https://arm.sputniknews.ru/20211201/barbadvosy-neghacrec-eghisabetin-kheghtsh-taguhin-mnac-ashkharhi-yndameny-15-petutjan-glukh-35936355.html
Բարբադոսը նեղացրեց Եղիսաբեթին. «խեղճ» թագուհին մնաց աշխարհի ընդամենը 15 պետության գլուխ
Բարբադոսը նեղացրեց Եղիսաբեթին. «խեղճ» թագուհին մնաց աշխարհի ընդամենը 15 պետության գլուխ
Sputnik Արմենիա
Sputnik Արմենիայի սյունակագիր Արմեն Դուլյանն անդրադարձել է Բարբադոսի` Բրիտանական համագործակցության անդամ երկրների շարքից դուրս գալուն և այդ միությանն... 01.12.2021, Sputnik Արմենիա
2021-12-01T21:50+0400
2021-12-01T21:50+0400
2021-12-01T21:50+0400
անգլիա
մեծ բրիտանիա
եղիսաբեթ 2-րդ
5 րոպե դուլյանի հետ
բարբադոսի հանրապետություն
հեղինակներ
https://cdn.am.sputniknews.ru/img/07e4/0c/06/25637031_0:93:3125:1851_1920x0_80_0_0_8753068907c799bde68c804529ee6e91.jpg
«Խեղճ» թագուհին մնաց աշխարհի ընդամենը 15 պետությունների գլուխ
Sputnik Արմենիա
«Խեղճ» թագուհին մնաց աշխարհի ընդամենը 15 պետությունների գլուխ
Եկեք անկեղծ լինենք։ Եղիսաբեթ երկրորդի համար ամենևին լուրջ անձնական աղետ չէր, երբ այս շաբաթ նա իմացավ, որ այլևս Բրիտանական համագործակցության անդամ երկրներից մեկի՝ Բարբադոս պետության գլուխը չէ։ Կարիբյան այդ կղզին իրեն հանրապետություն հռչակեց, այսինքն, եթե կարելի է այդպես ասել՝ հրաժարվեց թագուհուց։Սակայն այդ տարեց կնոջ համար դա հաստատ մեծ հոգ չէ, քանի որ նա պաշտոնապես շարունակում է պետության գլուխ մնալ այնպիսի հզոր երկրներում, ինչպիսիք են Կանադան, Ավստրալիան և այլն, մինչդեռ զբոսաշրջիկների մերձարևադարձային դրախտ համարվող Բարբադոսում, որտեղ ծնվել է նաև հայտնի երգչուհի Ռիհանան, բնակվում է մոտ 10 անգամ ավելի քիչ մարդ, քան Հայաստանում։Իսկ ընդհանրապես Երկրորդ աշխարհամարտից հետո ստեղծված Բրիտանական համագործակցության անդամների թիվն անցնում է 50-ից, և դրանց բնակիչների ընդհանուր թվաքանակը կազմում է ողջ աշխարհի բնակչության մոտ մեկ երրորդը։ Համաձայնեք, բավական գայթակղիչ կազմակերպություն է։Բայց ԲիԲիՍի-ին վկայում է՝ երբ 90-ականների սկզբին Սովետը քանդվեց, և ծնվեց ԱՊՀ՝ Անկախ պետությունների համագործակցություն ստեղծելու գաղափարը, Մոսկվայի բարձրաստիճան պաշտոնյաները եկան Լոնդոն, որտեղ բրիտանացի մասնագետները մեկ շաբաթ շարունակ նրանց մանրամասն բացատրում էին, թե ինչ է իրենից ներկայացնում Բրիտանական համագործակցությունը։ Ասում են` հյուրերը պարզապես շշմած էին. ինչպե՞ս թե՝ այդքան ազատ միջպետական միավորում, որում չկան նույնիսկ ընդհանուր ֆինանսներ։ Էլ ի՞նչ համագործակցություն։Այո, իրականում դուք հանգիստ կարող եք դուրս գալ, հետո կրկին մտնել Բրիտանական համագործակցություն, ինչպես դա արել է, օրինակ, Հարավաֆրիկյան Հանրապետությունը։ Կազմակերպության անդամների վրա ազդելու միջոցներն էլ գրեթե բացակայում են։ Այսինքն` գլխավոր գաղափարը սա է. կիսո՞ւմ եք ընդհանուր սկզբունքները՝ ժողովրդավարություն, խաղաղություն, հավասարություն, մնացե՛ք մեզ հետ։ Բայց նաև ցանկացած պահի կարող եք կատարել ձեր սեփական ընտրությունը՝ թագուհին չի նեղվի։ Եվ շատերը դուրս են եկել։ Մանավանդ այն բանից հետո, երբ Լոնդոնը վերացրեց համագործակցության երկրների բնակիչներին շնորհվող «բրիտանահպատակի» կարգավիճակը։ Էլ ինչո՞ւ մնանք, եթե առավելություններ ու արտոնություններ չենք ստանալու,– մտածեցին շատերը՝ մոռանալով, թե որքան գումարներ է ժամանակին Բրիտանիան հատկացրել այդ երկրներին օգնելու համար։Ավստրալիայում ի սկզբանե մեծ ակտիվություն էին ցուցաբերում, այսպես կոչված, հանրապետականները, այսինքն` նրանք, ովքեր ասում էին. «Ինչո՞ւ պիտի մեր պետության գլուխը համարվի հեռավոր Մեծ Բրիտանիայի միապետը, ի՞նչ է՝ մենք ինքներս ավստրալացի նախագահ չե՞նք կարող ընտրել։ Եվ 1999 թվականին Ավստրալիայում հանրաքվե անցկացվեց այս հարցով, բայց պարզվեց, որ ընտրողների մեծ մասը ամենևին չի ցանկանում հրաժարվել թագուհուց։ Ճիշտ է, շատ քաղաքագետներ համոզված են՝ եթե հանրաքվեի դրված հարցում նշվեր, որ թագուհուն փոխարինելիք նախագահին ընտրում է ոչ թե պառլամենտը, այլ ժողովուրդը, քվեարկությունը հաստատ բոլորովին այլ պատկեր կունենար։Բայց վերադառնանք Բրիտանական համագործակցությանը։ Այդ կազմակերպության մեկ այլ պետությունում էլ պարբերաբար բարձրացվում է դրոշի հարցը։ Գիտեք, իհարկե, այդ երկրի պետական դրոշի մի անկյունում պատկերված է մեկ այլ դրոշ՝ բրիտանականը։ Նոր Զելանդիայում նույնպես տարիներ առաջ հանրաքվե անցկացվեց, բայց այս դեպքում էլ ընտրողներն ի վերջո որոշեցին ոչ մի բան չփոխել։ Որքան էլ զարմանալի թվա, որոշ մասնագետների կարծիքը սա է՝ քաղաքացիները պարզապես ղեկավարվեցին շատ պրագմատիկ տրամաբանությամբ. «Տո լավ, ինչու փոխենք, դա կապված է լրացուցիչ ծախսերի հետ, եթե այդ բրիտանական դրոշի պատկերը որևէ մեկին չի խանգարում, թող էդպես էլ մնա մեր պետական դրոշի վրա, ինչո՞ւ իզուր տեղը նեղացնենք ծեր կնոջը, որի 95-ամյակը լրացավ այս տարվա գարնանը»։Հրաժարականի պահանջներ՝ Հայաստանում ու Թուրքիայում. նմանություններ ու տարբերություններԲարբադոսն այս շաբաթվա սկզբին նույն տրամաբանությամբ չղեկավարվեց, վերացրեց Մեծ Բրիտանիայի թագուհու կարգավիճակն իր երկրում։ Բայց դա դժվար թե ողբերգություն դառնա Եղիսաբեթ երկրորդի համար. իր երկար կյանքի ընթացքում նա այնքան բան է տեսել։
https://arm.sputniknews.ru/20200918/tsankanum-eq-chshmartutyunn-imanal-gnaceq-barbados-24516632.html
անգլիա
մեծ բրիտանիա
բարբադոսի հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2021
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e4/0c/06/25637031_0:0:2729:2047_1920x0_80_0_0_73e7bfeb9ce6ee0b8d2e100d651f0fc2.jpgSputnik Արմենիա
