https://arm.sputniknews.ru/20211201/khoshvor-chapov-kasharq-varordakan-iravunqi-hamar-tsho-tesuchy-ev-kasharq-tvvoghy-kalanavorvel-en-35936528.html
Խոշոր չափով կաշառք` վարորդական իրավունքի համար. ՃՈ տեսուչը և կաշառք տվողը կալանավորվել են
Խոշոր չափով կաշառք` վարորդական իրավունքի համար. ՃՈ տեսուչը և կաշառք տվողը կալանավորվել են
Sputnik Արմենիա
Մեղադրանքներ է առաջադրվել խոշոր չափերով կաշառք ստանալու, դրանց հանցակից լինելու ու պաշտոնեական դիրքը չարաշահելու հոդվածներով։ 01.12.2021, Sputnik Արմենիա
2021-12-01T18:15+0400
2021-12-01T18:15+0400
2021-12-01T18:31+0400
հայաստան
կաշառք
վարորդական իրավունք
https://cdn.am.sputniknews.ru/img/07e5/01/02/25976899_0:0:2923:1645_1920x0_80_0_0_68e5e5cc28eaf1b3f8e41c638f5be894.jpg
ԵՐԵՎԱՆ, 1 դեկտեմբերի – Sputnik. Ճանապարհային ոստիկանության ծառայության Կոտայքի հաշվառման–քննական բաժանմունքի տեսուչ Է.Ս.–ն չարաշահել է պաշտոնեական լիազորություններն ու կալանավորվել։ Հակակոռուպցիոն կոմիտեի մամուլի ծառայությունից հայտնում են, որ կալանքի տակ է նաև նրան օժանդակած անձը։ Է.Ս.–ն իր համագյուղացի Գ.Գ.–ի օժանդակությամբ ստացել է 350 հազար ՀՀ դրամ կաշառք` Երևանի բնակչուհի Լ.Բ.–ին վարորդական իրավունքի վկայական տալու համար անհրաժեշտ քննությունը կազմակերպելու և դրական գնահատելու համար։ Կաշառք են տվել ու վարորդական վկայականներ ստացել. ՃՈ տեսուչը ձերբակալվել էԸստ մեղադրանքի` Գ.Գ–ն Լ.Բ–ի հետ հանդիպել է ու ասել, որ ՃՈ տեսուչ Է.Ս.–ին կաշառք տալու դեպքում տեսական քննությունը ձևական բնույթ կկրի։ Նոյեմբերի 27-ին Լ.Բ–ն ՃՈ Կոտայքի հաշվառման-քննական բաժանմունքում մասնակցել է վարորդական իրավունքի վկայական ստանալու տեսական քննությանը, չի կարողացել ճիշտ պատասխանել հարցերին: Տեսուչ Է. Ս.-ն, իր պաշտոնեական դիրքն օգտագործելով ծառայության շահերին հակառակ, ուղղորդել է Լ. Բ.-ին` նշելու ճիշտ պատասխանները, որի արդյունքում վերջինիս քննությունը դրական է գնահատվել: Տեսական քննությունից հետո Գ.Գ.–ն Լ.Բ–ից վերցրել է 350 հազար դրամը, որպեսզի փոխանցի տեսուչին ու տեղում բռնվել է ՀՀ ազգային անվտանգության ծառայության աշխատակիցների կողմից։ Հանցավոր արարքների կատարման համար Է. Ս.-ին մեղադրանք է առաջադրվել ՀՀ քրեական օրենսգրքի 311-րդ հոդվածի 3-րդ մասի 3-րդ կետով (խոշոր չափերով կաշառք ստանալը) և 308-րդ հոդվածի 1-ին մասով (պաշտոնեական դիրքը չարաշահելը): Գ. Գ.-ին մեղադրանք է առաջադրվել ՀՀ քրեական օրենսգրքի 38-311-րդ հոդվածի 3-րդ մասի 3-րդ կետով (հանցակից լինել խոշոր չափերով կաշառք ստանալուն): Երկու մեղադրյալի նկատմամբ որպես խափանման միջոց է ընտրվել կալանավորումը: Քրեական գործով նախաքննությունը շարունակվում է:
