https://arm.sputniknews.ru/20211119/shinararutjan-volvortum-ardzanagrvel-e-erknish-gnatsh-tntesagety-cementi-shukaji-masin-35528392.html
Շինարարության ոլորտում արձանագրվել է երկնիշ գնաճ. տնտեսագետը` ցեմենտի շուկայի մասին
Շինարարության ոլորտում արձանագրվել է երկնիշ գնաճ. տնտեսագետը` ցեմենտի շուկայի մասին
Sputnik Արմենիա
Հանրային քաղաքականության հետազոտությունների ազգային կենտրոնի փորձագետ, տնտեսագետ Արմեն Քթոյանը Sputnik Արմենիայի եթերում անդրադարձել է շինարարության ոլորտում... 19.11.2021, Sputnik Արմենիա
2021-11-19T20:21+0400
2021-11-19T20:21+0400
2021-11-19T20:21+0400
ռադիո
հայաստան
գնաճ
շինարարություն
ցեմենտ
պոդկաստ
https://cdn.am.sputniknews.ru/img/07e5/0b/13/35511328_0:0:1601:901_1920x0_80_0_0_e156c20ec59d91e16d8edebc5290076e.jpg
Քթոյան. Ցեմենտի թանկացմամբ ավելացել են շինմոնտաժային աշխատանքների հետ կապված ծախսերը
Sputnik Արմենիա
Քթոյան. Ցեմենտի թանկացմամբ ավելացել են շինմոնտաժային աշխատանքների հետ կապված ծախսերը
Տնտեսագետ Արմեն Քթոյանը կարծում է, որ ցեմենտի թանկացումը ներկայիս ընդհանուր գնաճային ֆոնի դրսևորումներից մեկն է, քանզի վերջին 7-8 տարիների կտրվածքով ունենք սպառողական գների ինդեքսի աննախադեպ բարձր մակարդակ։ Sputnik Արմենիայի հետ զրույցի ընթացքում նա նշում է, որ գնաճը մեծապես պայմանավորված է դրսից եկող ազդակներով, և տվյալ հանգամանքը չի կարող նույն շինարարության մեջ իր արտացոլումը չունենալ։«Եթե դիտարկենք սեպտեմբեր և հոկտեմբեր ամիսները, ապա նախորդ տարվա նույն ժամանակահատվածի համեմատ` շինարարության ոլորտում արձանագրվել է երկնիշ գնաճ։ Ցեմենտի թանկացմամբ ավելացել են շինմոնտաժային աշխատանքների հետ կապված ծախսերը, ընդ որում` գնաճ կա ոչ միայն ցեմենտի` որպես կարևոր առանձնահատկություն ունեցող բաղադրիչի պարագայում, այլև շինարարական մյուս ապրանքների մասով»,– նշեց տնտեսագետը։Քթոյանի խոսքով` 2020 թվականին շինարարությունն առավել մեծ անկում արձանագրած ոլորտներից էր, և հիմա այդտեղ կա աստիճանական վերականգնում` պահանջարկն աճել է։ Կան նախանշված պետական ծրագրեր, որոշվել է, օրինակ, կապիտալ շինարարությանն ուղղվող ռեսուրսներն ավելացնել։Քթոյանի կարծիքով` շինարարության վերաբերյալ որոշումները սովորաբար կայացվում են երկարաժամկետ հատվածում ու թեև իսկապես կա շինարարության որոշակի ընդլայնում, ինչը հետճգնաժամային իրավիճակում նորմալ է, այդուհանդերձ, օրինակ, Երևանում եկամտահարկի վերադարձի ծրագիրը դադարեցնելու որոշումը չէր կարող այնպիսի աժիոտաժ առաջացնել, որ շինապրանքների գներն ավելանային։Կառուցապատման խոշոր ծրագրերն առնչվում են տարիներ առաջ նախաձեռնված նախագծերին, որոնք այսօր իրացման փուլում են` անկախ այն հանգամանքից` թանկացել է ցեմենտը, թե ոչ։Անկանխիկ առևտուրը հարմար է, բայց թանկ. ԱԺ–ն քննարկում է ԿԲ–ի առաջարկած նախագիծըՆշենք, որ Հայաստանում ցեմենտի մեկ տոննան թանկացել է 2000 դրամով: Շինարարները փոխանցում են, որ 50 կգ ցեմենտի պարկի գինը 2500 դրամից դարձել է 2650 դրամ: Շինանյութի որոշ կետեր կան, որտեղ հայկական արտադրության 50 կգ-անոց ցեմենտը վաճառվում է 2800-3000 դրամով: Բարձրացել է նաև իրանական արտադրության ցեմենտի գինը՝ 2900 դրամից դառնալով 3000–3200 դրամ:
