https://arm.sputniknews.ru/20211108/saakashviliin-entadrjal-gvorii-pvokharen-tbilisii-bantajin-hivandanvoc-en-teghapvokhel-35125638.html

Սաակաշվիլիին ենթադրյալ Գորիի փոխարեն Թբիլիսիի բանտային հիվանդանոց են տեղափոխել

Սաակաշվիլիին ենթադրյալ Գորիի փոխարեն Թբիլիսիի բանտային հիվանդանոց են տեղափոխել

Sputnik Արմենիա

Վրաստանի նախկին նախագահի մայրը չի կարողացել հանդիպել որդու հետ։ 08.11.2021, Sputnik Արմենիա

2021-11-08T21:29+0400

2021-11-08T21:29+0400

2021-11-08T22:27+0400

միխեիլ սաակաշվիլի

վրաստանի հանրապետություն

թբիլիսի

հիվանդանոց

նախագահ

բանտ

հացադուլ

https://cdn.am.sputniknews.ru/img/07e5/0a/01/33827166_0:84:1600:984_1920x0_80_0_0_2b7de45ab9c0ee4c07602fa6cf74b381.jpg

ԵՐԵՎԱՆ, 8 նոյեմբերի - Sputnik. Վրաստանի նախկին նախագահ Միխեիլ Սաակաշվիլին Ռուսթավիի բանտից տեղափոխվել է Թբիլիսիի բանտային հիվանդանոց՝ հացադուլի ֆոնին առողջական վիճակի վատթարացման պատճառով: Քաղաքական գործչին ուղղաթիռով են բժշկական հաստատություն տեղափոխել։ Տեղեկությունը հայտնում է ՄԿ-ն։Սաակաշվիլու մայրը՝ Գիուլի Ալասանիան, ասել է, որ փորձել է հանդիպել է որդու հետ, սակայն իր հարցումներն անտեսվել են, իսկ որդուն «փախցրել» են։Ավելի վաղ հաղորդվել էր, որ Սաակաշվիլիին կտեղափոխեն Գորիի հոսպիտալ: Թե ինչու է իշխանությունը փոխել որոշումն ու նախկին նախագահին Թբիլիսի տեղափոխել, չի հստակեցվում։Մի քանի օր առաջ նաև քրեակատարողական ծառայությունը տեսագրություն էր տարածել Ռուսթավիի բանտում գտնվող բժշկական աշխատասենյակից։ Կադրերում երևում էր, թե ինչպես է Սաակաշվիլին բուժաշխատողի ներկայությամբ ինչ-որ բան ուտում։ Ավելի ուշ նա ասել է, որ չի խախտել հացադուլը, այլ միայն վիտամիններ ու հյութեր է ընդունել։Հիշեցնենք` Ուկրաինայի քաղաքացի Միխեիլ Սաակաշվիլին Վրաստանում հեռակա կարգով դատապարտվել է բանկիր Սանդրո Գիրգվլիանիի սպանության և պատգամավոր Վալերի Գելաշվիլիին ծեծի ենթարկելու գործով: Առաջինով նա դատապարտվել է 3 տարվա, երկրորդով՝ 6 տարվա ազատազրկման։ Բացի այդ, Սաակաշվիլին ներգրավված է 2007թ․-ի նոյեմբերի 7-ին ընդդիմադիր հանրահավաքը ցրելու, «Իմեդի» հեռուստաալիքում իրականացված հարձակման և պետբյուջեի միջոցների մսխման գործերով։ Այդ գործերը դատարանները դեռ քննում են, դատավճիռներ առայժմ չեն կայացվել։Իրավիճակ է փոխվել. փաստաբանը հույս ունի, որ Սաակաշվիլիին ներում կշնորհեն

https://arm.sputniknews.ru/20211021/saakashvilin-bantum-kmna-arnvazn-6-tari-gharibashvili-34537008.html

https://arm.sputniknews.ru/20211106/saakashvilin-heghashrjum-e-tsragrum-bantic-vrastani-petakan-anvtangutjan-tsarajutjun-35056160.html

վրաստանի հանրապետություն

թբիլիսի

2021

Լուրեր

am_HY

միխեիլ սաակաշվիլի, վրաստանի հանրապետություն, թբիլիսի, հիվանդանոց, նախագահ, բանտ, հացադուլ