https://arm.sputniknews.ru/20211216/tsaghkadzvori-gvolden-peles-hjuranvocy-7-rd-angam-kdrvi-atshurdi-ginn-ijnum-e-gnvord-chka-36560333.html

Ծաղկաձորի «Գոլդեն փելես» հյուրանոցը 7-րդ անգամ կդրվի աճուրդի. գինն իջնում է, գնորդ չկա

Ծաղկաձորի «Գոլդեն փելես» հյուրանոցը 7-րդ անգամ կդրվի աճուրդի. գինն իջնում է, գնորդ չկա

Sputnik Արմենիա

Պետության հաշվեկշռում գտնվող հյուրանոցը տարիներ շարունակ չի շահագործվել, այն դեպքում, երբ Ծաղկաձորում գտնվող մասնավոր հյուրանոցները երբևէ այցելուների պակաս չեն... 16.12.2021, Sputnik Արմենիա

2021-12-16T16:34+0400

2021-12-16T16:34+0400

2021-12-16T17:12+0400

հայաստան

«գոլդեն փելես» հյուրանոց

վաճառք

https://cdn.am.sputniknews.ru/img/1014/45/10144595_0:282:1001:845_1920x0_80_0_0_6ac1ae1af96cf4ebaecd4dd209ded4f3.jpg

ԵՐԵՎԱՆ, 16 դեկտեմբերի – Sputnik. ՀՀ կառավարությունն առաջիկայում պատրաստվում է արդեն 7-րդ անգամ աճուրդի դնել Ծաղկաձորի «Գոլդեն փելես» հյուրանոցը։ Որոշումն ընդունվել է ՀՀ կառավարության այսօրվա նիստում` առանց զեկուցման ու քննարկման։Կառավարության կայքում հրապարակված նախագծից պարզ է դառնում, որ 7-հարկանի հյուրանոցն ապահովված է առանձին ենթակայանով ու պոմպակայանով, ունի առանձին ջրատար համակարգ, գույք։ Այն գտնվում է Ծաղկաձոր համայնքի վերջնամասում` ճոպանուղու հարևանությամբ։Նշենք, որ 2019 և 2020թթ-ին պետությունն արդեն 6 աճուրդ էր կազմակերպել, սակայն հայտարարված բոլոր աճուրդներն էլ չեն կայացել հայտեր չլինելու պատճառով։Յուրաքանչյուր չկայացած աճուրդից հետո գույքի գինը նվազեցվել է. եթե 2019 թվականի հունիսին դրա շուկայական արժեքը գնահատվում էր շուրջ 7,5 մլրդ դրամ, ապա այժմ գնահատվել է 5,9 մլրդ։2020 թվականին շենքը ժամանակավորապես օգտագործվել է կորոնավիրուսով հիվանդներին մեկուսացնելու, ապա արցախցի փախստականներին ժամանակավոր կացարանով ապահովելու համար։Հյուրանոցի վաճառքն իրականացնելու համար կառավարությունը որոշել է այս անգամ պոտենցիալ գնորդներին թույլ տալ աճուրդի կայացման դեպքում թույլ տալ վճարումը կատարել 5 տարվա ընթացքում։Հիշեցնենք` 2019թ–ի սեպտեմբերի 26–ի նիստում ՀՀ կառավարությունը որոշում էր կայացրել Մաքսային կոմիտեի նախկին նախագահ Արմեն Ավետիսյանին պատկանող Ծաղկաձորի «Գոլդեն փելես» հյուրանոցն ընդունել որպես նվիրատվություն։Նախկին պաշտոնյան նման առաջարկ էր արել այն բանից հետո, երբ ԱԱԾ–ն բացահայտել էր իրեն պատկանող երեք հյուրանոցներն անօրինական գումարներով կառուցելու փաստը։Իսկ 2019թ–ի նոյեմբերի 28-ին ՀՀ վարչապետ Նիկոլ Փաշինյանը հայտարարել էր, որ հյուրանոցի արժեքը շուրջ 20 միլիոն դոլար է։ Իրականում դրա մեկնարկային գինը ընդամենը 15.6 մլն ԱՄՆ դոլար էր գնահատվել, իսկ այժմ այն արդեն նվազել է մինչև 14 մլն դոլար։ Մինչդեռ, Փաշինյանը հույս էր հայտնել, որ հյուրանոցը պետք է աճուրդի հանել ու դրանից ստացած գումարը մուտքագրել պետական բյուջե։ Չկայացած աճուրդների հետևանքով, փաստորեն, պետական բյուջեն արդեն շուրջ 1.5 մլն դոլար գումար է կորցրել։2018թ–ի նոյեմբերին ԱԱԾ քննչական վարչությունում հարուցվել էր քրեական գործ` Մաքսային պետական կոմիտեի նախկին նախագահ Արմեն Ավետիսյանի կողմից ձեռնարկատիրական գործունեությանն ապօրինի մասնակցելու և հանցավոր ճանապարհով ստացած առանձնապես խոշոր չափերով գումարներն օրինականացնելու (փողերի լվացում) փաստով։Ըստ մեղադրանքի` Արմեն Ավետիսյանն իր երեք հյուրանոցները կառուցել է ապօրինի ձեռք բերված միջոցներով, իսկ դրանց ծագումը թաքցնելու համար ներկայացրել իբրև արտասահմանյան ներդրում։Երևանի Ազատության պողոտայում գտնվող «Գոլդեն փելես» հյուրանոցային համալիրի կառուցումը, օրինակ, վերագրվել է Կիպրոսի օֆշորային գոտում հիմնադրված «Ռիվերհիլ Հոլդինգս» ընկերությանը։«Գոլդեն փելեսը» գնորդ չունի. հյուրանոցի գինն արդեն նվազել է 1.5 մլն դոլարով

https://arm.sputniknews.ru/20211216/erevann-inqnakamneri-junglineri-e-veratsvel-orenqi-masin-lsel-u-nvoric-gvortsi-en-ancel-36556763.html

2021

Լուրեր

am_HY

հայաստան, «գոլդեն փելես» հյուրանոց, վաճառք