https://arm.sputniknews.ru/20211101/gjumru-nvoryntir-qaghaqapety-ynddimutjany-kstipi-hamategh-gvortsel-34880558.html
Գյումրու նորընտիր քաղաքապետը ընդդիմությանը «կստիպի» համատեղ գործել
Գյումրու նորընտիր քաղաքապետը ընդդիմությանը «կստիպի» համատեղ գործել
Sputnik Արմենիա
Վարդգես Սամսոնյանն առաջին շնորհավորանքը Գյումրու նախկին քաղաքապետ Սամվել Բալասանյանից է ստացել։ 01.11.2021, Sputnik Արմենիա
2021-11-01T15:02+0400
2021-11-01T15:02+0400
2021-11-01T16:47+0400
հայաստան
գյումրի
վարդգես սամսոնյան
https://cdn.am.sputniknews.ru/img/07e5/0b/01/34880315_0:124:1600:1024_1920x0_80_0_0_3336f0d1899dc5394afa1c00f168a97f.jpg
ԵՐԵՎԱՆ, 1 նոյեմբերի – Sputnik. Գյումրու նորընտիր քաղաքապետ, «Բալասանյան դաշինք» սոցիալական կուսակցության ներկայացուցիչ Վարդգես Սամսոնյանը վստահեցնում է, որ աշխատելու է ի շահ Գյումրու, իսկ ընդդիմադիր ուժերին «ստիպելու» է համատեղ գործել: Նա այդ մասին ասաց ավագանու առաջին նիստից հետո լրագրողների հետ զրույցում։Ավելի վաղ հայտնել էինք, որ այսօր բաց քվեարկության արդյունքում Գյումրու ավագանին համայնքի ղեկավար ընտրեց Վարդգես Սամսոնյանին։ Ավագանու 33 անդամներից 24–ը կողմ քվեարկեցին, 8-ը` դեմ: Սամսոնյանի թեկնածությանը դեմ էին ՀՀԿ, «Զարթոնք» և «Ապրելու երկիր» խմբակցությունները։ «Բալասանյան» դաշինքն ու «Քաղաքացիական պայմանագիրը» համագործակցության մասին հուշագիր էին ստորագրել, ըստ որի՝ Գյումրու քաղաքապետի պաշտոնում առաջադրվելու էր «Բալասանյան» դաշինքի թեկնածուն։Անդրադառնալով ավագանու ընդդիմադիր թևի հետ հետագա աշխատանքին` նորընտիր քաղաքապետը հույս հայտնեց, որ տեսնելով իր թիմի կատարած աշխատանքը` ընդդիմադիր ուժերը հետագայում կփոխեն իրենց վերաբերմունքը:«Մենք ամեն ինչ անելու ենք, որպեսզի կարողանանք վերհանել քաղաքի խնդիրները և բոլոր կարող ուժերի հետ լուծել դրանք։ Դա մեր քաղաքի շահերից է բխում»,– ասաց Սամսոնյանը:Ինչ վերաբերում է ՔՊ–ի հետ հուշագրի ստորագրման անհրաժեշտությանը, «Բալասանյան դաշինք» կուսակցության առաջնորդը նշեց, որ ՔՊ-ի ձայների բացարձակ մեծամասնությունը ստանալով` ավելի արագ կկարողանան լուծել Գյումրու խնդիրները:«Իսկ եթե միասին չէինք լինելու, խնդիրներ էին առաջ գալու՝ այլ-այլ հարցերից ելնելով»,– ավելացրեց նա:ՔՊ-ի հետ հուշագիր ստորագրելու անհրաժեշտությունը, ըստ քաղաքապետի, պարզ է դարձել միայն ընտրությունների ելքից հետո: Սամսոնյանը լրագրողներին հիշեցրեց, որ ըստ հուշագրի` քաղաքապետի 2 տեղակալները կլինեն ՔՊ կուսակցությունից, իսկ կադրային մյուս հարցերը դեռ քննարկման փուլում են:Սամսոնյանն առաջին շնորհավորանքը Գյումրու նախկին քաղաքապետ Սամվել Բալասանյանից է ստացել, որը նորընտիր քաղաքապետին «հորդորել» է շարունակել իր կիսատ թողածը և Գյումրին բոլորի երազած քաղաքը դարձնել:Ավագանու նիստից հետո քաղաքապետի ու նրա կողմնակիցների առաջին այցը եղավ Գյումրու Սուրբ Աստվածածին (Յոթ վերք) եկեղեցի:Հիշեցնենք` հոկտեմբերի 17-ին Գյումրիում անցկացված ՏԻՄ ընտրություններում անցողիկ շեմը հաղթահարել էին 5 ուժ՝ «Բալասանյան» դաշինքը՝ 9637 քվե (36,59%), «Քաղաքացիական պայմանագիր» կուսակցությունը՝ 7785 քվե (29,56 %), «Զարթոնք» կուսակցությունը՝ 2793 քվե (10,60%), «Ապրելու երկիր» կուսակցությունը՝ 1489 քվե (5,65%), Հայաստանի հանրապետական կուսակցությունը՝ 1333 քվե (5,06%):Որ ուժը քանի մանդատ ստացավ․ ԿԸՀ-ն հրապարակել է ՏԻՄ ընտրությունների արդյունքներըՆրանցից որևէ մեկը միանձնյա քաղաքային իշխանություն ձևավորել չէր կարող, քանի որ ստացած քվեների համաձայն` ավագանու 33 տեղերի կեսից ավելին՝ 17 մանդատ, որևէ ուժի բաժին չէր հասել։Հենց այդ պատճառով էլ ՔՊ–ն ու «Բալասանյան» դաշինքը հուշագիր էին ստորագրել։
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գյումրի, վարդգես սամսոնյան
հայաստան, գյումրի, վարդգես սամսոնյան
Գյումրու նորընտիր քաղաքապետը ընդդիմությանը «կստիպի» համատեղ գործել
15:02 01.11.2021 (Թարմացված է: 16:47 01.11.2021) Վարդգես Սամսոնյանն առաջին շնորհավորանքը Գյումրու նախկին քաղաքապետ Սամվել Բալասանյանից է ստացել։
ԵՐԵՎԱՆ, 1 նոյեմբերի – Sputnik. Գյումրու նորընտիր քաղաքապետ, «Բալասանյան դաշինք» սոցիալական կուսակցության ներկայացուցիչ Վարդգես Սամսոնյանը վստահեցնում է, որ աշխատելու է ի շահ Գյումրու, իսկ ընդդիմադիր ուժերին «ստիպելու» է համատեղ գործել: Նա այդ մասին ասաց ավագանու առաջին նիստից հետո լրագրողների հետ զրույցում։
Ավելի վաղ հայտնել էինք, որ այսօր բաց քվեարկության արդյունքում Գյումրու ավագանին
համայնքի ղեկավար ընտրեց Վարդգես Սամսոնյանին։ Ավագանու 33 անդամներից 24–ը կողմ քվեարկեցին, 8-ը` դեմ: Սամսոնյանի թեկնածությանը դեմ էին ՀՀԿ, «Զարթոնք» և «Ապրելու երկիր» խմբակցությունները։ «Բալասանյան» դաշինքն ու «Քաղաքացիական պայմանագիրը» համագործակցության մասին հուշագիր էին ստորագրել, ըստ որի՝ Գյումրու քաղաքապետի պաշտոնում առաջադրվելու էր «Բալասանյան» դաշինքի թեկնածուն։
Անդրադառնալով ավագանու ընդդիմադիր թևի հետ հետագա աշխատանքին` նորընտիր քաղաքապետը հույս հայտնեց, որ տեսնելով իր թիմի կատարած աշխատանքը` ընդդիմադիր ուժերը հետագայում կփոխեն իրենց վերաբերմունքը:
«Մենք ամեն ինչ անելու ենք, որպեսզի կարողանանք վերհանել քաղաքի խնդիրները և բոլոր կարող ուժերի հետ լուծել դրանք։ Դա մեր քաղաքի շահերից է բխում»,– ասաց Սամսոնյանը:
Ինչ վերաբերում է ՔՊ–ի հետ հուշագրի ստորագրման անհրաժեշտությանը, «Բալասանյան դաշինք» կուսակցության առաջնորդը նշեց, որ ՔՊ-ի ձայների բացարձակ մեծամասնությունը ստանալով` ավելի արագ կկարողանան լուծել Գյումրու խնդիրները:
«Իսկ եթե միասին չէինք լինելու, խնդիրներ էին առաջ գալու՝ այլ-այլ հարցերից ելնելով»,– ավելացրեց նա:
ՔՊ-ի հետ հուշագիր ստորագրելու անհրաժեշտությունը, ըստ քաղաքապետի, պարզ է դարձել միայն ընտրությունների ելքից հետո: Սամսոնյանը լրագրողներին հիշեցրեց, որ ըստ հուշագրի` քաղաքապետի 2 տեղակալները կլինեն ՔՊ կուսակցությունից, իսկ կադրային մյուս հարցերը դեռ քննարկման փուլում են:
Սամսոնյանն առաջին շնորհավորանքը Գյումրու նախկին քաղաքապետ Սամվել Բալասանյանից է ստացել, որը նորընտիր քաղաքապետին «հորդորել» է շարունակել իր կիսատ թողածը և Գյումրին բոլորի երազած քաղաքը դարձնել:
Ավագանու նիստից հետո քաղաքապետի ու նրա կողմնակիցների առաջին այցը եղավ Գյումրու Սուրբ Աստվածածին (Յոթ վերք) եկեղեցի:
Հիշեցնենք` հոկտեմբերի 17-ին Գյումրիում անցկացված ՏԻՄ ընտրություններում անցողիկ շեմը հաղթահարել էին 5 ուժ՝ «Բալասանյան» դաշինքը՝ 9637 քվե (36,59%), «Քաղաքացիական պայմանագիր» կուսակցությունը՝ 7785 քվե (29,56 %), «Զարթոնք» կուսակցությունը՝ 2793 քվե (10,60%), «Ապրելու երկիր» կուսակցությունը՝ 1489 քվե (5,65%), Հայաստանի հանրապետական կուսակցությունը՝ 1333 քվե (5,06%):
Նրանցից որևէ մեկը միանձնյա քաղաքային իշխանություն ձևավորել չէր կարող, քանի որ ստացած քվեների համաձայն` ավագանու 33 տեղերի կեսից ավելին՝ 17 մանդատ, որևէ ուժի բաժին չէր հասել։
Հենց այդ պատճառով էլ ՔՊ–ն ու «Բալասանյան» դաշինքը
հուշագիր էին ստորագրել։
