https://arm.sputniknews.ru/20211206/inch-yntrakhakhtumner-en-katarvel-kvotajqum-ev-araratum-parzabanum-e-datakhazutjuny--36081580.html

Ինչ ընտրախախտումներ են կատարվել Կոտայքում և Արարատում. պարզաբանում է դատախազությունը

Ինչ ընտրախախտումներ են կատարվել Կոտայքում և Արարատում. պարզաբանում է դատախազությունը

Sputnik Արմենիա

Մարզերում ստացվել է 12–ական հաղորդում–ահազանգ։ Կոտայքի մարզում դեպքերը գրանցվել են Աբովյան և Հրազդան խոշորացված համայնքներում, իսկ Արարատում` Մասիսում... 06.12.2021, Sputnik Արմենիա

2021-12-06T11:21+0400

2021-12-06T11:21+0400

2021-12-06T11:25+0400

հհ դատախազություն

տիմ ընտրություններ

կենտրոնական ընտրական հանձնաժողով (կըհ)

https://cdn.am.sputniknews.ru/img/07e5/06/14/27988235_0:142:2738:1682_1920x0_80_0_0_ba3a836af23f75c872d9ea650f046a8e.jpg

ԵՐԵՎԱՆ, 6 դեկտեմբերի – Sputnik. Կոտայքի և Արարատի մարզերի խոշորացված համայնքների ՏԻՄ ընտրություններում առերևույթ հանցավոր խախտումներ են գրանցվել, որոնց առնչությամբ նյութեր են նախապատրաստվում։ Տեղեկությունը հայտնում է ՀՀ գլխավոր դատախազության մամուլի ծառայությունը։ Հայտնել էինք, որ դեկտեմբերի 5-ին Հայաստանի 9 մարզի 36 համայնքներում ընթանում են տեղական ինքնակառավարման մարմինների ընտրություններ։ Լոռու խոշորացված համայնքների ՏԻՄ ընտրություններում 6 ընտրախախտում է գրանցվել Իրավապահ մարմիններն արձանագրել են, որ ՀՀ Կոտայքի մարզում (Ծաղկաձոր, Հրազդան, Նաիրի, Աբովյան, Նոր Հաճն, Գառնի խոշորացված համայնքներ) առերևույթ ընտրական կամ ընտրություններին առնչվող այլ բնույթի հանցագործությունների մասին ստացվել է 12 հաղորդում-ահազանգ: Բոլոր դեպքերը վերաբերել են քվեարկության գործընթացին, դրանցից 3-ը ՀՀ գլխավոր դատախազությունում իրականացվող մշտադիտարկման արդյունքում վեր հանված ԶԼՄ հրապարակումներ են, 8-ը՝ հաղորդումներ, որոնք տրվել են ֆիզիկական անձանց կողմից, այդ թվում բացարձակ մեծամասնությունը՝ ընտրատարածքային ընտրական հանձնաժողովների նախագահներ, իսկ 1-ը՝ սոցիալական ցանցում կատարված և մշտադիտարկմամբ վեր հանված գրառում օգտատիրոջ կողմից: «Ստացված 12 հաղորդումներից և ահազանգերից, ԶԼՄ հրապարակումներից 1-ը վերաբերում է Աբովյան խոշորացված համայնքում առերևույթ ընտրակաշառք տալուն, ստանալուն, 3-ը՝ Աբովյան և Հրազդան համայնքներում ընտրողների ուղղորդման միջոցով առերևույթ ընտրական իրավունքի իրականացմանը խոչընդոտելուն»,– նշված է հաղորդագրության մեջ։ Ընտրախախտումներից 1-ական դեպքն էլ վերաբերում է Աբովյան խոշորացված համայնքում վարչական ռեսուրսների օգտագործմանը և տեղամասային կենտրոնին հարակից հատվածում բռնություն գործադրելու սպառնալիքներ հնչեցնելուն։ 6-ը առնչվում են Աբովյան, Հրազդան խոշորացված