https://arm.sputniknews.ru/20211208/dektemberi-10-in-33-kam-32-fvormati-handipum-klini-vorin-kmasnakci-hhn-pashinjan-36198711.html

Դեկտեմբերի 10-ին «3+3» կամ «3+2» ֆորմատի հանդիպում կլինի, որին կմասնակցի ՀՀ–ն. Փաշինյան

Դեկտեմբերի 10-ին «3+3» կամ «3+2» ֆորմատի հանդիպում կլինի, որին կմասնակցի ՀՀ–ն. Փաշինյան

Sputnik Արմենիա

Վարչապետը նշեց, որ դեկտեմբերի 10-ին կայանալիք հանդիպումը կլինի փոխարտգործնախարարների մակարդակով։ 08.12.2021, Sputnik Արմենիա

2021-12-08T19:37+0400

2021-12-08T19:37+0400

2021-12-08T19:40+0400

հայաստան

նիկոլ փաշինյան

«3+3» ձևաչափ

https://cdn.am.sputniknews.ru/img/07e5/0c/08/36196440_0:84:1600:984_1920x0_80_0_0_712134d2686cffe8eb0cb4417e890434.jpg

ԵՐԵՎԱՆ, 8 դեկտեմբերի – Sputnik. Դեկտեմբերի 10-ին «3+3» կամ «3+2» ֆորմատի հանդիպում է տեղի ունենալու, որին ԱԳ փոխնախարարի մակարդակով կմասնակցի նաև Հայաստանը։ ԱԺ–ում կառավարության հետ հարցուպատասխանի ժամանակ հայտարարեց վարչապետ Նիկոլ Փաշինյանը։Նա հիշեցրեց, որ ավելի վաղ հայտնել էր` Հայաստանը «3+3» ձևաչափով կարող է հետաքրքրված լինել, եթե պարզվի, որ այդ հարթակներում չեն քննարկվելու այնպիսի հարցեր, որոնց վերաբերյալ ՀՀ–ն արդեն իսկ ընդգրկված է այլ հարթակներում։«Այդ հարցը քննարկել ենք մեր գործընկերների, մասնավորապես ՌԴ գործընկերների հետ, և ունենք ազդակ, որ իրենք նույնպես կիսում են այդ տեսակետը։ Դեկտեմբերի 10-ին կկայանա նախնական նիստ արտաքին գործերի փոխնախարարների մակարդակով, որին կմասնակցենք։ Այնտեղ պետք է քննարկվի հետագա անելիքները»,–ասաց Փաշինյանը։Նրա խոսքով` հետագա անելիքները կորոշվի ըստ այդ քննարկումների։ Վարչապետը նշեց նաև, որ տարածաշրջանային արտաքին քաղաքականության մեջ փորձելու են ակտիվ լինել, հիմա պետք է փորձեն տարածաշրջանային երկխոսության հարթակներ գտնել։Հիշեցնենք` ՌԴ արտգործնախարար Սերգեյ Լավրովն Իրանի արտգործնախարար Հոսեյն Ամիր Աբդոլլահիանի հետ կայացած ասուլիսի ժամանակ հայտարարել էր, որ իրանցի գործընկերոջ հետ քննարկել է Հայաստանի, Ադրբեջանի, Վրաստանի և Թուրքիայի հետ «3+3» բանակցային ձևաչափ ստեղծելու նախաձեռնությունը՝ տարածաշրջանում տնտեսական և տրանսպորտային կապերի ապաշրջափակման հարցով:Լավրովն ասել էր, որ տրանսպորտային հաղորդակցությունների ապաշրջափակումն օգուտ կբերի ոչ միայն Հայաստանին և Ադրբեջանին, այլ նաև Վրաստանին: Իրանը, Ռուսաստանը և Թուրքիան` որպես այս երեք հանրապետությունների ամենամոտ հարևաններ, նրա դիտարկմամբ, նույնպես կշահեն դրանից։

https://arm.sputniknews.ru/20211208/2016tin-lghn-kvorcrel-e-adrbejani-kazmic-durs-linelu-bvolvor-hnaravvorutjunnery-pashinjan-36198020.html

https://arm.sputniknews.ru/20211208/es-im-dirqum-ei-pashinjanin-zajracrec-nojemberi-9-i-masin-ynddimadir-patgamavori-harcy--36197055.html

2021

Լուրեր

am_HY

հայաստան, նիկոլ փաշինյան, «3+3» ձևաչափ