Ալիևը կրկին հայատյաց հայտարարություն է արել. ՀՀ ԱԳՆ–ի արձագանքը Շուշիի դեպքին
21:47 08.11.2021 (Թարմացված է: 21:57 08.11.2021)
© Photo : Пресс-служба президента Азербайджана
Բաժանորդագրվել
Ադրբեջանական զինված ուժերի կողմից սա վերջին մեկ ամսվա ընթացքում խաղաղ բնակիչների վրա հարձակման երկրորդ դեպքն է, որի արդյունքում արձանագրվում են մարդկային զոհեր։
ԵՐԵՎԱՆ, 8 նոյեմբերի – Sputnik. Շուշիի մոտ միջադեպը տեղի է ունեցել եռակողմ հայտարարության ստորագրման մեկամյակի նախօրեին և Ադրբեջանի նախագահ Իլհամ Ալիևի՝ Շուշի այցի օրը, որտեղ վերջինս իր ելույթում հանդես է եկել հերթական հայատյաց հռետորաբանությամբ լի հայտարարությամբ և ուժի կիրառման սպառնալիքներով։ Այս շեշտադրումն է արել ՀՀ ԱԳՆ–ն` անդրադառնալով Շուշիի մոտ ադրբեջանցիների սադրիչ քայլերին, որոնց հետևանքավ հայկական կողմից կա մեկ զոհ, երեք վիրավոր։ Տեղեկությունը հայտնում է գերատեսչության մամուլի ծառայությունը։
ԱԳՆ–ն խստորեն դատապարտել է Ադրբեջանի զինված ուժերի կողմից 2020թ. նոյեմբերի 9-ի հայտարարությամբ հաստատված հրադադարի ռեժիմի կոպտագույն խախտումը։
ԱԳՆ–ն խստորեն դատապարտել է Ադրբեջանի զինված ուժերի կողմից 2020թ. նոյեմբերի 9-ի հայտարարությամբ հաստատված հրադադարի ռեժիմի կոպտագույն խախտումը։
«Հատկանշական է, որ Ադրբեջանի բարձրագույն ղեկավարության շարունակական հայատյաց հռետորաբանությունը և հրադադարի ռեժիմի խախտմամբ կրկնվող միջադեպերը բացահայտորեն ի ցույց են դնում Հայաստանի և հայ ժողովրդի հետ հարաբերությունները կարգավորելու վերաբերյալ պաշտոնական Բաքվի կողմից հնչող հայտարարությունների սին բնույթը»,–ասվում է ՀՀ ԱԳՆ հայտարարության մեջ։
ՀՀ արտաքին քաղաքական գերատեսչությունից շեշտել են, որ ադրբեջանական զինված ուժերի կողմից սա վերջին մեկ ամսվա ընթացքում խաղաղ բնակիչների վրա հարձակման երկրորդ դեպքն է, որի արդյունքում արձանագրվում են մարդկային զոհեր։
8 նոյեմբերի 2021, 18:09
Այս և նման հանցագործությունների պատշաճ հետաքննությունը և բոլոր պատասխանատուների արդարադատության առջև կանգնելը միայն, ըստ ՀՀ ԱԳՆ–ի, կարող է կանխել քաղաքացիական բնակչության նկատմամբ հետագա հարձակումները։
Հիշեցնենք` այսօր` նոյեմբերի 8-ին, ադրբեջանական կողմը կրակ է բացել Ստեփանակերտ-Շուշի ճանապարհահատվածի մերձակայքում՝ ՌԴ խաղաղապահների պատասխանատվության գոտում, ենթակառուցվածքների վերականգնման նպատակով շինարարարական աշխատանքներ իրականացնող քաղաքացիական անձանց ուղղությամբ, ինչի հետևանքով երեք մարդ վիրավորվել են, իսկ մեկ մարդ՝ զոհվել:
Հիշեցնենք` այսօր` նոյեմբերի 8-ին, ադրբեջանական կողմը կրակ է բացել Ստեփանակերտ-Շուշի ճանապարհահատվածի մերձակայքում՝ ՌԴ խաղաղապահների պատասխանատվության գոտում, ենթակառուցվածքների վերականգնման նպատակով շինարարարական աշխատանքներ իրականացնող քաղաքացիական անձանց ուղղությամբ, ինչի հետևանքով երեք մարդ վիրավորվել են, իսկ մեկ մարդ՝ զոհվել:
Վիրավորներից մեկի վիճակը ծայրահեղ ծանր է, մյուսներինը` միջին ծանրության։