համայնքում, տարբեր ընտրատեղամասերում առերևույթ կրկնաքվեարկության փորձեր կատարելուն, 1-ը՝ Աբովյան խոշորացված համայնքում: Ենթադրյալ ընտրական իրավախախտումների վերաբերյալ վերացական և ընդհանրական բնույթի 3 հաղորդումներում նշված հանգամանքները պարզելու նպատակով ՀՀ ոստիկանության կողմից նախաձեռնվել են ստուգողական գործողություններ: Իսկ հաղորդումներից 9-ի դեպքում Կոտայքի մարզի դատախազության հանձնարարությամբ ոստիկանության և ՔԿ մարզային բաժիններում սկսվել է նյութերի նախապատրաստման գործընթաց։ Հայաստանի 36 համայնքներում ՏԻՄ ընտրություններ ենՀՀ Արարատի մարզում էլ (Արտաշատ, Մասիս, Վեդի և Արարատ խոշորացված համայնքներ) առերևույթ ընտրական կամ ընտրություններին առնչվող այլ բնույթի հանցագործությունների մասին նույնպես ստացվել է 12 հաղորդում և ահազանգ, որոնք վերաբերում են քվեարկության գործընթացին: Դրանցից 6-ը ԶԼՄ հրապարակումներն են, 3-ը՝ ֆիզիկական անձանց կողմից տրված հաղորդումները, իսկ 3-ը՝ ոստիկանության աշխատակիցների կողմից ձեռք բերված օպերատիվ տվյալներ: «Ստացված հաղորդումներից և ահազանգերից 2-ը վերաբերում է Մասիս խոշորացված համայնքի տարբեր բնակավայրերում առերևույթ ընտրակաշառք տալուն, ստանալուն կամ ընտրակաշառքի միջնորդությանը, 2-ը՝ Արտաշատ և Մասիս խոշորացված համայքններում ընտրողների ուղղորդման միջոցով առերևույթ ընտրական իրավունքի իրականացմանը խոչընդոտելուն, 1-ը Արարատ խոշորացված համայնքում լրագրողի մասնագիտական գործունեությունն առերևույթ խոչընդոտելուն»,– հայտնում են դատախազությունից։ Դեպքերից 2-ն առնչվում է Մասիս խոշորացված համայնքում տարբեր ընտրատեղամասերում առերևույթ կրկնաքվեարկության փորձեր կատարելուն, իսկ 5-ը եղել է այլ բնույթի: Ենթադրյալ ընտրական իրավախախտումների վերաբերյալ վերացական և ընդհանրական բնույթի 8 հաղորդման առնչությամբ ՀՀ ոստիկանության կողմից նախաձեռնվել են անհրաժեշտ գործողություններ: Հաղորդումներից մյուս 4-ի կապակցությամբ մարզի դատախազության հանձնարարությամբ հետաքննության կամ նախաքննության մարմիններում նախաձեռնվել է նյութերի նախապատրաստման գործընթաց, որն ընթացքի մեջ է: Հավելենք, որ դեկտեմբերի 5-ին կայացած ՏԻՄ ընտրություններին մասնակցել է ընտրելու իրավունք ունեցող քաղաքացիների 42.48 տոկոսը։ 1 մլն 112 հազար 396 ընտրողից քվեարկությանը մասնակցել է 472 528 քաղաքացի։

https://arm.sputniknews.ru/20211206/vor-hamajnqnerum-e-haghtel-qpn-tim-yntrutjunneri-nakhnakan-ardjunqner-36075253.html

https://arm.sputniknews.ru/20211205/tsvovagjughum-ev-semjvonvovkajum-chen-masnakcel-tim-yntrutjunnerin-dem-en-khvoshvoracmany--36071097.html

2021

Լուրեր

am_HY

հհ դատախազություն, տիմ ընտրություններ, կենտրոնական ընտրական հանձնաժողով (կըհ)