https://arm.sputniknews.ru/20211031/inch-e-petq-azgajin-aviapvokhadrvoghin-tshisht-ashkhatanqi-hamar-aviaciaji-pvordzageti-ditarkumy-34861566.html
Ինչ է պետք ազգային ավիափոխադրողին ճիշտ աշխատանքի համար. ավիացիայի փորձագետի դիտարկումը
Ինչ է պետք ազգային ավիափոխադրողին ճիշտ աշխատանքի համար. ավիացիայի փորձագետի դիտարկումը
Sputnik Արմենիա
Ավիացիայի ոլորտի փորձագետ Նավիկ Խաչատրյանը Sputnik Արմենիայի եթերում անդրադարձել է հայկական ավիացիայի ներկա վիճակին և ոլորտում առկա հիմնախնդիրներին։ 31.10.2021, Sputnik Արմենիա
2021-10-31T20:13+0400
2021-10-31T20:13+0400
2021-10-31T20:16+0400
հայաստան
ինքնաթիռ
խաչատուր սուքիասյան
ավիաընկերություն
ռադիո
https://cdn.am.sputniknews.ru/img/07e5/0a/1e/34836720_0:173:1001:736_1920x0_80_0_0_c5f775a90ec9bb1592b63d6194fc9d40.jpg
Խաչատրյան. Ավիացիայի ոլորտի որակյալ մասնագետների պակասը մտահոգիչ հանգամանք է
Sputnik Արմենիա
Խաչատրյան. Ավիացիայի ոլորտի որակյալ մասնագետների պակասը մտահոգիչ հանգամանք է
Ազգային փոխադրող ավիաընկերությունը պետք է բոլոր երկրներում լինի ճանաչված, մատուցի ամբողջական ծառայություններ և համագործակցի այլ ավիաընկերությունների հետ։ Մինչդեռ «Flyone Armenia»–ի դեպքում կունենանք մի ընկերություն, որը կարող է Երևանից ընդամենը մի քանի կետ թռչել, քանի որ չի համագործակցում այլ ավիաընկերությունների հետ։ Sputnik Արմենիայի հետ զրույցում նման կարծիք հայտնեց ավիացիայի ոլորտի փորձագետ Նավիկ Խաչատրյանը։«Հայկական քաղավիացիայի վիճակն այն չէ, ինչ ցանկալի էր ունենալ, այդուհանդերձ ունենք երկու տեղական փոխադրող` վրացական հենքով «Արմենիա» ընկերությունը և «Արմենիա Էյրվեյս» ընկերությունը, որն ավելի շատ կապված է իրանական ավիաընկերությունների հետ»,– նշեց ավիացիայի ոլորտի փորձագետը։Վերջերս հայտարարվեց, որ շահագործվելու է նաև «Flyone Armenia», որն արդեն դիմել է վկայական ստանալու համար և աշխատելու է «լոուքոսթերի» կոնցեպտով։ Արդեն որոշվել է, որ արժեթղթերի 51 տոկոսի տերը Հայաստանի կառավարությունն է, իսկ 49 տոկոսի տերը` «Էյր Արաբիա» ընկերությունը։Նշենք` մայիսին հայտնի դարձավ, որ «SIL Group» կոնցեռնը, որի հիմնադիրը «Քաղաքացիական պայմանագիր» կուսակցության պատգամավոր Խաչատուր Սուքիասյանն է, մոլդովական «FlyOne» ընկերության հետ համատեղ հայաստանյան շուկայում ներկայացնելու է ժամանակակից չափանիշներին համապատասխան «Flyone Armenia» հայկական ավիաընկերությունը։ Հայկական ԶԼՄ-ները հայտնել էին, որ ավիաընկերությունը կտեղակայվի «Զվարթնոց» օդանավակայանում և նույնիսկ ազգային ավիափոխադրողի կարգավիճակ կստանա: Սակայն արդեն հայտնի է, որ այդ կարգավիճակը կստանա «Air Arabia»-ի հետ համատեղ ստեղծված նոր ավիաընկերությունը։«Մի քիչ անհասկանալի իրավիճակ է, գուցե պետք է մասնագետներին բերեն արտասահմանից, որովհետև Հայաստանում չկան այդքան մասնագետներ։ Յուրաքանչյուր ավիաընկերություն ունի մոտ 12 ճյուղ, որոնց ղեկավարումը հեշտ գործ չէ»,– ասաց ավիացիայի ոլորտի փորձագետը։Անդրադառնալով այն հարցին, թե որքան արդյունավետ է գործում բաց երկնքի քաղաքականությունը` Խաչատրյանն ընդգծեց, որ եթե հետևենք բաց երկնքի քաղաքականությանը, ապա դա լավ է գործում հատկապես եվրոպական երկրներում, որտեղ մասնագիտացված ընկերությունները լուծում են ավիացիայի ոլորտի տարբեր խնդիրներ, և նույնիսկ երկրներից մեկն իր օդանավերը կարող է բազավորել աշխարհամասի