https://arm.sputniknews.ru/20211208/tvogh-alen-simvonjany-ga-pataskhan-ta-gerineri-tsnvoghnern-azhi-mvot-en-gishern-anckacrel-36168710.html

Թող Ալեն Սիմոնյանը գա, պատասխան տա. գերիների ծնողներն ԱԺ–ի մոտ են գիշերն անցկացրել

Թող Ալեն Սիմոնյանը գա, պատասխան տա. գերիների ծնողներն ԱԺ–ի մոտ են գիշերն անցկացրել

Sputnik Արմենիա

Գերիների ծնողները պահանջում են, որպեսզի ԱԺ նախագահը պարզաբանի, թե ինչ է նկատի ունեցել` ասելով, որ գերիներն իր համար այլևս չկան։ 08.12.2021, Sputnik Արմենիա

2021-12-08T10:51+0400

2021-12-08T10:51+0400

2021-12-08T10:55+0400

աժ (ազգային ժողով)

ալեն սիմոնյան

բողոքի ակցիա

գերի

հայ գերիներ, անհետ կորածներ

https://cdn.am.sputniknews.ru/img/07e5/0c/07/36157114_0:0:1091:614_1920x0_80_0_0_9164a87ebef4a83d4d9e9e2a47f54796.jpg

ԵՐԵՎԱՆ, 8 դեկտեմբերի – Sputnik. Անհետ կորածների և գերիների հարազատներն այս պահին հավաքված են Ազգային ժողովի առջև։Անհետ կորածների մեկի հարազատը` Արսեն Ղուկասյանը, հայտնեց, որ մի քանի պատգամավորների են տեսել տարբեր խմբակցություններից և հետաքրքրվել` ինչ նկատի ուներ ԱԺ նախագահ Ալեն Սիմոնյանը, երբ ասում էր, որ գերիներն իր համար չկան, նրանք դասալիքներ են։Սակայն Ղուկասյանը նշում է, որ ուզում են Ալեն Սիմոնյանը գա և ծնողներին անձամբ ասի` ինչ նկատի ուներ։ «Երբ ասում են` գերիներն իմ համար չկան, ոնց որ Ադրբեջանին մեսիջ անի, որ ինչ ուզում եք արեք գերիների հետ։ Թող գա և իր խոսքերի համար պատասխան տա»,–ասում է նա։Ղուկասյանը հայտնեց, որ գիշերն ինքը և որոշ այլ ծնողներ ԱԺ առջև են անցկացրել։Հիշեցնենք` դեկտեմբերի 7-ին համացանցում էր հայտնվել ՀՀ ԱԺ նախագահ Ալեն Սիմոնյանի մասնակցությամբ գաղտնի նկարահանված տեսանյութը, որտեղ ՀՀ ԱԺ նախագահը հայտարարում է, որ գերիների ծնողներն էլ գիտեն` իրենց որդիները դասալքություն են արել։Ավելի ուշ Ալեն Սիմոնյանը մեկնաբանեց, որ տեսանյութը մոնտաժված է ու իր խոսքը կիսատ է ներկայացված։ Այդուհանդերձ, նա վերահաստատեց` բոլոր այն զինծառայողները, որոնք վայր են դրել զենքն ու հանձնվել են գերության, կենթարկվեն քրեական հետապնդման։Դրանից հետո գերիների և անհետ կորածների հարազատները հավաքվել էին ինչպես Հանրապետության հրապարակում` կառավարության շենքի մոտ, այնպես էլ շիրակցի գերիների հարազատները բողոքի ակցիա էին անում մարզպետարանի շենքի մոտ։ Գերեվարվածների հարազատներին զայրացրել են Ալեն Սիմոնյանի խոսքերը։

https://arm.sputniknews.ru/20211208/hajastan-khmbakcutjunn-arajarkum-e-gerineri-harcvov-azh-lsumner-kazmakerpel-36168266.html

2021

Լուրեր

am_HY

աժ (ազգային ժողով), ալեն սիմոնյան, բողոքի ակցիա, գերի, հայ գերիներ, անհետ կորածներ