https://arm.sputniknews.ru/20211117/mak-um-hh-mshtakan-nerkajacucichy-kvoch-e-arel-ardzaganqel-adrbejani-gvortsvoghutjunnerin-35428949.html

ՄԱԿ-ում ՀՀ մշտական ներկայացուցիչը կոչ է արել արձագանքել Ադրբեջանի գործողություններին

ՄԱԿ-ում ՀՀ մշտական ներկայացուցիչը կոչ է արել արձագանքել Ադրբեջանի գործողություններին

Sputnik Արմենիա

Մհեր Մարգարյանը նշել է, որ Ադրբեջանը խախտում է ՄԱԿ - ի կանոնադրությունն ու եռակողմ հայտարարության դրույթները։ 17.11.2021, Sputnik Արմենիա

2021-11-17T08:57+0400

2021-11-17T08:57+0400

2021-11-17T11:29+0400

միավորված ազգերի կազմակերպություն (մակ)

հայաստան

ադրբեջան

հհ պաշտպանության նախարարություն (պն)

սյունիք

սահման

սահմանային խախտումներ. իրադրությունը սյունիքում և գեղարքունիքում

https://cdn.am.sputniknews.ru/img/07e5/0c/1c/36973831_0:0:3641:2048_1920x0_80_0_0_4e41989418a61808a1097df0b426d55e.jpg

ԵՐԵՎԱՆ, 17 նոյեմբերի – Sputnik. Հայաստանը միջազգային հանրությանը կոչ է անում պատշաճ կերպով արձագանքել Ադրբեջանի հետ սահմանին տիրող իրավիճակին։ Այս մասին, ՌԻԱ Նովոստիի փոխանցմամբ, այսօր լրագրողներին հայտնել է ՄԱԿ-ում ՀՀ մշտական ներկայացուցիչ Մհեր Մարգարյանը։ՀՀ ԱԳՆ–ի` ավելի ուշ տարածած հաղորդագրության համաձայն` ՄԱԿ–ում ՀՀ մշտական ներկայացուցիչն ընդգծել է, որ Ադրբեջանի ագրեսիվ գործողությունները վտանգում են իրավիճակի լիցքաթափմանն ուղղված միջազգային հանրության ջանքերը և լրջորեն խաթարում են տարածաշրջանում խաղաղության հեռանկարները։Մարգարյանը միջազգային հանրությանը կոչ է արել պատշաճ կերպով արձագանքել միջազգային իրավունքի այդ խախտումներին, որոնք առնչվում են ՄԱԿ - ի կանոնադրությանն ու 2020թ. նոյեմբերի 9–ին ընդունված եռակողմ հայտարարութան դրույթներին։ՀՀ մշտական ներկայացուցիչն ընդգծել է միջազգային դերակատարների կողմից հրատապ և արդյունավետ քայլերի անհրաժեշտությունը՝ հետագա սրացումը կանխարգելելու և Հայաստանի տարածքից Ադրբեջանի զինված ուժերի անվերապահ և ամբողջական դուրսբերումն ապահովելու նպատակով։Հիշեցնենք` ՊՆ–ն հայտնել էր, որ նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։Ըստ լրատվամիջոցների` Սյունիքում ադրբեջանական և հայկական կողմերի զինված ուժերի միջև փոխհրաձգություն է սկսվել Ծիծեռնաքար լեռան հայկական 2 դիրքի համար։ Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը: Պաշտպանական գերատեսչությունն ավելի վաղ հայտնել էր, որ հայկական կողմը 2 մարտական դիրք է կորցրել, 12 զինծառայողի գերեվարել: Ճշտված տվյալներ կան մեկ զոհի մասին: Վիրավորների վերաբերյալ տվյալները ճշտվում են։ՀՀ անվտանգության խորհրդի քարտուղար Արմեն Գրիգորյանը Հանրային հեռուստաընկերության եթերում ասել էր, որ Հայաստանը դիմել է Ռուսաստանի դաշնությանը Հայաստանի Հանրապետության և Ռուսաստանի Դաշնության միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։Նոյեմբերի 16–ին` ժ. 22։30–ի սահմաններում, ՀՀ ՊՆ–ն հայտնեց, որ ռուսական կողմի միջնորդությամբ կրակը դադարեցվել է։

https://arm.sputniknews.ru/20211116/kraky-dadarecvel-e-tshshtvats-tvjalner-kan-mek-zvohi-masin-pn-35424715.html

ադրբեջան

սյունիք

2021

Լուրեր

am_HY

միավորված ազգերի կազմակերպություն (մակ), հայաստան, ադրբեջան, հհ պաշտպանության նախարարություն (պն), սյունիք, սահման, սահմանային խախտումներ. իրադրությունը սյունիքում և գեղարքունիքում