մեկ այլ երկրի տարածքում։Ըստ նրա` Հայաստանի դեպքում նույնպես ուղևորահոսքի մեծ ծավալ կունենայինք, եթե համավարակը և պատերազմը չխանգարեին։ Փորձագետի կարծիքով` բաց երկնքի քաղաքականության դեպքում պետք է հաշվի առնել նաև այն հանգամանքը, որ եվրոպական պետությունները համաձայնեցրել են այդ քաղաքականությունը, որովհետև նրանցից յուրաքանչյուրն ունի վաղուց հաստատված և գործող ազգային փոխադրողը կամ դրոշակակիր ավիաընկերությունը, մինչդեռ Հայաստանի պարագայում, երբ 2013 թվականին ընդունվում էր բաց երկնքի քաղաքականությունը, մենք չունեինք ազգային փոխադրող։Ինչպես կարելի է «փրկել» նրանց, ովքեր Նիդեռլանդների տոմս են գնել սահմանափակումներից առաջՆշենք, որ Հայաստանն ազգային ավիափոխադրող ունեցել է։ «Հայկական ավիաուղիներ» ընկերությունը (պետական մասնակցությամբ) գործել է 1991-2003թթ., այնուհետև սնանկացել է։ Դրանից հետո ազգային փոխադրողի կարգավիճակն անմիջապես շնորհվել է Միխայիլ Բաղդասարովին պատկանող «Արմավիա» մասնավոր ավիաընկերությանը։ 2013թ․-ին ընկերությունը նույնպես սնանկ հայտարարվեց։ Դրանից հետո իշխանությունները «բաց երկնքի» քաղաքականություն էին վարում։Արդեն հեղափոխության ալիքի վրա եկած նոր իշխանությունները ևս ազգային ավիափոխադրող չէին ուզում։ Դեռ 2019 թ․-ին Հայաստանի Քաղավիացիայի գլխավոր վարչության (ՔԱԳՎ) ղեկավար Տաթևիկ Ռևազյանը նշել էր, որ ներկա փուլում Հայաստանին պետական ազգային փոխադրող պետք չէ։ Նա կարծում էր, որ պետությունը չի կարողանա կարգավորել ավիափոխադրումների հետ կապված բոլոր հարցերը, առաջին հերթին՝ շատ բարձր ծախսերի պատճառով։
https://arm.sputniknews.ru/20211014/4-mlrd-733-mln-dram-azgajin-aviapvokhadrvoghi-bazhnetvomseri-dimac-karavarutjuny-qajl-arec-34275902.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ինքնաթիռ, խաչատուր սուքիասյան, ավիաընկերություն
հայաստան, ինքնաթիռ, խաչատուր սուքիասյան, ավիաընկերություն
Ինչ է պետք ազգային ավիափոխադրողին ճիշտ աշխատանքի համար. ավիացիայի փորձագետի դիտարկումը
20:13 31.10.2021 (Թարմացված է: 20:16 31.10.2021) Ավիացիայի ոլորտի փորձագետ Նավիկ Խաչատրյանը Sputnik Արմենիայի եթերում անդրադարձել է հայկական ավիացիայի ներկա վիճակին և ոլորտում առկա հիմնախնդիրներին։
Ազգային փոխադրող ավիաընկերությունը պետք է բոլոր երկրներում լինի ճանաչված, մատուցի ամբողջական ծառայություններ և համագործակցի այլ ավիաընկերությունների հետ։ Մինչդեռ «Flyone Armenia»–ի դեպքում կունենանք մի ընկերություն, որը կարող է Երևանից ընդամենը մի քանի կետ թռչել, քանի որ չի համագործակցում այլ ավիաընկերությունների հետ։
Sputnik Արմենիայի հետ զրույցում նման կարծիք հայտնեց ավիացիայի ոլորտի փորձագետ Նավիկ Խաչատրյանը։
«Հայկական քաղավիացիայի վիճակն այն չէ, ինչ ցանկալի էր ունենալ, այդուհանդերձ ունենք երկու տեղական փոխադրող` վրացական հենքով «Արմենիա» ընկերությունը և «Արմենիա Էյրվեյս» ընկերությունը, որն ավելի շատ կապված է իրանական ավիաընկերությունների հետ»,– նշեց ավիացիայի ոլորտի փորձագետը։
Վերջերս
հայտարարվեց, որ շահագործվելու է նաև «Flyone Armenia», որն արդեն դիմել է վկայական ստանալու համար և աշխատելու է «լոուքոսթերի» կոնցեպտով։ Արդեն որոշվել է, որ արժեթղթերի 51 տոկոսի տերը Հայաստանի կառավարությունն է, իսկ 49 տոկոսի տերը` «Էյր Արաբիա» ընկերությունը։
14 հոկտեմբերի 2021, 12:52
Նշենք` մայիսին հայտնի դարձավ, որ «SIL Group» կոնցեռնը, որի հիմնադիրը «Քաղաքացիական պայմանագիր» կուսակցության պատգամավոր Խաչատուր Սուքիասյանն է, մոլդովական «FlyOne» ընկերության հետ համատեղ հայաստանյան շուկայում ներկայացնելու է ժամանակակից չափանիշներին համապատասխան «Flyone Armenia» հայկական ավիաընկերությունը։ Հայկական ԶԼՄ-ները հայտնել էին, որ ավիաընկերությունը կտեղակայվի «Զվարթնոց» օդանավակայանում և նույնիսկ ազգային ավիափոխադրողի կարգավիճակ կստանա: Սակայն
արդեն հայտնի է, որ այդ կարգավիճակը կստանա «Air Arabia»-ի հետ համատեղ ստեղծված նոր ավիաընկերությունը։
Խոսելով բոլորին հուզող ավիատոմսերի գների նվազման խնդրի մասին` փորձագետը հույս հայտնեց, որ գալիք տարվա ապրիլից կարելի է ակնկալել ավիատոմսերի գների նվազում։ Ինչ վերաբերում է «Flyone Armenia»–ին վկայական տրամադրելուն, ապա Խաչատրյանն ընդգծեց, որ դա միանշանակ դրական է, թեև փաստեց, որ չափազանց կարևոր է հայ մասնագետների առկայության հարցը, որոնց սակավությունն այսօր մտահոգության տեղիք է տալիս, առավել ևս, որ ավիացիայի միջազգային կազմակերպության գլխավոր պահանջներից մեկն այն է, որ օդանավ շահագործելու վկայական ստացող ընկերությունում պետք է լինեն բարձր որակավորում ունեցող մասնագետներ։
«Մի քիչ անհասկանալի իրավիճակ է, գուցե պետք է մասնագետներին բերեն արտասահմանից, որովհետև Հայաստանում չկան այդքան մասնագետներ։ Յուրաքանչյուր ավիաընկերություն ունի մոտ 12 ճյուղ, որոնց ղեկավարումը հեշտ գործ չէ»,– ասաց ավիացիայի ոլորտի փորձագետը։
Անդրադառնալով այն հարցին, թե որքան արդյունավետ է գործում բաց երկնքի քաղաքականությունը` Խաչատրյանն ընդգծեց, որ եթե հետևենք բաց երկնքի քաղաքականությանը, ապա դա լավ է գործում հատկապես եվրոպական երկրներում, որտեղ մասնագիտացված ընկերությունները լուծում են ավիացիայի ոլորտի տարբեր խնդիրներ, և նույնիսկ երկրներից մեկն իր օդանավերը կարող է բազավորել աշխարհամասի մեկ այլ երկրի տարածքում։
Ըստ նրա` Հայաստանի դեպքում նույնպես ուղևորահոսքի մեծ ծավալ կունենայինք, եթե համավարակը և պատերազմը չխանգարեին։ Փորձագետի կարծիքով` բաց երկնքի քաղաքականության դեպքում պետք է հաշվի առնել նաև այն հանգամանքը, որ եվրոպական պետությունները համաձայնեցրել են այդ քաղաքականությունը, որովհետև նրանցից յուրաքանչյուրն ունի վաղուց հաստատված և գործող ազգային փոխադրողը կամ դրոշակակիր ավիաընկերությունը, մինչդեռ Հայաստանի պարագայում, երբ 2013 թվականին ընդունվում էր բաց երկնքի քաղաքականությունը, մենք չունեինք ազգային փոխադրող։
Նշենք, որ Հայաստանն ազգային ավիափոխադրող ունեցել է։ «Հայկական ավիաուղիներ» ընկերությունը (պետական մասնակցությամբ) գործել է 1991-2003թթ., այնուհետև սնանկացել է։ Դրանից հետո ազգային փոխադրողի կարգավիճակն անմիջապես շնորհվել է Միխայիլ Բաղդասարովին պատկանող «Արմավիա» մասնավոր ավիաընկերությանը։ 2013թ․-ին ընկերությունը նույնպես սնանկ հայտարարվեց։ Դրանից հետո իշխանությունները «բաց երկնքի» քաղաքականություն էին վարում։
Արդեն հեղափոխության ալիքի վրա եկած նոր իշխանությունները ևս ազգային ավիափոխադրող չէին ուզում։ Դեռ 2019 թ․-ին Հայաստանի Քաղավիացիայի գլխավոր վարչության (ՔԱԳՎ) ղեկավար Տաթևիկ Ռևազյանը նշել էր, որ ներկա փուլում Հայաստանին պետական ազգային փոխադրող պետք չէ։ Նա կարծում էր, որ պետությունը չի կարողանա կարգավորել ավիափոխադրումների հետ կապված բոլոր հարցերը, առաջին հերթին՝ շատ բարձր ծախսերի պատճառով։