media@sputniknews.com
+74956456601
MIA „Rossiya Segodnya“
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
անգլիա, մեծ բրիտանիա, եղիսաբեթ 2-րդ, 5 րոպե դուլյանի հետ, բարբադոսի հանրապետություն, հեղինակներ
անգլիա, մեծ բրիտանիա, եղիսաբեթ 2-րդ, 5 րոպե դուլյանի հետ, բարբադոսի հանրապետություն, հեղինակներ
Բարբադոսը նեղացրեց Եղիսաբեթին. «խեղճ» թագուհին մնաց աշխարհի ընդամենը 15 պետության գլուխ
Sputnik Արմենիայի սյունակագիր Արմեն Դուլյանն անդրադարձել է Բարբադոսի` Բրիտանական համագործակցության անդամ երկրների շարքից դուրս գալուն և այդ միությանն ընդհանրապես։
Եկեք անկեղծ լինենք։ Եղիսաբեթ երկրորդի համար ամենևին լուրջ անձնական աղետ չէր, երբ այս շաբաթ նա իմացավ, որ այլևս Բրիտանական համագործակցության անդամ երկրներից մեկի՝ Բարբադոս պետության գլուխը չէ։ Կարիբյան այդ կղզին իրեն հանրապետություն հռչակեց, այսինքն, եթե կարելի է այդպես ասել՝ հրաժարվեց թագուհուց։
Սակայն այդ տարեց կնոջ համար դա հաստատ մեծ հոգ չէ, քանի որ նա պաշտոնապես շարունակում է պետության գլուխ մնալ այնպիսի հզոր երկրներում, ինչպիսիք են Կանադան, Ավստրալիան և այլն, մինչդեռ զբոսաշրջիկների մերձարևադարձային դրախտ համարվող Բարբադոսում, որտեղ ծնվել է նաև
հայտնի երգչուհի Ռիհանան, բնակվում է մոտ 10 անգամ ավելի քիչ մարդ, քան Հայաստանում։
Իսկ ընդհանրապես Երկրորդ աշխարհամարտից հետո ստեղծված Բրիտանական համագործակցության անդամների թիվն անցնում է 50-ից, և դրանց բնակիչների ընդհանուր թվաքանակը կազմում է ողջ աշխարհի բնակչության մոտ մեկ երրորդը։ Համաձայնեք, բավական գայթակղիչ կազմակերպություն է։
Բայց ԲիԲիՍի-ին վկայում է՝ երբ 90-ականների սկզբին Սովետը քանդվեց, և ծնվեց ԱՊՀ՝ Անկախ պետությունների համագործակցություն ստեղծելու գաղափարը, Մոսկվայի բարձրաստիճան պաշտոնյաները եկան Լոնդոն, որտեղ բրիտանացի մասնագետները մեկ շաբաթ շարունակ նրանց մանրամասն բացատրում էին, թե ինչ է իրենից ներկայացնում Բրիտանական համագործակցությունը։ Ասում են` հյուրերը պարզապես շշմած էին. ինչպե՞ս թե՝ այդքան ազատ միջպետական միավորում, որում չկան նույնիսկ ընդհանուր ֆինանսներ։ Էլ ի՞նչ համագործակցություն։
![Парусное судно в море у острова Барбадос Парусное судно в море у острова Барбадос - Sputnik Արմենիա, 1920, 18.09.2020](https://cdn.am.sputniknews.ru/img/2137/60/21376077_0:248:1851:988_1920x0_80_0_0_9e2ce705e124f8932f3ac8fa3b864500.jpg)
18 սեպտեմբերի 2020, 21:57
Այո, իրականում դուք հանգիստ կարող եք դուրս գալ, հետո կրկին մտնել Բրիտանական համագործակցություն, ինչպես դա արել է, օրինակ, Հարավաֆրիկյան Հանրապետությունը։ Կազմակերպության անդամների վրա ազդելու միջոցներն էլ գրեթե բացակայում են։ Այսինքն` գլխավոր գաղափարը սա է. կիսո՞ւմ եք ընդհանուր սկզբունքները՝ ժողովրդավարություն, խաղաղություն, հավասարություն, մնացե՛ք մեզ հետ։ Բայց նաև ցանկացած պահի կարող եք կատարել ձեր սեփական ընտրությունը՝ թագուհին չի նեղվի։ Եվ շատերը դուրս են եկել։ Մանավանդ այն բանից հետո, երբ Լոնդոնը վերացրեց համագործակցության երկրների բնակիչներին շնորհվող «բրիտանահպատակի» կարգավիճակը։ Էլ ինչո՞ւ մնանք, եթե առավելություններ ու արտոնություններ չենք ստանալու,– մտածեցին շատերը՝ մոռանալով, թե որքան գումարներ է ժամանակին Բրիտանիան հատկացրել այդ երկրներին օգնելու համար։
Ավստրալիայում ի սկզբանե մեծ ակտիվություն էին ցուցաբերում, այսպես կոչված, հանրապետականները, այսինքն` նրանք, ովքեր ասում էին. «Ինչո՞ւ պիտի մեր պետության գլուխը համարվի հեռավոր Մեծ Բրիտանիայի միապետը, ի՞նչ է՝ մենք ինքներս ավստրալացի նախագահ չե՞նք կարող ընտրել։ Եվ 1999 թվականին Ավստրալիայում հանրաքվե անցկացվեց այս հարցով, բայց պարզվեց, որ ընտրողների մեծ մասը ամենևին չի ցանկանում հրաժարվել թագուհուց։ Ճիշտ է, շատ քաղաքագետներ համոզված են՝ եթե հանրաքվեի դրված հարցում նշվեր, որ թագուհուն փոխարինելիք նախագահին ընտրում է ոչ թե պառլամենտը, այլ ժողովուրդը, քվեարկությունը հաստատ բոլորովին այլ պատկեր կունենար։
Երևի գիտեք, այդ նույն հարցը՝ մնա՞լ պառլամենտական, թե՞ կրկին դառնալ կիսանախագահական հանրապետություն, մեզ մոտ էլ կարող է առաջիկայում համաժողովրդական քվեարկության դրվել՝ որպես նոր Սահմանադրության հիմնարար դրույթներից մեկը։ Մանավանդ այն բանից հետո, երբ վերջին տարիների փորձից ելնելով, շատերը ավելի ու ավելի հաճախ են ասում՝ բայց մեր ինչի՞ն է պետք նման նախագահ, որը բացարձակ ոչ մի իրական լիազորություն չունի և առավելագույնը, ինչ կարող է անել՝ կառավարությունից ու խորհրդարանից ստացված փաստաթուղթը հերթական անգամ Սահմանադրական դատարան ուղարկելն է։
Բայց վերադառնանք Բրիտանական համագործակցությանը։ Այդ կազմակերպության մեկ այլ պետությունում էլ պարբերաբար բարձրացվում է դրոշի հարցը։ Գիտեք, իհարկե, այդ երկրի պետական դրոշի մի անկյունում պատկերված է մեկ այլ դրոշ՝ բրիտանականը։ Նոր Զելանդիայում նույնպես տարիներ առաջ հանրաքվե անցկացվեց, բայց այս դեպքում էլ ընտրողներն ի վերջո որոշեցին ոչ մի բան չփոխել։ Որքան էլ զարմանալի թվա, որոշ մասնագետների կարծիքը սա է՝ քաղաքացիները պարզապես ղեկավարվեցին շատ պրագմատիկ տրամաբանությամբ. «Տո լավ, ինչու փոխենք, դա կապված է լրացուցիչ ծախսերի հետ, եթե այդ բրիտանական դրոշի պատկերը որևէ մեկին չի խանգարում, թող էդպես էլ մնա մեր պետական դրոշի վրա, ինչո՞ւ իզուր տեղը նեղացնենք ծեր կնոջը, որի 95-ամյակը լրացավ այս տարվա գարնանը»։
Բարբադոսն այս շաբաթվա սկզբին նույն տրամաբանությամբ չղեկավարվեց, վերացրեց Մեծ Բրիտանիայի թագուհու կարգավիճակն իր երկրում։ Բայց դա դժվար թե ողբերգություն դառնա Եղիսաբեթ երկրորդի համար. իր երկար կյանքի ընթացքում նա այնքան բան է տեսել։