https://arm.sputniknews.ru/20211103/pek-um-hajtnabervats-hancagvortsutjunneri-harcvov-glkhavvor-datakhazy-dimel-e-pek-nakhagahin-34957153.html

Գլխավոր դատախազը ՊԵԿ-ում հայտնաբերված հանցագործությունների հարցով դիմել է ՊԵԿ նախագահին

Գլխավոր դատախազը ՊԵԿ-ում հայտնաբերված հանցագործությունների հարցով դիմել է ՊԵԿ նախագահին

Sputnik Արմենիա

Տարբեր հոդվածներով հարուցված 7 քրգործով մեղադրանք է առաջադրվել ՊԵԿ 19 աշխատակցի, որոնցից 14-ին կալանավորել են։ 03.11.2021, Sputnik Արմենիա

2021-11-03T16:14+0400

2021-11-03T16:14+0400

2021-11-03T16:33+0400

հայաստան

արթուր դավթյան

ռուստամ բադասյան

https://cdn.am.sputniknews.ru/img/07e5/0a/0c/34217916_0:83:1600:983_1920x0_80_0_0_d2429c02283603a55549085ebaeb6174.jpg

ԵՐԵՎԱՆ, 3 նոյեմբերի – Sputnik. Պետեկամուտների կոմիտեում հայտնաբերված պաշտոնեական հանցագործությունների կանխարգելման խնդրով ՀՀ գլխավոր դատախազ Արթուր Դավթյանը դիմել է ՊԵԿ նախագահ Ռուստամ Բադասյանին։ Տեղեկությունը հայտնում է դատախազությունը՝ հավելելով, որ հոկտեմբերի 25-ի դրությամբ ԱԱԾ-ի կողմից իրականացված աշխատանքի արդյունքում 7 քրգործ է հարուցվել ՊԵԿ հարկային և մաքսային ծառայողների կողմից պաշտոնեական տարաբնույթ հանցագործություններ կատարելու դեպքերի առթիվ:Վերոնշյալ քրգործերից 3-ով մեղադրանքներ են առաջադրվել ՊԵԿ արևելյան մաքսատուն վարչության «Բագրատաշեն» մաքսային կետի 4 ծառայողներին, հարավային մաքսատուն-վարչության Մեղրիի մաքսային կետի մաքսային 3 ծառայողներին:Նշված մաքսակետերի տեսուչները կաշառք ստանալու դիմաց թույլ են տվել, որ տնտեսվարողներն առանց պատշաճ մաքսային հսկողության ՀՀ ներմուծեն տարբեր տեսակի ապրանքներ, ինչի հետևանքովպետությանը պատճառվել են խոշոր չափերի վնասներ:Հարուցված մյուս 4 քրեական գործերով որպես մեղադրյալ են ներգրավել ՊԵԿ հետաքննության և օպերատիվ-հետախուզության վարչության Լոռու տարածքը սպասարկող բաժնի 4, թիվ մեկ բաժնի 4, ՊԵԿ հարկ վճարողների ընթացիկ հսկողության հարկային տեսչություն-վարչության ընթացիկ հսկողության տարածքային թիվ ինը բաժնի 2, թիվ երկու բաժնի հարկային 2 տեսուչների, օպերլիազորների:ՊԵԿ պաշտոնյաները հայտնվել են մեղադրյալի կարգավիճակում. ՀՔԾ–ն մանրամասներ է հայտնումԱյս դեպքում էլ հարկային ծառայողները, նախնական համաձայնության գալով իրենց սպասարկման ոլորտում գտնվող համայնքներում ձեռնարկատիրական գործունեությամբ զբաղվող տնտեսվարողների հետ, վերջիններիս կողմից թույլ տրված տարատեսակ խախտումները չարձանագրելու, ստուգումներ չիրականացնելու համար նրանցից պահանջել են 6 մլն դրամ կաշառք։ Այդ գումարի մեծ մասը նրանք ստացել են, իսկ մնացած փոքր մասը ստանալ չեն հասցրել բռնվելու պատճառով:Այսինքն՝ պաշտոնեական դիրքի չարաշահում կատարելու, առանձնապես խոշոր չափերով կաշառք վերցնելու, առանձին դեպքերում՝ նաև պաշտոնեական անփութության կամ պաշտոնեական կեղծիք կատարելու համար 7 քրգործով մեղադրանք է առաջադրվել ՊԵԿ 19 աշխատակցի, որոնցից 14-ին կալանավորել են։Գործուղման համար փող են ստացել, բայց աշխատանքի են եղել. խախտումներ` դատական դեպարտամենտումԴատախազությունը հայտնում է, որ այս տվյալները փաստում են՝ մաքսային բաժիններում աշխատակիցների կողմից ՀՀ տարածք ներմուծված բեռների մաքսային ձևակերպումների, մաքսազերծումների ընթացքի, հարկերի հավաքագրման գործընթացների նկատմամբ արդյունավետ հսկողություն չի իրականացվել: Ստուգումները մի շարք դեպքերում կրել են ձևական բնույթ, վերադաս իրավասու պաշտոնատար անձանց կողմից միջոցներ չեն ձեռնարկվել աշխատակիցների վրա դրված պարտականությունների պատշաճ կատարումն ապահովելու ուղղությամբ:Պաշտոնատար անձանց պատասխանատվության մակարդակը բարձրացնելու խնդրով էլ գլխավոր դատախազը գրություններ է հասցեագրել ՀՀ ՊԵԿ նախագահին։

https://arm.sputniknews.ru/20210803/arandznapes-khoshor-chaperi-kasharq-mexrii-maqsaketi-28529637.html

https://arm.sputniknews.ru/20210723/aats-n-mi-xumb-patonatar-andzanc-katarats-hancagortsutyunnery-28393776.html

https://arm.sputniknews.ru/20210405/pek-um-naxahexapoxakan-bacahaytum-en-arel-mexavorneri-shrjanaky-parzvum-e-27061862.html

2021

Լուրեր

am_HY

հայաստան, արթուր դավթյան, ռուստամ բադասյան