https://arm.sputniknews.ru/20211208/eahk-mkh-hamanakhagahnery-kvochvov-dimel-en-erevanin-ev-baqvin-hajtararutjun-36164236.html
ԵԱՀԿ ՄԽ երկրների արտգործնախարարները կոչով դիմել են Երևանին և Բաքվին. հայտարարություն
ԵԱՀԿ ՄԽ երկրների արտգործնախարարները կոչով դիմել են Երևանին և Բաքվին. հայտարարություն
Sputnik Արմենիա
Համանախագահող երկրները Հայաստանին ու Ադրբեջանին հորդորում են շարունակել շփումները, բայց սա միակ հորդորը չէ։ 08.12.2021, Sputnik Արմենիա
2021-12-08T00:50+0400
2021-12-08T00:50+0400
2021-12-09T10:49+0400
հայաստան
ադրբեջան
եահկ մինսկի խումբ
եահկ
https://cdn.am.sputniknews.ru/img/2073/03/20730339_0:176:3017:1873_1920x0_80_0_0_528e0a79a5a5c843980eba011e36a0b2.jpg
ԵՐԵՎԱՆ, 8 դեկտեմբերի – Sputnik. ԵԱՀԿ Մինսկի խմբի համանախագահ երկրները համատեղ հայտարարություն են ընդունել, որը դեկտեմբերի 7-ին հրապարակվել է կազմակերպության կայքում։ԱՄՆ պետքարտուղար Էնթոնի Բլինկենը, Ռուսաստանի Դաշնության արտաքին գործերի նախարար Սերգեյ Լավրովը և Ֆրանսիայի արտգործնախարար Ժան Իվ Լը Դրիանը, որոնք ներկայացնում են ԵԱՀԿ Մինսկի խմբի համանախագահող երկրները, իրենց աջակցությունն են հայտնում Մինսկի խմբի համանախագահների հովանու ներքո Հայաստանի և Ադրբեջանի միջև ուղիղ երկխոսության վերսկսմանը:Համանախագահող երկրները կոչ են անում շարունակել Հայաստանի և Ադրբեջանի արտգործնախարարների միջև երկխոսությունը, որը սկսվել է սեպտեմբերին Նյու Յորքում և նոյեմբերին Փարիզում կայացած հանդիպումների ժամանակ, ինչպես նաև շարունակել շփումները ղեկավարության մակարդակով՝ տարածաշրջանում կայուն և կայուն խաղաղությանը նպաստելու համար:Համանախագահող երկրները կողմերին հորդորում են ձեռնպահ մնալ սադրիչ հռետորաբանությունից ու գործողություններից և ամբողջ ծավալով կատարել այն պարտավորությունները, որոնք ստանձնել են 2020 թվականի նոյեմբերի 9-ին և հաստատել 2021 թվականի նոյեմբերի 26-ին Ադրբեջանի Հանրապետության նախագահի, Հայաստանի Հանրապետության վարչապետի և Ռուսաստանի Դաշնության նախագահի, ինչպես նաև հրադադարի մասին համատեղ համաձայնեցված այլ պայմանավորվածություններում։Համանախագահող երկրները կոչ են անում Հայաստանին և Ադրբեջանին շարունակել իրենց փոխգործակցությունը համանախագահների հովանու ներքո՝ մարդասիրական հարցերում կոնկրետ առաջընթացի հասնելու համար` ներառյալ պահվող անձանց, ականազերծման, անհետ կորածների, տեղահանվածների կամավոր վերադարձի և այլ հարցերի շուրջ, այդ թվում՝ պատմական հուշարձանների և մշակութային վայրերի պաշտպանություն, ինչպես նաև կառուցողական աշխատանք տանել այլ չլուծված խնդիրների լուծման ուղղությամբ, ինչպիսիք են սահմանազատումն ու սահմանագծումը, տնտեսական և տրանսպորտային կապերի վերականգնումը:Համանախագահները նաև մտահոգությամբ են նշում հայ-ադրբեջանական սահմանին վերջերս տեղի ունեցած միջադեպերը և հաստատում, որ ուժի կիրառումը կամ ուժի սպառնալիքը սահմանային վեճերի լուծման համար անընդունելի է: Նրանք Հայաստանին և Ադրբեջանին հիշեցնում են միջազգային մարդասիրական իրավունքի պահանջները պահպանելու իրենց պարտավորությունը և կողմերին հորդորում անհապաղ վերացնել միջազգային մարդասիրական կազմակերպությունների հասանելիության բոլոր սահմանափակումները:ԵԱՀԿ Մինսկի խմբի համանախագահ երկրները վերահաստատում են իրենց հավատարմությունը Լեռնային Ղարաբաղի հակամարտության հետ կապված կամ դրանից բխող բոլոր մնացած հարցերի համապարփակ լուծումներ գտնելու հարցում կողմերի հետ համագործակցությանը՝ իրենց մանդատին համապատասխան, Հարավային Կովկասի տարածաշրջանի համար անվտանգ, կայուն, բարգավաճ և խաղաղ ապագային աջակցելու նպատակով:Հիշեցնենք` նոյեմբերի 26–ին Սոչիում կայացավ Հայաստանի, Ռուսաստանի ու Ադրբեջանի առաջնորդների հանդիպումը։ Եռակողմ հանդիպումից առաջ Պուտինն առանձնազրույց էր ունեցել Ալիևի հետ։ Բանակցությունները տևեցին երեք ժամ։ Եռակողմ հանդիպմանը հաջորդեց Պուտին–Փաշինյան առանձնազրույցը։ Բանակցությունների արդյունքում ստորագրվեց համատեղ հայտարարություն։ Հայտարարվեց, որ պայմանավորվել են մինչև տարեվերջ Հայաստանի և Ադրբեջանի միջև սահմանագծման և սահմանազատման մեխանիզմներ ստեղծել, քայլեր ձեռնարկել հայ-ադրբեջանական սահմանի կայունության և անվտանգության մակարդակի բարձրացման ուղղությամբ։Նշենք, որ Փաշինյանն ու Ալիևը համաձայնել են հանդիպել նաև դեկտեմբերի 15-ին Բրյուսելում, ԵՄ Արևելյան գործընկերության գագաթնաժողովի շրջանակում։
https://arm.sputniknews.ru/20211207/hhn-adrbejanin-mijancq-tramadrelu-partavvorutjun-chuni-hh-agni-pataskhann-alievin-36125903.html
https://arm.sputniknews.ru/20211207/rusastany-maki-pgh-in-kvoch-e-arel-aragacnel-pakhstakanneri-veradardzy-arcakh-36162011.html
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, եահկ մինսկի խումբ, եահկ
հայաստան, ադրբեջան, եահկ մինսկի խումբ, եահկ
ԵԱՀԿ ՄԽ երկրների արտգործնախարարները կոչով դիմել են Երևանին և Բաքվին. հայտարարություն
00:50 08.12.2021 (Թարմացված է: 10:49 09.12.2021) Համանախագահող երկրները Հայաստանին ու Ադրբեջանին հորդորում են շարունակել շփումները, բայց սա միակ հորդորը չէ։
ԵՐԵՎԱՆ, 8 դեկտեմբերի – Sputnik. ԵԱՀԿ Մինսկի խմբի համանախագահ երկրները համատեղ հայտարարություն են ընդունել, որը դեկտեմբերի 7-ին հրապարակվել է կազմակերպության
կայքում։
ԱՄՆ պետքարտուղար Էնթոնի Բլինկենը, Ռուսաստանի Դաշնության արտաքին գործերի նախարար Սերգեյ Լավրովը և Ֆրանսիայի արտգործնախարար Ժան Իվ Լը Դրիանը, որոնք ներկայացնում են ԵԱՀԿ Մինսկի խմբի համանախագահող երկրները, իրենց աջակցությունն են հայտնում Մինսկի խմբի համանախագահների հովանու ներքո Հայաստանի և Ադրբեջանի միջև ուղիղ երկխոսության վերսկսմանը:
Համանախագահող երկրները կոչ են անում շարունակել Հայաստանի և Ադրբեջանի արտգործնախարարների միջև երկխոսությունը, որը սկսվել է սեպտեմբերին Նյու Յորքում և նոյեմբերին Փարիզում կայացած հանդիպումների ժամանակ, ինչպես նաև շարունակել շփումները ղեկավարության մակարդակով՝ տարածաշրջանում կայուն և կայուն խաղաղությանը նպաստելու համար:
Համանախագահող երկրները կողմերին հորդորում են ձեռնպահ մնալ սադրիչ հռետորաբանությունից ու գործողություններից և ամբողջ ծավալով կատարել այն պարտավորությունները, որոնք ստանձնել են 2020 թվականի նոյեմբերի 9-ին և հաստատել 2021 թվականի նոյեմբերի 26-ին Ադրբեջանի Հանրապետության նախագահի, Հայաստանի Հանրապետության վարչապետի և Ռուսաստանի Դաշնության նախագահի, ինչպես նաև հրադադարի մասին համատեղ համաձայնեցված այլ պայմանավորվածություններում։
Համանախագահող երկրները կոչ են անում Հայաստանին և Ադրբեջանին շարունակել իրենց փոխգործակցությունը համանախագահների հովանու ներքո՝ մարդասիրական հարցերում կոնկրետ առաջընթացի հասնելու համար` ներառյալ պահվող անձանց, ականազերծման, անհետ կորածների, տեղահանվածների կամավոր վերադարձի և այլ հարցերի շուրջ, այդ թվում՝ պատմական հուշարձանների և մշակութային վայրերի պաշտպանություն, ինչպես նաև կառուցողական աշխատանք տանել այլ չլուծված խնդիրների լուծման ուղղությամբ, ինչպիսիք են սահմանազատումն ու սահմանագծումը, տնտեսական և տրանսպորտային կապերի վերականգնումը:
Համանախագահները նաև մտահոգությամբ են նշում հայ-ադրբեջանական սահմանին վերջերս տեղի ունեցած միջադեպերը և հաստատում, որ ուժի կիրառումը կամ ուժի սպառնալիքը սահմանային վեճերի լուծման համար անընդունելի է: Նրանք Հայաստանին և Ադրբեջանին հիշեցնում են միջազգային մարդասիրական իրավունքի պահանջները պահպանելու իրենց պարտավորությունը և կողմերին հորդորում անհապաղ վերացնել միջազգային մարդասիրական կազմակերպությունների հասանելիության բոլոր սահմանափակումները:
Համանախագահող երկրները կոչ են անում որքան հնարավոր է շուտ տարածաշրջանում ընդունել համանախագահներին, որպեսզի նրանք կարողանան տեղում գնահատել իրավիճակը, զգալի առաջընթացի հասնել վերոնշյալ հանդիպումներում քննարկված մարդասիրական նախաձեռնությունների իրականացման գործում և համաձայնության հասնել ապագա միջոցառումների օրակարգի շուրջ:
ԵԱՀԿ Մինսկի խմբի համանախագահ երկրները վերահաստատում են իրենց հավատարմությունը Լեռնային Ղարաբաղի հակամարտության հետ կապված կամ դրանից բխող բոլոր մնացած հարցերի համապարփակ լուծումներ գտնելու հարցում կողմերի հետ համագործակցությանը՝ իրենց մանդատին համապատասխան, Հարավային Կովկասի տարածաշրջանի համար անվտանգ, կայուն, բարգավաճ և խաղաղ ապագային աջակցելու նպատակով:
Հիշեցնենք`
նոյեմբերի 26–ին Սոչիում կայացավ Հայաստանի, Ռուսաստանի ու Ադրբեջանի առաջնորդների հանդիպումը։ Եռակողմ հանդիպումից առաջ
Պուտինն առանձնազրույց էր ունեցել Ալիևի հետ։
Բանակցությունները տևեցին երեք ժամ։ Եռակողմ հանդիպմանը հաջորդեց
Պուտին–Փաշինյան առանձնազրույցը։ Բանակցությունների արդյունքում ստորագրվեց
համատեղ հայտարարություն։ Հայտարարվեց, որ պայմանավորվել են մինչև տարեվերջ Հայաստանի և Ադրբեջանի միջև սահմանագծման և սահմանազատման մեխանիզմներ ստեղծել, քայլեր ձեռնարկել հայ-ադրբեջանական սահմանի կայունության և անվտանգության մակարդակի բարձրացման ուղղությամբ։
Նշենք, որ Փաշինյանն ու Ալիևը համաձայնել են հանդիպել նաև դեկտեմբերի 15-ին Բրյուսելում, ԵՄ Արևելյան գործընկերության գագաթնաժողովի շրջանակում։
