https://arm.sputniknews.ru/20211214/hakarak-azdecutjun-kunena-pvordzagety-covid-19-i-buzhumy-vtsharvovi-dardznelu-masin-36462401.html

Հակառակ ազդեցություն կունենա. փորձագետը` Covid-19-ի բուժումը վճարովի դարձնելու մասին

Հակառակ ազդեցություն կունենա. փորձագետը` Covid-19-ի բուժումը վճարովի դարձնելու մասին

Sputnik Արմենիա

Առողջապահության ոլորտի փորձագետ Դավիթ Մելիք-Նուբարյանը Sputnik Արմենիայի եթերում անդրադարձել է կորոնավիրուսով վարակված և հոսպիտալացված քաղաքացիների բուժումը... 14.12.2021, Sputnik Արմենիա

2021-12-14T23:14+0400

2021-12-14T23:14+0400

2021-12-14T23:36+0400

ռադիո

հայաստան

հհ առողջապահության նախարարություն

պատվաստում

կորոնավիրուս

կորոնավիրուսը հայաստանում և արցախում

բուժում

պոդկաստ

https://cdn.am.sputniknews.ru/img/07e5/0c/0e/36458928_0:0:1600:901_1920x0_80_0_0_fdbb814c93b67495b47abb79e7895aa7.jpg

Կորոնավիրուսով վարակված մարդկանց բուժումը վճարովի դարձնելուց առաջ պետք է մի լավ ծանրութեթև անել, հաշվարկել այն բոլոր բացասական ելքերը, որոնց կարող է բերել համաճարակի բուժումը վճարովի դարձնելու առողջապահության նախարարության տեսլականը։ Sputnik Արմենիայի հետ զրույցում ասաց առողջապահության ոլորտի փորձագետ Դավիթ Մելիք-Նուբարյանը։Փորձագետը համոզված է, որ այս որոշումը, որը հիմնականում միտված է պատվաստումների խթանմանը, ճիշտ հակառակ ազդեցություն կարող է ունենալ։ Նրա կարծիքով` չպետք է գնալ լուրջ վտանգներ պարունակող ճանապարհով։Անահիտ Ավանեսյանը ներկայացրել է, թե հոսպիտալացվածների քանի տոկոսն է չպատվաստված«Պետք է շատ խորը մտածել, սա կարող է նպաստել, որ համաճարակի ալիքն ավելի երկար տևի, համավարակի հետևանքով առաջացած ծանր դեպքերի թիվն ու մահվան դեպքերի թիվն ավելանա և քաղաքացիներն ու հիվանդանոցներն ընկնեն քաշքշուկների մեջ»,- պարզաբանեց նա։Բացի այդ, հնարավոր է` «շառլատանները» գլուխ բարձրացնեն, կորոնավարակակիրներին տնային պայմաններում բուժվելու տարբերակներ առաջարկեն, ինչը ևս մեծամասամբ ունենալու է բացասական հետևանք։ Ինքնաբուժությամբ զբաղվողների դեպքում էլ հիվանդությունը կարող է խորանալ։Օգնելուց հետո, երբ արդեն քաղաքացին առողջացած կլինի, բուժհաստատությունը ստիպված է լինելու պահանջել բուժման համար նախատեսված գումար, որը, ըստ առողջապահության նախարարության մասնագետների հաշվարկի` կարող է կազմել 800.000 դրամ և ավելի, մինչդեռ Հայաստանի բնակչության կեսից ավելին ի վիճակի չէ նման աստղաբաշխական ծախսեր թույլ տալ։«Մեր բնակչության 75 տոկոսը չի կարող իրեն թույլ տալ չնախատեսված ծախս 45.000 դրամի չափով, հիմա ինչպես պետք է այդ մարդը վճարի 800.000 դրամ, այսինքն` այդ մարդը չի դիմելու բժշկի, մնալու է տանը, շարունակելու է վարակը տարածել»,- եզրափակեց փորձագետը։Նշենք, որ ԱՆ մամուլի խոսնակ Հռիփսիմե Խաչատրյանը Sputnik Արմենիայի հետ զրույցում նշել էր, որ ՀՀ առողջապահության նախարարությունը քննարկում է չպատվաստված և կորոնավիրուսով վարակված քաղաքացիների հիվանդանոցային բուժումը փետրվարի 1-ից վճարովի դարձնելու հարցը։Չպատվաստված քաղաքացիների բուժումը վճարովի դարձնելու մասին քննարկումները սկսվել են հոկտեմբերից։ Դեռ այն ժամանակ նշվում էր, որ կորոնավիրուսով հոսպիտալացված քաղաքացիները ստիպված կլինեն վճարել մոտ 800.000 դրամ։Հիշեցնենք, որ այս պահին բուժումն իրականացվում է պետական միջոցներով։

https://arm.sputniknews.ru/20211213/pvortugalian-hajastanin-pfizer-patvastanjuti-40-000-deghachap-ktramadri-36426056.html

2021

Լուրեր

am_HY

հայաստան, հհ առողջապահության նախարարություն, պատվաստում, կորոնավիրուս, կորոնավիրուսը հայաստանում և արցախում, բուժում, պոդկաստ