https://arm.sputniknews.ru/20211111/menua-hvovsepjany-kkalanavvorvi-pashtpanakan-kvoghmy-vorvoshumy-stanaluc-hetvo-kbvoghvoqarki-ajn-35233514.html
Մենուա Հովսեփյանը կկալանավորվի․ պաշտպանական կողմը որոշումը ստանալուց հետո կբողոքարկի այն
Մենուա Հովսեփյանը կկալանավորվի․ պաշտպանական կողմը որոշումը ստանալուց հետո կբողոքարկի այն
Sputnik Արմենիա
Գորիսի փոխքաղաքապետը հոկտեմբերի 15-ին ազատ էր արձակվել 30 մլն գրավի դիմաց։ 11.11.2021, Sputnik Արմենիա
2021-11-11T16:57+0400
2021-11-11T16:57+0400
2021-11-11T17:28+0400
մենուա հովսեփյան
կալանք
գորիս
https://cdn.am.sputniknews.ru/img/07e5/0b/07/35066923_0:41:1600:942_1920x0_80_0_0_dd0dadf5f49728a08e189944b273d7d2.jpg
ԵՐԵՎԱՆ, 11 նոյեմբերի – Sputnik. Վերաքննիչ քրեական դատարանը՝ Սևակ Համբարձումյանի նախագահությամբ, Գորիսի համայնքապետի տեղակալ Մենուա Հովսեփյանին կալանավորելու որոշում է կայացրել։ Sputnik Արմենիայի հետ զրույցում այս մասին ասաց Հովսեփյանի փաստաբան Արմեն Մելքոնյանը։ «Վերաքննիչ քրեական դատարանը բեկանեց առաջին ատյանի դատարանի՝ գրավով ազատ արձակելու որոշումը։Դատարանը նաև վերացրել է չհեռանալու մասին ստորագրության հնարավորությունը։ Սրանք ապօրինի որոշումներ են»,- նշեց Մելքոնյանը։ Հին Թաղերի 12 մարտական դիրքերի անվտանգությունը չապահոված հրամանատարը կալանավորվել էՀիշեցնենք, որ Սյունիքի մարզի ընդհանուր իրավասության դատարանում դատավոր Բորիս Բախշիյանի գլխավորությամբ կայացած նիստում հոկտեմբերի 14-ին որոշվել էր Մենուա Հովսեփյանին 30 մլն դրամ գրավի դիմաց ազատ արձակել։ Հովսեփյանը ձերբակալվել էր օգոստոսի 17–ին։ Նրան մեղադրանք է առաջադրվել ՀՀ ՔՕ 179 հոդվածի 3–րդ մասի 1–ին կետով (յուրացնելը կամ վատնելը պաշտոնեական դիրքն օգտագործելով, առանձնապես խոշոր չափերով) և ՀՀ ՔՕ 149.1 հոդվածի 2–րդ մասի 1–ին և 2-րդ կետերով (նախընտրական քարոզչությանը մասնակցելուն հարկադրելը, որը կատարվել է պաշտոնեական դիրքն օգտագործելով):Փաստաբանը շեշտեց, որ նիստի ավարտից հետո, չնայած նրան, որ որոշման մեջ գրված չէր «անհապաղ կալանավորել», չեն թողել Գորիսի փոխքաղաքապետին դատարանից դուրս գալ։ «Ցուցում տվեցին, թե դիմացը փակեք, որ դահլիճից դուրս չգա, ինչը լիազորությունների խախտում է։ Մենք աղմուկ բարձրացրինք, և դատավորը հասկացավ, որ ինքը նման իրավասություն չունի։ Որոշումը ստանալուց հետո Մենուա Հովսեփյանն ինքը կներկայանա քրեակատարողական հիմնարկ»,- ընդգծեց Մելքոնյանը։ Որոշումը ստանալուն պես պաշտպանական կողմը պատրաստվում է բողոքարկել Վճռաբեկ դատարանում։ Պաշտպանը նաև ընդգծեց, որ Հովսեփյանն ունի 5 անչափահաս երեխա, 2-րդ կարգի հաշմանդամություն, ինչպես նաև բարի համբավ՝ իր համայնքում։
https://arm.sputniknews.ru/20210817/ov-e-cucmunq-tvel-menua-hovsepyani-ev-irina-yolyani-dem-28702413.html
գորիս
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մենուա հովսեփյան, կալանք, գորիս
մենուա հովսեփյան, կալանք, գորիս
Մենուա Հովսեփյանը կկալանավորվի․ պաշտպանական կողմը որոշումը ստանալուց հետո կբողոքարկի այն
16:57 11.11.2021 (Թարմացված է: 17:28 11.11.2021) Գորիսի փոխքաղաքապետը հոկտեմբերի 15-ին ազատ էր արձակվել 30 մլն գրավի դիմաց։
ԵՐԵՎԱՆ, 11 նոյեմբերի – Sputnik. Վերաքննիչ քրեական դատարանը՝ Սևակ Համբարձումյանի նախագահությամբ, Գորիսի համայնքապետի տեղակալ Մենուա Հովսեփյանին կալանավորելու որոշում է կայացրել։
Sputnik Արմենիայի հետ զրույցում այս մասին ասաց Հովսեփյանի փաստաբան Արմեն Մելքոնյանը։
«Վերաքննիչ քրեական դատարանը բեկանեց առաջին ատյանի դատարանի՝ գրավով ազատ արձակելու որոշումը։Դատարանը նաև վերացրել է չհեռանալու մասին ստորագրության հնարավորությունը։ Սրանք ապօրինի որոշումներ են»,- նշեց Մելքոնյանը։
Հիշեցնենք, որ Սյունիքի մարզի ընդհանուր իրավասության դատարանում դատավոր Բորիս Բախշիյանի գլխավորությամբ կայացած նիստում հոկտեմբերի 14-ին որոշվել էր Մենուա Հովսեփյանին 30 մլն դրամ գրավի դիմաց ազատ արձակել։
Հովսեփյանը ձերբակալվել էր օգոստոսի 17–ին։ Նրան մեղադրանք է առաջադրվել ՀՀ ՔՕ 179 հոդվածի 3–րդ մասի 1–ին կետով (յուրացնելը կամ վատնելը պաշտոնեական դիրքն օգտագործելով, առանձնապես խոշոր չափերով) և ՀՀ ՔՕ 149.1 հոդվածի 2–րդ մասի 1–ին և 2-րդ կետերով (նախընտրական քարոզչությանը մասնակցելուն հարկադրելը, որը կատարվել է պաշտոնեական դիրքն օգտագործելով):
Փաստաբանը շեշտեց, որ նիստի ավարտից հետո, չնայած նրան, որ որոշման մեջ գրված չէր «անհապաղ կալանավորել», չեն թողել Գորիսի փոխքաղաքապետին դատարանից դուրս գալ։
«Ցուցում տվեցին, թե դիմացը փակեք, որ դահլիճից դուրս չգա, ինչը լիազորությունների խախտում է։ Մենք աղմուկ բարձրացրինք, և դատավորը հասկացավ, որ ինքը նման իրավասություն չունի։ Որոշումը ստանալուց հետո Մենուա Հովսեփյանն ինքը կներկայանա քրեակատարողական հիմնարկ»,- ընդգծեց Մելքոնյանը։ Որոշումը ստանալուն պես պաշտպանական կողմը պատրաստվում է բողոքարկել Վճռաբեկ դատարանում։
Պաշտպանը նաև ընդգծեց, որ Հովսեփյանն ունի 5 անչափահաս երեխա, 2-րդ կարգի հաշմանդամություն, ինչպես նաև բարի համբավ՝ իր համայնքում։
