https://arm.sputniknews.ru/20211219/35-milivon-ditum-mankakan-evratesilum-malenan-arajatarneric-e-36669636.html
3,5 միլիոն դիտում. «Մանկական Եվրատեսիլում» Մալենան առաջատարներից է
3,5 միլիոն դիտում. «Մանկական Եվրատեսիլում» Մալենան առաջատարներից է
Sputnik Արմենիա
Հայաստանը ներկայացնող Մալենան մրցույթի ֆավորիտներից է։ 14-ամյա աղջիկն առաջատար դիրք է զբաղեցնում ինչպես տեսահոլովակի դիտումների քանակով, այնպես էլ առցանց... 19.12.2021, Sputnik Արմենիա
2021-12-19T15:44+0400
2021-12-19T15:44+0400
2021-12-19T20:10+0400
մանկական եվրատեսիլ
մալենա
https://cdn.am.sputniknews.ru/img/07e5/0c/13/36671084_1:0:1100:618_1920x0_80_0_0_d9f3f865cd658a1989f6d90c2861acfb.jpg
ԵՐԵՎԱՆ, 19 դեկտեմբերի – Sputnik. «Մանկական Եվրատեսիլ 2021» երգի միջազգային մրցույթում Հայաստանը ներկայացնող 14–ամյա Մալենան մրցույթի ֆավորիտներից է։Նրա «Քամի, քամի» երգը մրցույթի պաշտոնական Youtube-յան ալիքում հավաքել է ավելի քան 3,5 միլիոն դիտում և բացարձակ առաջատար է։ Ըստ մի շարք միջազգային լրատվամիջոցների, Մալենան մրցույթի ամենահավանական հաղթողն է: 14-ամյա երգչուհին երգում է իր և կյանքի ազատության դրական կողմի մասին։ Բեմում երգչուհին հանդես է գալիս պարախմբի հետ։Մրցույթի ևս մեկ ֆավորիտ է համարվում Ռուսաստանը ներկայացնող մասնակից Տատյանա Մեժենցևան: Նա հանդես կգա «Mon ami» (Իմ ընկեր) երգով, որը կկատարի միանգամից երեք լեզվով ՝ ռուսերեն, անգլերեն և ֆրանսերեն։ Նա Ռուսաստանը ներկայացրել է նաև 2019 թվականին և զբաղեցրել 13-րդ տեղը։ Երգչուհու հետ բեմում կլինեն նաև պարողներ։ Նրա տեսահոլովակը Youtube-ում ունի ավելի քան 2.1 մլն դիտում։Ի դեպ, այսօր հայտնի դարձավ, որ ճանապարհին մրսելու պատճառով Մեժենցևան ձայնի հետ կապված խնդիրներ ունի։Առաջատարների եռյակում է նաև լեհ երգչուհի Սառա Ջեյմսը, որը կերգի «Somebody» երգը։ Աղջիկը ելույթ կունենա անգլերեն լեզվով, նրան կօգնեն պարողները։ Սառան առաջին անգամ է մասնակցում մրցույթին, սակայն բավականին հայտնի է իր հայրենիքում։ Նրա տեսահոլովակը Youtube-ում ունի 2.4 մլն դիտում։«Մանկական Եվրատեսիլի» պաշտոնական կայքում շարունակվում է առցանց քվեարկությունը: Այս պահին Լեհաստանը ներկայացնող մասնակիցն առաջատար է, իսկ երկրորդ հորիզոնականում Մալենան է։ Ռուսաստանի մասնակիցը զբաղեցնում է չորրորդ հորիզոնականը ։Երրորդ տեղում ֆրանսիացի Enzo անունով երգիչն է, սակայն նրա տեսահոլովակի դիտումներն այնքան էլ շատ չեն՝ ընդամենը 350 հազար։«Մանկական Եվրատեսիլ-2021» երգի միջազգային մրցույթն այս տարի անցկացվում է Փարիզում։ Մրցույթին մասնակցում են 19 երկրների ներկայացուցիչներ։ Եզրափակիչ փուլը կմեկնարկի այսօր, Երևանի ժամանակով 19.00–ին, որը կարելի է դիտել Հանրային հեռուստաընկերության ուղիղ եթերում։ Իսկ մինչ այդ, 18.30–ին, Հանրային հեռուստաընկերության եթերում կցուցադրվի «Մալենա. քամուն ընդառաջ» փաստավավերագրական ֆիլմը։Նշենք, որ դեռ ժամանակ կա մեր մասնակցի օգտին քվեարկելու համար, որը պետք է անել «Մանկական Եվրատեսիլ-2021» երգի միջազգային մրցույթի պաշտոնական կայքում։
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մանկական եվրատեսիլ, մալենա
մանկական եվրատեսիլ, մալենա
3,5 միլիոն դիտում. «Մանկական Եվրատեսիլում» Մալենան առաջատարներից է
15:44 19.12.2021 (Թարմացված է: 20:10 19.12.2021) Հայաստանը ներկայացնող Մալենան մրցույթի ֆավորիտներից է։ 14-ամյա աղջիկն առաջատար դիրք է զբաղեցնում ինչպես տեսահոլովակի դիտումների քանակով, այնպես էլ առցանց քվեարկությամբ։
ԵՐԵՎԱՆ, 19 դեկտեմբերի – Sputnik. «Մանկական Եվրատեսիլ 2021» երգի միջազգային մրցույթում Հայաստանը ներկայացնող 14–ամյա Մալենան մրցույթի ֆավորիտներից է։
Նրա «Քամի, քամի» երգը մրցույթի պաշտոնական Youtube-յան ալիքում հավաքել է ավելի քան 3,5 միլիոն դիտում և բացարձակ առաջատար է։ Ըստ մի շարք միջազգային լրատվամիջոցների, Մալենան մրցույթի ամենահավանական հաղթողն է: 14-ամյա երգչուհին երգում է իր և կյանքի ազատության դրական կողմի մասին։ Բեմում երգչուհին հանդես է գալիս պարախմբի հետ։
Մրցույթի ևս մեկ ֆավորիտ է համարվում Ռուսաստանը ներկայացնող մասնակից Տատյանա Մեժենցևան: Նա հանդես կգա «Mon ami» (Իմ ընկեր) երգով, որը կկատարի միանգամից երեք լեզվով ՝ ռուսերեն, անգլերեն և ֆրանսերեն։ Նա Ռուսաստանը ներկայացրել է նաև 2019 թվականին և զբաղեցրել 13-րդ տեղը։ Երգչուհու հետ բեմում կլինեն նաև պարողներ։ Նրա տեսահոլովակը Youtube-ում ունի ավելի քան 2.1 մլն դիտում։
Ի դեպ, այսօր հայտնի դարձավ, որ ճանապարհին մրսելու պատճառով Մեժենցևան ձայնի հետ կապված խնդիրներ ունի։
Առաջատարների եռյակում է նաև լեհ երգչուհի Սառա Ջեյմսը, որը կերգի «Somebody» երգը։ Աղջիկը ելույթ կունենա անգլերեն լեզվով, նրան կօգնեն պարողները։ Սառան առաջին անգամ է մասնակցում մրցույթին, սակայն բավականին հայտնի է իր հայրենիքում։ Նրա տեսահոլովակը Youtube-ում ունի 2.4 մլն դիտում։
«Մանկական Եվրատեսիլի» պաշտոնական կայքում շարունակվում է առցանց քվեարկությունը: Այս պահին Լեհաստանը ներկայացնող մասնակիցն առաջատար է, իսկ երկրորդ հորիզոնականում Մալենան է։ Ռուսաստանի մասնակիցը զբաղեցնում է չորրորդ հորիզոնականը ։
Երրորդ տեղում ֆրանսիացի Enzo անունով երգիչն է, սակայն նրա տեսահոլովակի դիտումներն այնքան էլ շատ չեն՝ ընդամենը 350 հազար։
«Մանկական Եվրատեսիլ-2021» երգի միջազգային մրցույթն այս տարի անցկացվում է Փարիզում։ Մրցույթին մասնակցում են 19 երկրների ներկայացուցիչներ։ Եզրափակիչ փուլը կմեկնարկի այսօր, Երևանի ժամանակով 19.00–ին, որը կարելի է դիտել Հանրային հեռուստաընկերության ուղիղ եթերում։ Իսկ մինչ այդ, 18.30–ին, Հանրային հեռուստաընկերության եթերում կցուցադրվի «Մալենա. քամուն ընդառաջ» փաստավավերագրական ֆիլմը։
Նշենք, որ դեռ ժամանակ կա մեր մասնակցի օգտին քվեարկելու համար, որը պետք է անել «Մանկական Եվրատեսիլ-2021» երգի միջազգային մրցույթի
պաշտոնական կայքում։
