https://arm.sputniknews.ru/20211215/ispanian-vorvoshel-e-hardzakvoghakan-zenq-chmatakararel-turqiajin-hunastani-artgvortsnakharar-36498192.html
Իսպանիան որոշել է հարձակողական զենք չմատակարարել Թուրքիային. Հունաստանի արտգործնախարար
Իսպանիան որոշել է հարձակողական զենք չմատակարարել Թուրքիային. Հունաստանի արտգործնախարար
Sputnik Արմենիա
Հունաստանի արտգործնախարար Նիկոս Դենդիասը նշել է, որ այսօրվա Թուրքիան Միջերկրածովյան տարածքում ապակայունացման գործոն է։ 15.12.2021, Sputnik Արմենիա
2021-12-15T15:40+0400
2021-12-15T15:40+0400
2021-12-15T15:43+0400
թուրքիա
իսպանիա
հունաստան
զենք
https://cdn.am.sputniknews.ru/img/07e5/0b/12/35509061_0:180:3073:1908_1920x0_80_0_0_faa1d56c92e26a606c5e4e8c29eb894b.jpg
ԵՐԵՎԱՆ, 15 դեկտեմբերի - Sputnik. Իսպանիան Հունաստանին հավաստիացրել է, որ հարձակողական սպառազինություն չի մատակարարելու Թուրքիային։ Տեղեկությունը հայտնել է Հունաստանի արտգործնախարար Նիկոս Դենդիասն Աթենքում իսպանացի գործընկեր Խոսե Մանուել Ալբարեսի հետ հանդիպումից հետո, հայտնում է ՌԻԱ Նովոստին՝ հղում անելով Հունաստանի ԱԳՆ-ին։Նշվում է, որ երկու երկրների արտգործնախարարների հանդիպումը կայացել է դեկտեմբերի 14-ի երեկոյան: Ելույթ ունենալով բանակցություններից հետո` Հունաստանի արտգործնախարարը խիստ քննադատության է ենթարկել Թուրքիային։Ավելի վաղ պաշտոնական Անկարան հայտարարել էր, որ պատերազմի առիթ կարող է դառնալ Աթենքի որոշումն իր տարածքային ջրերը վեցից տասներկու մղոն ընդլայնելու մասին, քանի որ դա, իբր, խախտում է Թուրքիայի ազգային ինքնիշխանությունը:Այդ կապակցությամբ Հունաստանի արտգործնախարարը մտահոգություն է հայտնել Թուրքիայի հետ ռազմական համագործակցությունն ակտիվացնելու Իսպանիայի մտադրության կապակցությամբ:«Ես ընդգծել եմ, որ 2008 թվականից սկսած՝ ռազմական տեխնոլոգիաների արտահանումը կարգավորող ընդհանուր կանոններ սահմանելու մասին ԵՄ խորհրդի 2008 թվականի դեկտեմբերի 8-ի «Ընդհանուր դիրքորոշման» մեջ անդամ պետությունները պարտավորություն են ստանձնել չմատակարարել տեխնոլոգիաներ ու սարքավորումներ, ռազմական տեխնիկա, որը կարող է օգտագործվել հարձակողական գործողություններում կամ տարածաշրջանային ապակայունացման համար», – նշել է Դենդիասը:Հայաստանի, Հունաստանի և Կիպրոսի ԶՈւ հատուկ ջոկատայինները զորավարժություն են անցկացրելՆախարարը հայտնել է, որ իր իսպանացի գործընկերոջից հավաստիացումներ է ստացել, որ Իսպանիան գործել է ու միշտ գործելու է եվրոպական որոշումների շրջանակում:Դենդիասը խոստացել է ի պատասխան աջակցել Իսպանիային այն խնդիրների լուծման հարցում, որոնց երկիրը կարող է բախվել։ Նա ավելացրել է, որ Հունաստանն Իսպանիայի հետ համագործակցությունն ամրապնդելու հույս ունի:Հիշեցնենք, որ Հունաստանը մտահոգված էր Թուրքիայի և Իսպանիայի միջև պաշտպանական ոլորտում համագործակցության ընդլայնմամբ, մասնավորապես, անօդաչու թռչող սարքերի արտադրության ու նավաշինության ոլորտում: Համագործակցության ծրագրերի մասին հայտարարվել է նոյեմբերի 17-ին Անկարայում Թուրքիայի նախագահ Ռեջեփ Թայիփ Էրդողանի ու Իսպանիայի վարչապետ Պեդրո Սանչեսի համատեղ ասուլիսում: Աթենքի հնչեցրած քննադատությունից հետո Իսպանիայի արտաքին գործերի նախարար Խոսե Մանուել Ալվարեսը որոշել է շտապ այցելել Աթենք, որ պարզաբանի սպառազինությունների մատակարարման մասին Իսպանիայի ու Թուրքիայի համաձայնագրերի էությունը: Ի դեպ, բոլոր երեք երկրները ՆԱՏՕ-ի անդամ են։
https://arm.sputniknews.ru/20211215/voghjunum-enq-hajastani-u-turqiaji-agnneri-hajtararutjunnery-amn-petqartughar-36488374.html
թուրքիա
իսպանիա
հունաստան
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թուրքիա, իսպանիա, հունաստան, զենք
թուրքիա, իսպանիա, հունաստան, զենք
Իսպանիան որոշել է հարձակողական զենք չմատակարարել Թուրքիային. Հունաստանի արտգործնախարար
15:40 15.12.2021 (Թարմացված է: 15:43 15.12.2021) Հունաստանի արտգործնախարար Նիկոս Դենդիասը նշել է, որ այսօրվա Թուրքիան Միջերկրածովյան տարածքում ապակայունացման գործոն է։
ԵՐԵՎԱՆ, 15 դեկտեմբերի - Sputnik. Իսպանիան Հունաստանին հավաստիացրել է, որ հարձակողական սպառազինություն չի մատակարարելու Թուրքիային։ Տեղեկությունը հայտնել է Հունաստանի արտգործնախարար Նիկոս Դենդիասն Աթենքում իսպանացի գործընկեր Խոսե Մանուել Ալբարեսի հետ հանդիպումից հետո, հայտնում է
ՌԻԱ Նովոստին՝ հղում անելով Հունաստանի ԱԳՆ-ին։
Նշվում է, որ երկու երկրների արտգործնախարարների հանդիպումը կայացել է դեկտեմբերի 14-ի երեկոյան: Ելույթ ունենալով բանակցություններից հետո` Հունաստանի արտգործնախարարը խիստ քննադատության է ենթարկել Թուրքիային։
«Այսօրվա Թուրքիան ապակայունացման գործոն է Միջերկրական ծովում, իսկ դա casus belli-ի դրսևորում է՝ Հունաստանի դեմ պատերազմի սպառնալիքի մասին հայտարարություն։ Սա աննախադեպ բան է։ Թուրքիան մոլորակի միակ երկիրն է, որն այլ երկրի դեմ պատերազմի սպառնալիք է հնչեցնում անգամ այն դեպքում, երբ այդ երկիրն իր օրինական իրավուն է իրացնում», – նշել է Դենդիասը։
Ավելի վաղ պաշտոնական Անկարան հայտարարել էր, որ պատերազմի առիթ կարող է դառնալ Աթենքի որոշումն իր տարածքային ջրերը վեցից տասներկու մղոն ընդլայնելու մասին, քանի որ դա, իբր, խախտում է Թուրքիայի ազգային ինքնիշխանությունը:
Այդ կապակցությամբ Հունաստանի արտգործնախարարը մտահոգություն է հայտնել Թուրքիայի հետ ռազմական համագործակցությունն ակտիվացնելու Իսպանիայի մտադրության կապակցությամբ:
«Ես ընդգծել եմ, որ 2008 թվականից սկսած՝ ռազմական տեխնոլոգիաների արտահանումը կարգավորող ընդհանուր կանոններ սահմանելու մասին ԵՄ խորհրդի 2008 թվականի դեկտեմբերի 8-ի «Ընդհանուր դիրքորոշման» մեջ անդամ պետությունները պարտավորություն են ստանձնել չմատակարարել տեխնոլոգիաներ ու սարքավորումներ, ռազմական տեխնիկա, որը կարող է օգտագործվել հարձակողական գործողություններում կամ տարածաշրջանային ապակայունացման համար», – նշել է Դենդիասը:
Նախարարը հայտնել է, որ իր իսպանացի գործընկերոջից հավաստիացումներ է ստացել, որ Իսպանիան գործել է ու միշտ գործելու է եվրոպական որոշումների շրջանակում:
Դենդիասը խոստացել է ի պատասխան աջակցել Իսպանիային այն խնդիրների լուծման հարցում, որոնց երկիրը կարող է բախվել։ Նա ավելացրել է, որ Հունաստանն Իսպանիայի հետ համագործակցությունն ամրապնդելու հույս ունի:
15 դեկտեմբերի 2021, 13:19
Հիշեցնենք, որ Հունաստանը մտահոգված էր Թուրքիայի և Իսպանիայի միջև պաշտպանական ոլորտում համագործակցության ընդլայնմամբ, մասնավորապես, անօդաչու թռչող սարքերի արտադրության ու նավաշինության ոլորտում: Համագործակցության ծրագրերի մասին հայտարարվել է նոյեմբերի 17-ին Անկարայում Թուրքիայի նախագահ Ռեջեփ Թայիփ Էրդողանի ու Իսպանիայի վարչապետ Պեդրո Սանչեսի համատեղ ասուլիսում:
Աթենքի հնչեցրած քննադատությունից հետո Իսպանիայի արտաքին գործերի նախարար Խոսե Մանուել Ալվարեսը որոշել է շտապ այցելել Աթենք, որ պարզաբանի սպառազինությունների մատակարարման մասին Իսպանիայի ու Թուրքիայի համաձայնագրերի էությունը: Ի դեպ, բոլոր երեք երկրները ՆԱՏՕ-ի անդամ են։