https://arm.sputniknews.ru/20211125/kasharqvov-varvordakan-iravunqi-vkajakanner-en-stacel-37-andzi-meghadranq-e-arajadrvel-35739496.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կաշառք, վարորդական իրավունք
հայաստան, կաշառք, վարորդական իրավունք
Խոշոր չափով կաշառք` վարորդական իրավունքի համար. ՃՈ տեսուչը և կաշառք տվողը կալանավորվել են
18:15 01.12.2021 (Թարմացված է: 18:31 01.12.2021) Մեղադրանքներ է առաջադրվել խոշոր չափերով կաշառք ստանալու, դրանց հանցակից լինելու ու պաշտոնեական դիրքը չարաշահելու հոդվածներով։
ԵՐԵՎԱՆ, 1 դեկտեմբերի – Sputnik. Ճանապարհային ոստիկանության ծառայության Կոտայքի հաշվառման–քննական բաժանմունքի տեսուչ Է.Ս.–ն չարաշահել է պաշտոնեական լիազորություններն ու կալանավորվել։
Հակակոռուպցիոն կոմիտեի մամուլի ծառայությունից հայտնում են, որ կալանքի տակ է նաև նրան օժանդակած անձը։
Է.Ս.–ն իր համագյուղացի Գ.Գ.–ի օժանդակությամբ ստացել է 350 հազար ՀՀ դրամ կաշառք` Երևանի բնակչուհի Լ.Բ.–ին վարորդական իրավունքի վկայական տալու համար անհրաժեշտ քննությունը կազմակերպելու և դրական գնահատելու համար։
Ըստ մեղադրանքի` Գ.Գ–ն Լ.Բ–ի հետ հանդիպել է ու ասել, որ ՃՈ տեսուչ Է.Ս.–ին կաշառք տալու դեպքում տեսական քննությունը ձևական բնույթ կկրի։
Նոյեմբերի 27-ին Լ.Բ–ն ՃՈ Կոտայքի հաշվառման-քննական բաժանմունքում մասնակցել է վարորդական իրավունքի վկայական ստանալու տեսական քննությանը, չի կարողացել ճիշտ պատասխանել հարցերին: Տեսուչ Է. Ս.-ն, իր պաշտոնեական դիրքն օգտագործելով ծառայության շահերին հակառակ, ուղղորդել է Լ. Բ.-ին` նշելու ճիշտ պատասխանները, որի արդյունքում վերջինիս քննությունը դրական է գնահատվել:
Տեսական քննությունից հետո Գ.Գ.–ն Լ.Բ–ից վերցրել է 350 հազար դրամը, որպեսզի փոխանցի տեսուչին ու տեղում բռնվել է ՀՀ ազգային անվտանգության ծառայության աշխատակիցների կողմից։
Հանցավոր արարքների կատարման համար Է. Ս.-ին մեղադրանք է առաջադրվել ՀՀ քրեական օրենսգրքի 311-րդ հոդվածի 3-րդ մասի 3-րդ կետով (խոշոր չափերով կաշառք ստանալը) և 308-րդ հոդվածի 1-ին մասով (պաշտոնեական դիրքը չարաշահելը):
Գ. Գ.-ին մեղադրանք է առաջադրվել ՀՀ քրեական օրենսգրքի 38-311-րդ հոդվածի 3-րդ մասի 3-րդ կետով (հանցակից լինել խոշոր չափերով կաշառք ստանալուն): Երկու մեղադրյալի նկատմամբ որպես խափանման միջոց է ընտրվել կալանավորումը:
Քրեական գործով նախաքննությունը շարունակվում է:
