https://arm.sputniknews.ru/20211203/varakman-depqer-patvastvatsneri-shrjanum-ev-krknavarakner-hh-ann-manramasner-e-hajtnel-36022615.html

Վարակման դեպքեր պատվաստվածների շրջանում և կրկնավարակներ. ՀՀ ԱՆ–ն մանրամասներ է հայտնել

Վարակման դեպքեր պատվաստվածների շրջանում և կրկնավարակներ. ՀՀ ԱՆ–ն մանրամասներ է հայտնել

Sputnik Արմենիա

ՀՀ առողջապահության նախարարությունը կորոնավիրուսի հետ կապված իրավիճակին առնչվող լրացուցիչ ցուցանիշներ է հրապարակել։ 03.12.2021, Sputnik Արմենիա

2021-12-03T20:55+0400

2021-12-03T20:55+0400

2021-12-03T20:55+0400

կորոնավիրուսը հայաստանում և արցախում

հհ առողջապահության նախարարություն

https://cdn.am.sputniknews.ru/img/07e5/0a/18/34623345_462:0:1600:640_1920x0_80_0_0_223c509925e4074ac4db087247c0435b.jpg

ԵՐԵՎԱՆ, 3 դեկտեմբերի - Sputnik. Հայաստանում դեկտեմբերի 2-ի դրությամբ «Օմիկրոն» մանրէահիմքի որևէ դեպք չի գրանցվել։ Այս մասին Առողջապահության նախարարությունը հայտնեց ի պատասխան Sputnik Արմենիայի գրավոր հարցման։«Ընդհանուր առմամբ, սեկվենավորման նպատակով վերցված 140 նմուշից 87-ում հայտնաբերվել է Delta շտամը (65%), 47-ում՝ Alpha շտամը (35%)»,- նշել են նախարարությունում։ Կորոնավիրուսի հետ կապված իրադրության մեղմացում կա. ՓաշինյանԳերատեսչությունում փաստել են, որ Հայաստանում կորոնավիրուսային իրավիճակը` դատելով վերջին ամսվա ցուցանիշներով, ոչ էական, բայց բարելավվել է։ Մասնավորապես, այդ մասին է խոսում վարակի վերարտադրության ցուցանիշի նվազումը։Վերջին 14 օրվա ընթացքում (2021 թվականի նոյեմբերի 30-ի դրությամբ) արձանագրվել է հիվանդության 8605 դեպք (290.8 դեպք 100.000 բնակչության հաշվով), ինչը նախորդ նույն ժամանակահատվածի համեմատ (19284 դեպք, 651.7 դեպք 100.000 բնակչության հաշվով) նվազել է 55%-ով։ Վարակի վերարտադրության ցուցանիշը 14 օրվա հաշվարկով, 30.11.2021-ի դրությամբ, կազմում է 0.6, այնինչ 2 շաբաթ առաջ եղել է 0.8:Հայաստանի Հանրապետությունում 2020 թվականի համավարակի սկզբից մինչև 2021 թվականի դեկտեմբերի 2-ը` COVID-19 վարակ հաստատվել է մինչև 18 տարեկան 15997 մարդու մոտ: Համաձայն ՀՀ վիճակագրական կոմիտեի տվյալների՝ 2020 թվականին 15-19 տարեկան աղջիկների տարիքային խմբում գրանցվել է կորոնավիրուսային հիվանդության մահվան մեկ դեպք:Միևնույն ժամանակ 2020 թվականին համավարակի սկզբից մինչև 2021 թվականի դեկտեմբերի 2-ը` COVID–ասոցացված կավասակիանման համախտանիշ արձանագրվել է մինչև 18 տարեկան 139 երեխայի մոտ:Ընթացիկ տարվա նոյեմբերի 29-ի դրությամբ կորոնավիրուսի դեմ պատվաստումների քանակը հասել է 1 217 391–ի։ Առաջին դեղաչափը ստացած քաղաքցիների թիվը 781 011 է (39%), իսկ լիարժեք պատվաստվածներինը` 436 380 (21,8%)։ Եթե կանոնները չպահպանեն, սանկցիաներ կկիրառենք. Ավանեսյանը` ռեստորատորների բողոքի մասինԱռողջապահության նախարարությունից նշել են, որ նոյեմբերի 30-ի դրությամբ պատվաստվել են թվով օտարերկրյա, ինչպես նաև Հայաստանի Հանրապետության քաղաքացիություն չունեցող 7411 անձինք (1,6%)։Կորոնավիրուսային հիվանդության (COVID-19) դեմ ամբողջական պատվաստված անձանցից հիվանդացել է 1.5%-ը:ՀՀ-ում 2020թ. մարտի 1-ից մինչև 2021-ի նոյեմբերի 29-ը ներառյալ արձանագրվել է կորոնավիրուսային հիվանդության կրկնավարակի 4506 դեպք:Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։2020թ.-ի սեպտեմբերի 11-ին ՀՀ կառավարությունը որոշեց, որ երկրում սեպտեմբերի 12-ից մինչև 2021թ.-ի հունվարի 11-ը կգործի կարանտինի ռեժիմ։ Այն երկարաձգվել էր մինչև 2021թ.-ի հուլիսի 11-ը։ Հուլիսի 9-ին որոշում կայացվեց կարանտինը երկարաձգել մինչև 2021թ.-ի դեկտեմբերի 20-ը։ Նոյեմբերի 11-ի որոշմամբ էլ կարանտինը երկարաձգվեց մինչև 2022-ի հունիսի 20-ը։

https://arm.sputniknews.ru/20211203/399-nvor-depq-13-mah-mek-orum-kvorvonavirusajin-hivandutjan-yntacqy-hajastanum-35993112.html

https://arm.sputniknews.ru/20211202/hunvari-1-in-mer-arajarknery-knerkajacnenq-avanesjany-covid-i-vtsharovi-buzhman-masin-35961695.html

2021

Լուրեր

am_HY

կորոնավիրուսը հայաստանում և արցախում, հհ առողջապահության նախարարություն