https://arm.sputniknews.ru/20211207/stelu-mej-indz-meghadreluc-araj-hajelu-mej-dzez-najeq-torvosjany-tvovmasjanin-36119359.html
«Ստելու մեջ ինձ մեղադրելուց առաջ հայելու մեջ ձեզ նայեք». Թորոսյանը` Թովմասյանին
«Ստելու մեջ ինձ մեղադրելուց առաջ հայելու մեջ ձեզ նայեք». Թորոսյանը` Թովմասյանին
Sputnik Արմենիա
ԱԺ–ում թեժ քննարկում էր «Զինվորական ծառայության և զինծառայողի կարգավիճակի մասին» օրենքում լրացումներ կատարելու մասին հարցն ԱԺ օրակարգում ընդգրկելու... 07.12.2021, Sputnik Արմենիա
2021-12-07T11:00+0400
2021-12-07T11:00+0400
2021-12-07T11:22+0400
արսեն թորոսյան
աժ (ազգային ժողով)
թագուհի թովմասյան
զինծառայող
https://cdn.am.sputniknews.ru/img/07e5/05/03/27408881_0:83:1601:983_1920x0_80_0_0_f17b61d90e617799d64017d8fef6adb3.jpg
ԵՐԵՎԱՆ, 7 դեկտեմբերի – Sputnik. Ազգային ժողովի պատգամավորները քվեարկությամբ մերժեցին «Զինվորական ծառայության և զինծառայողի կարգավիճակի մասին» օրենքում լրացումներ կատարելու մասին հարցն ԱԺ օրակարգում ընդգրկել։ Քննարկումն անցավ թեժ մթնոլորտում։ Նախագծի հեղինակ, «Պատիվ ունեմ» խմբակցության պատգամավոր Թագուհի Թովմասյանը հայտնեց, որ նախագծով առաջարկվում է զինծառայողների առողջական վիճակի հետազոտումը, փորձաքննությունը և բուժումը կատարել առաջնահերթ ու անվճար՝ պետության երաշխավորած բժշկական օգնության և սպասարկման շրջանակներում: Իշխանությունն ամեն ինչ անում է, որ սահմանազատման հարցերով քննարկումը փակ լինի. Օհանյան«Մեր զինվորական հոսպիտալներ մի շարք այցերն ապացուցեցին, որ զինծառայողների պարագայում առաջնահերթ բժշկական օգնություն և սպասարկում նախատեսված չէ։ Այսինքն` 14 օր առաջնագծում գտնված սպան, երբ հետ է վերադառնում, հնարավոր է ընդհուպ մինչև 1 ամիս հերթի մեջ լինի ՄՌՏ հետազոտություն անցնելու համար»,–ասաց Թովմասյանը։ Նրա խոսքով` զարմանալի է, որ ինչպես կառավարությունը, այնպես էլ ԱԺ գլխադասային՝ պաշտպանության և անվտանգության հարցերի մշտական հանձնաժողովը տվել են բացասական եզրակացություն` ասելով, որ հերթի մեջ սպասող այլ մարդկանց հանդեպ սա խտրականություն կլինի։ Պաշտպանության և անվտանգության հարցերի մշտական հանձնաժողովի անդամ Վիլեն Գաբրիելյանի խոսքով` բացասական եզրակացություն է տրվել նախագծին, քանի որ այդ արտոնություններն արդեն իսկ տրվում են զինծառայողներին։ Ըստ նրա` որևէ նոր բան չկա այս նախագծում։ «Պատիվ ունեմ» խմբակցության պատգամավոր Տիգրան Աբրահամյանն էլ հակադարձեց` արտոնություն պետք է տրվի ոչ միայն զինծառայողներին, այլ նաև զինծառայողների ընտանիքներին։ Նրա խոսքով` այս նախագծով նաև զինվորական մասնագիտության գրավչությունը կմեծանա։ Դրանից հետո կրքերը լարվեցին. իշխանական պատգամավոր Արսեն Թորոսյանը հայտնեց, որ նման արտոնություն 2019-ի վերջին է սահմանվել, և այս նախագիծը զուտ պոպուլիստական բնույթ է կրում։ «Մի ստեք»,– ի պատասխան արձագանքեց Թագուհի Թովմասյանը։ Արսեն Թորոսյանն էլ իր հերթին ասաց, թե իրեն ստելու մեջ մեղադրելուց առաջ, ավելի լավ է մեկ–մեկ հայելու մեջ նայել։ Պատգամավորները 55 դեմ, 28 կողմ և 2 ձեռնպահ ձայների հարաբերակցությամբ նախագիծը չներառեցին ԱԺ օրակարգում։ Թագուհի Թովմասյանը հանդիպել է ՀՀ–ում ՌԴ դեսպանին. ի՞նչ ենք քննարկել նրանքՀիշեցնենք, որ «Զինվորական ծառայության և զինծառայողի կարգավիճակի մասին» ՀՀ օրենքի 17-րդ հոդվածի 1-ին մասի համաձայն՝ քաղաքացիներին զինվորական հաշվառման վերցնելու, պարտադիր զինվորական ծառայության զորակոչի, ներառյալ՝ զորահավաքային զորակոչի, պայմանագրային զինվորական ծառայության և վարժական հավաքի ներգրավելու դեպքերում քաղաքացիների հետազոտումը, փորձաքննությունը և բուժումը կատարվում են առաջնահերթ ու անվճար՝ պետության երաշխավորած բժշկական օգնության և սպասարկման շրջանակներում:
https://arm.sputniknews.ru/20211207/azgajin-zhvoghvovum-hargecin-erkrasharzhi-zvoheri-hishataky-36118437.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արսեն թորոսյան, աժ (ազգային ժողով), թագուհի թովմասյան, զինծառայող
արսեն թորոսյան, աժ (ազգային ժողով), թագուհի թովմասյան, զինծառայող
«Ստելու մեջ ինձ մեղադրելուց առաջ հայելու մեջ ձեզ նայեք». Թորոսյանը` Թովմասյանին
11:00 07.12.2021 (Թարմացված է: 11:22 07.12.2021) ԱԺ–ում թեժ քննարկում էր «Զինվորական ծառայության և զինծառայողի կարգավիճակի մասին» օրենքում լրացումներ կատարելու մասին հարցն ԱԺ օրակարգում ընդգրկելու առնչությամբ։
ԵՐԵՎԱՆ, 7 դեկտեմբերի – Sputnik. Ազգային ժողովի պատգամավորները քվեարկությամբ մերժեցին «Զինվորական ծառայության և զինծառայողի կարգավիճակի մասին» օրենքում լրացումներ կատարելու մասին հարցն ԱԺ օրակարգում ընդգրկել։ Քննարկումն անցավ թեժ մթնոլորտում։
Նախագծի հեղինակ, «Պատիվ ունեմ» խմբակցության պատգամավոր Թագուհի Թովմասյանը հայտնեց, որ նախագծով առաջարկվում է զինծառայողների առողջական վիճակի հետազոտումը, փորձաքննությունը և բուժումը կատարել առաջնահերթ ու անվճար՝ պետության երաշխավորած բժշկական օգնության և սպասարկման շրջանակներում:
«Մեր զինվորական հոսպիտալներ մի շարք այցերն ապացուցեցին, որ զինծառայողների պարագայում առաջնահերթ բժշկական օգնություն և սպասարկում նախատեսված չէ։ Այսինքն` 14 օր առաջնագծում գտնված սպան, երբ հետ է վերադառնում, հնարավոր է ընդհուպ մինչև 1 ամիս հերթի մեջ լինի ՄՌՏ հետազոտություն անցնելու համար»,–ասաց Թովմասյանը։
Նրա խոսքով` զարմանալի է, որ ինչպես կառավարությունը, այնպես էլ ԱԺ գլխադասային՝ պաշտպանության և անվտանգության հարցերի մշտական հանձնաժողովը տվել են բացասական եզրակացություն` ասելով, որ հերթի մեջ սպասող այլ մարդկանց հանդեպ սա խտրականություն կլինի։
Պաշտպանության և անվտանգության հարցերի մշտական հանձնաժողովի անդամ Վիլեն Գաբրիելյանի խոսքով` բացասական եզրակացություն է տրվել նախագծին, քանի որ այդ արտոնություններն արդեն իսկ տրվում են զինծառայողներին։ Ըստ նրա` որևէ նոր բան չկա այս նախագծում։
«Պատիվ ունեմ» խմբակցության պատգամավոր Տիգրան Աբրահամյանն էլ հակադարձեց` արտոնություն պետք է տրվի ոչ միայն զինծառայողներին, այլ նաև զինծառայողների ընտանիքներին։ Նրա խոսքով` այս նախագծով նաև զինվորական մասնագիտության գրավչությունը կմեծանա։
Դրանից հետո կրքերը լարվեցին. իշխանական պատգամավոր Արսեն Թորոսյանը հայտնեց, որ նման արտոնություն 2019-ի վերջին է սահմանվել, և այս նախագիծը զուտ պոպուլիստական բնույթ է կրում։ «Մի ստեք»,– ի պատասխան արձագանքեց Թագուհի Թովմասյանը։ Արսեն Թորոսյանն էլ իր հերթին ասաց, թե իրեն ստելու մեջ մեղադրելուց առաջ, ավելի լավ է մեկ–մեկ հայելու մեջ նայել։ Պատգամավորները 55 դեմ, 28 կողմ և 2 ձեռնպահ ձայների հարաբերակցությամբ նախագիծը չներառեցին ԱԺ օրակարգում։
Հիշեցնենք, որ «Զինվորական ծառայության և զինծառայողի կարգավիճակի մասին» ՀՀ օրենքի 17-րդ հոդվածի 1-ին մասի համաձայն՝ քաղաքացիներին զինվորական հաշվառման վերցնելու, պարտադիր զինվորական ծառայության զորակոչի, ներառյալ՝ զորահավաքային զորակոչի, պայմանագրային զինվորական ծառայության և վարժական հավաքի ներգրավելու դեպքերում քաղաքացիների հետազոտումը, փորձաքննությունը և բուժումը կատարվում են առաջնահերթ ու անվճար՝ պետության երաշխավորած բժշկական օգնության և սպասարկման շրջանակներում:
