Լիբանանի քաղաքներում կրկին բողոքի ակցիաներ են
15:36 29.11.2021 (Թարմացված է: 16:17 29.11.2021)
![Բեյրութ. բողոքի ակցիա Բեյրութ. բողոքի ակցիա - Sputnik Արմենիա, 1920, 29.11.2021](https://cdn.am.sputniknews.ru/img/07e4/08/08/24040689_0:406:2919:2047_1920x0_80_0_0_0bf247bd6d681a7cbbf68646f33d480f.jpg)
Բեյրութ. բողոքի ակցիա. Արխիվային լուսանկար
© Sputnik / Михаил Алаеддин
/ Բաժանորդագրվել
Ազգային արժույթի փոխարժեքի հերթական խոշոր անկումն ու այդ ֆոնին տնտեսական ճգնաժամի խորացումը հանրահավաքների դրդեցին հասարակությանը։
ԵՐԵՎԱՆ, 29 նոյեմբերի - Sputnik. Լիբանանի մայրաքաղաքում և այլ քաղաքներում այսօր բողոքի ակցիաներ են: Մասնավորապես, ակտիվիստները փակել են Բեյրութի հիմնական ճանապարհները։ Ցուցարարները բողոքում են երկրում օրեցօր ահագնացող գնաճի դեմ։
#Lebanon - anger is growing over worsening economic conditions pic.twitter.com/fDqamLnpTZ
— Zeina Khodr (@ZeinakhodrAljaz) November 29, 2021
Ցուցարարները քարեր, այրվող անվադողեր, աղբամաններ ու ավտոմեքենաներ են օգտագործում ճանապարհները փակելու համար։ Նրանցից շատերը հենց փողոցներում նստացույց են անում։
Տրանսպորտի երթևեկությունը կաթվածահար է եղել ոչ միայն Բեյրութում, այլև Տրիպոլիում և Սայդայում։
#Beirut - young men with no jobs … no future block roads - local currency in free fall #Lebanon pic.twitter.com/wkWBWozD5F
— Zeina Khodr (@ZeinakhodrAljaz) November 29, 2021
Բողոքի ակցիաները սկսվել են ազգային արժույթի փոխարժեքի հերթական անկման ու տնտեսական ճգնաժամի խորացման ֆոնին: Ազգային արժույթի անկումը հանգեցրել է սննդամթերքի, բենզինի, առաջին անհրաժեշտության ապրանքների գների աճին:
Հանրահավաքների հետևանքով դպրոցները և այլ ուսումնական հաստատություններ Բեյրութում փակ են, խաթարվել է պետական հաստատությունների, մասնավոր ընկերությունների, առևտրային կենտրոններ աշխատանքը։
Ցուցարարների և ուժայինների միջև բախումներին գործը դեռ չի հասել։
Ավելի վաղ Լիբանանի նախագահ Միշել Աունն ասել էր, որ երկրում քաղաքացիական պատերազմի (1975-1991) սցենարը չի կրկնվի: Նա վստահեցրել է, որ իրավիճակը իշխանությունների վերահսկողության տակ է։
🪧_||~ 🇱🇧 #Lebanon to protest against the deterioration of living conditions. #ME #Beirut #Manifest pic.twitter.com/zhFf6UjV4y
— A Deniz Engelhardt (@EngelhardtDeniz) November 29, 2021