակներում, որպեսզի Հայաստանը ոչ թե դառնա բևեռների բախման հարթակ, այլ նրանց միջև առկա հակասությունները նվազեցնող, համագործակցություն նախանշող վայր։ Հետևաբար, իրանցիները նույնպես հստակ չեն հասկանում ՀՀ վարած արտաքին քաղաքականության ուղեգիծը` պայմանավորված դրա տարերայնությամբ»,– ասաց իրանագետը։
Ոսկանյանի խոսքով` իրանական կողմը կտրականապես դեմ է Զանգեզուրի միջանցք կոչված պանթյուրքական ծրագրին, այն ուղղակիորեն խաթարում է Իրանի կենսական շահերը։ Սակայն ընթացող պրոցեսները, Ադրբեջանի շարունակական ճնշումներն ու հայկական կողմից հստակ ազդակների բացակայությունը շատ դեպքերում իրանցիներին դնում է բարդ իրավիճակի մեջ, ինչն էլ բնականաբար հանգեցնում է վստահության մակարդակի նվազեցման։
«Իրանի հետ աշխատանքներում բավական մեծ անելիքներ կան, որոնց հիմնական մասը պետք է ուղղված լինի Իրանի ներսում առկա պրոհայկական տրամադրություններին ինստիտուցիոնալ բնույթ հաղորդելը, քանզի այդ տրամադրությունները վաղը կարող են այլ ազդեցությունների ներքո փոփոխվել։ Հայ–իրանական զանազան բարեկամական խմբերի ստեղծումը տարբեր ոլորտներում կարող է բացառել երկկողմ հարաբերություններում անվստահության մթնոլորտը և խթանել կենսական շահերով պայմանավորված փոխգործակցությունը»,-նշեց իրանագետը։
Անդրադառնալով «3+3» ձևաչափում հետագա հարաբերություններին` Ոսկանյանն ընդգծեց, որ Վրաստանի բացակայության պայմաններում այդ ձևաչափը դժվար թե ունենա երկար կյանք։ Ըստ նրա`շատ դեպքերում տվյալ ձևաչափին մասնակցելու հանգամանքը պայմանավորված է իրավիճակային բնույթով, և ձևաչափն աշխատանքային դարձնելու հարցում կարող են լինել խնդրահարույց պահեր։ Ոսկանյանի կարծիքով` արարողակարգային խորհրդանշական մակարդակում ձևաչափը գուցե դեռ կշարունակի գործել` հաշվի առնելով այն հանգամանքը, որ այդ հարթակը որոշ չափով ձեռնտու է Իրանին ու Ռուսաստանին, քանի որ նրանք ուզում են Հարավային Կովկասում ունենալ կանխատեսելի իրավիճակ։
22 դեկտեմբերի 2021, 11:45
Հիշեցնենք, որ դեկտեմբերի 10–ին Մոսկվայում կայացավ «3+3» ձևաչափի առաջին նիստը, որի ընթացքում քննարկվեցին տարածաշրջանային բազմապլան համագործակցության զարգացման հեռանկարները: Պայմանավորվածություն ձեռք բերվեց հարթակի աշխատանքը կենտրոնացնել այն գործնական հարցերի վրա, որոնք հետաքրքրություն են ներկայացնում դրա բոլոր մասնակիցների համար:
