https://arm.sputniknews.ru/20211110/jragitsy-nvorvogelu-hamadzajnutjun-kar-inch-en-patmum-shushii-mvot-krakvocneric-tuzhatsnery--35205843.html
Ջրագիծը նորոգելու համաձայնություն կար. ի՞նչ են պատմում Շուշիի մոտ կրակոցներից տուժածները
Ջրագիծը նորոգելու համաձայնություն կար. ի՞նչ են պատմում Շուշիի մոտ կրակոցներից տուժածները
Sputnik Արմենիա
Ադրբեջանցի զինվորականի կրակոցից տուժածներից մեկը պատմել է, որ դեպքից մեկ շաբաթ առաջ նույնպես աշխատել են այդ տարածքում։ Այդ ժամանակ էլ ադրբեջանցիները քարեր են... 10.11.2021, Sputnik Արմենիա
2021-11-10T20:23+0400
2021-11-10T20:23+0400
2021-11-10T20:54+0400
շուշի
արցախ
վիրավոր
ադրբեջանցի
https://cdn.am.sputniknews.ru/img/07e5/0b/0a/35205295_0:84:1600:984_1920x0_80_0_0_e1c925c466b90a3be3247885f9709b70.jpg
ԵՐԵՎԱՆ, 10 նոյեմբերի – Sputnik. Արցախի` Շուշի-Բերձոր ավտոճանապարհի «Շուշիի տակ» կոչվող տեղանքում ջրագծի աշխատանքներ կատարելու համաձայնություն են ունեցել ինչպես ադրբեջանական կողմի, այնպես էլ՝ խաղաղապահների հետ։ Հիվանդանոց այցելած Sputnik Արմենիայի թղթակցի հետ զրույցում այս մասին հայտնեց դեպքի հետևանքով վիրավորում ստացածներից մեկը` Գագիկ Ղազարյանը։ Նոյեմբերի 8-ին Արցախի ԱԱԾ–ն հայտնել էր, որ ադրբեջանցի զինվորականները կրակ են բացել Ստեփանակերտ-Շուշի ճանապարհահատվածի մոտ՝ ՌԴ խաղաղապահների պատասխանատվության գոտում, ջրագծի վրա աշխատող քաղաքացիական անձանց ուղղությամբ։ Կրակոցների հետևանքով երեք մարդ վիրավորվել է, իսկ մեկ մարդ՝ զոհվել: «Մեր աշխատանքները համաձայնեցված էին, և մեզ ասել էին` գնացեք և աշխատեք։ Դեպքից մեկ շաբաթ առաջ նույնպես աշխատել էինք այնտեղ և այդ ժամանակ էլ քարեր էին նետում մեզ վրա։ Իսկ այս անգամ մի զինվորականի էին ուղարկել, որ սպանի մեզ»,–ասաց Ղազարյանը` մանրամասներ ներկայացնելով։ Նա պատմեց, որ ճանապարհի վրա աշխատանքներ էին կատարում` փորձելով ջրագիծը վերանորոգել, որպեսզի խաղաղապահներին ջրով ապահովեն։ Սակայն մեկ ժամ անց սարերից հատուկջոկատայինի հագուստով մի ադրբեջանցի է մոտեցել իրենց` ավտոմատով, ատրճանակով։ Ղազարյանի խոսքով` զինվորականը սկսել է գոռալ և ձեռքով նշան անել, որ հեռանան։ «Գևորգը ռուսերեն ասաց` մենք աշխատում ենք, ջրագիծն ենք նորոգում, սակայն զինվորը նորից սկսեց գոռալ և ռուսերեն հայհոյել։ Հետո երկու քայլ հետ գնաց ու սկզբում ուզում էր ավտոմատից կրակել, սակայն այն ցած իջեցրեց ու ատրճանակը հանեց, լիցքավորեց և մեզ թվաց` մեզ վախեցնում է։ Սակայն նա շրջվեց ու հետևում կանգնած Մարտիկ Երեմյանի գլխին կրակեց ու սպանեց նրան։ Դրանից հետո նա Գևորգին ու Արմենի վրա կրակեց, իսկ ես էքսկավատորի շարժիչը գործի դրեցի, որպեսզի շրջադարձ կատարեմ, սակայն ադրբեջանցին վազեց ու փակեց մեքենայի ճանապարհը»,–պատմեց Ղազարյանը։ Նրա խոսքով` այդ ընթացքում Արմեն Սարգսյանը հասցրել ու վազել՝ մեքենան է նստել, իսկ Գևորգ Մելքումյանն էլ էքսկավատորն է բարձրացել։ Սակայն ադրբեջանցի զինվորականն այդ պահին կրակել է կրկին Գևորգի վրա և այս անգամ հենց իր` Ղազարյանի ուղղությամբ։ Այնուհետև մեքենայով հեռացել են տարածքից, իսկ ադրբեջանցին ևս մեկ կրակոց է արձակել նրանց ուղղությամբ, սակայն արդեն վրիպել է։ Գևորգ Մելքումյանն էլ իր հերթին հավելեց, որ երբ ադրբեջանցի զինվորականը սկսել է կրակել, իրենք չեն կարողացել ինքնապաշտպանվել։ «Զենք չենք ունեցել` ինչո՞վ պաշտպանվենք»,–ասաց նա։ Խաչիկի և Շուշիի կրակոցների դեպքերի մանրամասները ռուսական կողմին են փոխանցվելՀիվանդանոցի բժիշկներն էլ մեր թղթակցին հայտնել են, որ բոլոր երեք վիրավորների առողջական վիճակը կայուն է։Հիշեցնենք, որ Արցախի քննչական կոմիտեն հայտնել էր` ադրբեջանցի զինծառայողն Ադրբեջանի ԶՈւ վերահսկողության տակ անցած տարածքից անցել է Արցախի Շուշի-Բերձոր ավտոճանապարհի «Շուշիի տակ» կոչվող տեղանք, որտեղից էլ կրակել է արցախցիների վրա։
շուշի
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
շուշի, արցախ, վիրավոր, ադրբեջանցի
շուշի, արցախ, վիրավոր, ադրբեջանցի
Ջրագիծը նորոգելու համաձայնություն կար. ի՞նչ են պատմում Շուշիի մոտ կրակոցներից տուժածները
20:23 10.11.2021 (Թարմացված է: 20:54 10.11.2021) Ադրբեջանցի զինվորականի կրակոցից տուժածներից մեկը պատմել է, որ դեպքից մեկ շաբաթ առաջ նույնպես աշխատել են այդ տարածքում։ Այդ ժամանակ էլ ադրբեջանցիները քարեր են նետել իրենց վրա։
ԵՐԵՎԱՆ, 10 նոյեմբերի – Sputnik. Արցախի` Շուշի-Բերձոր ավտոճանապարհի «Շուշիի տակ» կոչվող տեղանքում ջրագծի աշխատանքներ կատարելու համաձայնություն են ունեցել ինչպես ադրբեջանական կողմի, այնպես էլ՝ խաղաղապահների հետ։ Հիվանդանոց այցելած
Sputnik Արմենիայի թղթակցի հետ զրույցում այս մասին հայտնեց դեպքի հետևանքով վիրավորում ստացածներից մեկը` Գագիկ Ղազարյանը։
Նոյեմբերի 8-ին
Արցախի ԱԱԾ–ն հայտնել էր, որ ադրբեջանցի զինվորականները կրակ են բացել Ստեփանակերտ-Շուշի ճանապարհահատվածի մոտ՝ ՌԴ խաղաղապահների պատասխանատվության գոտում, ջրագծի վրա աշխատող քաղաքացիական անձանց ուղղությամբ։ Կրակոցների հետևանքով երեք մարդ վիրավորվել է, իսկ մեկ մարդ՝ զոհվել:
«Մեր աշխատանքները համաձայնեցված էին, և մեզ ասել էին` գնացեք և աշխատեք։ Դեպքից մեկ շաբաթ առաջ նույնպես աշխատել էինք այնտեղ և այդ ժամանակ էլ քարեր էին նետում մեզ վրա։ Իսկ այս անգամ մի զինվորականի էին ուղարկել, որ սպանի մեզ»,–ասաց Ղազարյանը` մանրամասներ ներկայացնելով։
Նա պատմեց, որ ճանապարհի վրա աշխատանքներ էին կատարում` փորձելով ջրագիծը վերանորոգել, որպեսզի խաղաղապահներին ջրով ապահովեն։ Սակայն մեկ ժամ անց սարերից հատուկջոկատայինի հագուստով մի ադրբեջանցի է մոտեցել իրենց` ավտոմատով, ատրճանակով։ Ղազարյանի խոսքով` զինվորականը սկսել է գոռալ և ձեռքով նշան անել, որ հեռանան։
«Գևորգը ռուսերեն ասաց` մենք աշխատում ենք, ջրագիծն ենք նորոգում, սակայն զինվորը նորից սկսեց գոռալ և ռուսերեն հայհոյել։ Հետո երկու քայլ հետ գնաց ու սկզբում ուզում էր ավտոմատից կրակել, սակայն այն ցած իջեցրեց ու ատրճանակը հանեց, լիցքավորեց և մեզ թվաց` մեզ վախեցնում է։ Սակայն նա շրջվեց ու հետևում կանգնած Մարտիկ Երեմյանի գլխին կրակեց ու սպանեց նրան։ Դրանից հետո նա Գևորգին ու Արմենի վրա կրակեց, իսկ ես էքսկավատորի շարժիչը գործի դրեցի, որպեսզի շրջադարձ կատարեմ, սակայն ադրբեջանցին վազեց ու փակեց մեքենայի ճանապարհը»,–պատմեց Ղազարյանը։
Նրա խոսքով` այդ ընթացքում Արմեն Սարգսյանը հասցրել ու վազել՝ մեքենան է նստել, իսկ Գևորգ Մելքումյանն էլ էքսկավատորն է բարձրացել։ Սակայն ադրբեջանցի զինվորականն այդ պահին կրակել է կրկին Գևորգի վրա և այս անգամ հենց իր` Ղազարյանի ուղղությամբ։ Այնուհետև մեքենայով հեռացել են տարածքից, իսկ ադրբեջանցին ևս մեկ կրակոց է արձակել նրանց ուղղությամբ, սակայն արդեն վրիպել է։
Գևորգ Մելքումյանն էլ իր հերթին հավելեց, որ երբ ադրբեջանցի զինվորականը սկսել է կրակել, իրենք չեն կարողացել ինքնապաշտպանվել։ «Զենք չենք ունեցել` ինչո՞վ պաշտպանվենք»,–ասաց նա։
Հիվանդանոցի բժիշկներն էլ մեր թղթակցին հայտնել են, որ բոլոր երեք վիրավորների առողջական վիճակը կայուն է։
Հիշեցնենք, որ
Արցախի քննչական կոմիտեն հայտնել էր` ադրբեջանցի զինծառայողն Ադրբեջանի ԶՈւ վերահսկողության տակ անցած տարածքից անցել է Արցախի Շուշի-Բերձոր ավտոճանապարհի «Շուշիի տակ» կոչվող տեղանք, որտեղից էլ կրակել է արցախցիների վրա։