https://arm.sputniknews.ru/20211118/ev-nakhkinum-ev-hima-oligarkhnern-ogtvum-en-aritic-tntesagety-benzini-gnatshi-masin-35490741.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գնաճ, շինարարություն, ցեմենտ, պոդկաստ
հայաստան, գնաճ, շինարարություն, ցեմենտ, պոդկաստ
Շինարարության ոլորտում արձանագրվել է երկնիշ գնաճ. տնտեսագետը` ցեմենտի շուկայի մասին
Հանրային քաղաքականության հետազոտությունների ազգային կենտրոնի փորձագետ, տնտեսագետ Արմեն Քթոյանը Sputnik Արմենիայի եթերում անդրադարձել է շինարարության ոլորտում առկա միտումներին և, մասնավորապես, ցեմենտի գնաճին։
Տնտեսագետ Արմեն Քթոյանը կարծում է, որ ցեմենտի թանկացումը ներկայիս ընդհանուր գնաճային ֆոնի դրսևորումներից մեկն է, քանզի վերջին 7-8 տարիների կտրվածքով ունենք սպառողական գների ինդեքսի աննախադեպ բարձր մակարդակ։ Sputnik Արմենիայի հետ զրույցի ընթացքում նա նշում է, որ գնաճը մեծապես պայմանավորված է դրսից եկող ազդակներով, և տվյալ հանգամանքը չի կարող նույն շինարարության մեջ իր արտացոլումը չունենալ։
«Եթե դիտարկենք սեպտեմբեր և հոկտեմբեր ամիսները, ապա նախորդ տարվա նույն ժամանակահատվածի համեմատ` շինարարության ոլորտում արձանագրվել է երկնիշ գնաճ։ Ցեմենտի թանկացմամբ ավելացել են շինմոնտաժային աշխատանքների հետ կապված ծախսերը, ընդ որում` գնաճ կա ոչ միայն ցեմենտի` որպես կարևոր առանձնահատկություն ունեցող բաղադրիչի պարագայում, այլև շինարարական մյուս ապրանքների մասով»,– նշեց տնտեսագետը։
Քթոյանի խոսքով` 2020 թվականին շինարարությունն առավել մեծ անկում արձանագրած ոլորտներից էր, և հիմա այդտեղ կա աստիճանական վերականգնում` պահանջարկն աճել է։ Կան նախանշված պետական ծրագրեր, որոշվել է, օրինակ, կապիտալ շինարարությանն ուղղվող ռեսուրսներն ավելացնել։
«Մյուս կողմից ավելացել են ցեմենտի արտադրության ծավալները, և արտադրության աճի ցուցանիշը կազմել է 13 տոկոս։ Այսինքն` տեղի են ունենում տարաբնույթ գործընթացներ, և գլխավորը հետհամավարակային վերականգնման պրոցեսն է, որն իր հետ բերում է պահանջարկի ավելացում, իսկ առաջարկը սովորաբար աճում է ավելի դանդաղ, քան պահանջարկը, ինչը գների աճին նպաստող հանգամանք է»,– ասաց տնտեսագետը։
Քթոյանի կարծիքով` շինարարության վերաբերյալ որոշումները սովորաբար կայացվում են երկարաժամկետ հատվածում ու թեև իսկապես կա շինարարության որոշակի ընդլայնում, ինչը հետճգնաժամային իրավիճակում նորմալ է, այդուհանդերձ, օրինակ, Երևանում եկամտահարկի վերադարձի ծրագիրը դադարեցնելու որոշումը չէր կարող այնպիսի աժիոտաժ առաջացնել, որ շինապրանքների գներն ավելանային։
Կառուցապատման խոշոր ծրագրերն առնչվում են տարիներ առաջ նախաձեռնված նախագծերին, որոնք այսօր իրացման փուլում են` անկախ այն հանգամանքից` թանկացել է ցեմենտը, թե ոչ։
Նշենք, որ Հայաստանում ցեմենտի մեկ տոննան թանկացել է 2000 դրամով: Շինարարները փոխանցում են, որ 50 կգ ցեմենտի պարկի գինը 2500 դրամից դարձել է 2650 դրամ: Շինանյութի որոշ կետեր կան, որտեղ հայկական արտադրության 50 կգ-անոց ցեմենտը վաճառվում է 2800-3000 դրամով: Բարձրացել է նաև իրանական արտադրության ցեմենտի գինը՝ 2900 դրամից դառնալով 3000–3200 դրամ:
