https://arm.sputniknews.ru/20211029/inchu-hajastanum-chen-uzum-arhest-svovvorel-kam-erb-anuny-ka-amanum-chka-34814145.html
Ինչու Հայաստանում չեն ուզում արհեստ սովորել, կամ երբ «անունը կա, ամանում չկա»
Ինչու Հայաստանում չեն ուզում արհեստ սովորել, կամ երբ «անունը կա, ամանում չկա»
Sputnik Արմենիա
Կրթական հարցերի փորձագետ Սերոբ Խաչատրյանը Sputnik Արմենիայի եթերում անդրադարձել է միջին մասնագիտական կրթության ոլորտի խնդիրներին, առանձին մասնագիտությունների... 29.10.2021, Sputnik Արմենիա
2021-10-29T18:54+0400
2021-10-29T18:54+0400
2021-10-29T18:54+0400
ռադիո
հայաստան
բուհ
սերոբ խաչատրյան
արհեստ
կրթություն
https://cdn.am.sputniknews.ru/img/07e5/0a/1d/34811255_0:0:1600:901_1920x0_80_0_0_f8290a702a7bbfe257162c740a2ae2ad.jpg
Խաչատրյան. Միջին մասնագիտական կրթության խթանման համար պետք է լուրջ նյութատեխնիկական բազա
Sputnik Արմենիա
Խաչատրյան. Միջին մասնագիտական կրթության խթանման համար պետք է լուրջ նյութատեխնիկական բազա
Միջին մասնագիտական կրթության ոլորտում կա որոշակի առաջընթաց. նախկինում այդ կրթությունը շատ ավելի վատ վիճակում էր, ամբողջությամբ մատնված էր անուշադրության, նույնիսկ մի պահ ստիպված էին ուսուցումն անվճար դարձնել, քանզի շատ դիմորդներ չկային։ Sputnik Արմենիայի հետ զրույցում նման տեսակետ հայտնեց կրթական հարցերի փորձագետ Սերոբ Խաչատրյանը։Նրա կարծիքով` միջին մասնագիտական կրթության բնագավառում արդեն իսկ նկատվում են տեղաշարժեր, փորձ է արվում համակարգը համապատասխանեցնել աշխատաշուկային, սակայն ամբողջ խնդիրն այն է, որ Հայաստանում դեռևս շարունակում է իշխող մնալ բարձրագույն կրթության մոլուցքը, հետևաբար, այդ ֆոնին միջին մասնագիտական կրթությունն առայժմ մնում է ստվերում։Խաչատրյանի դիտարկմամբ` կարծրատիպերը նույնպես չեն թողնում, որպեսզի մարդիկ գնան այդ ուղղությամբ. համարվում է, որ այդտեղ մարդիկ կատարելու են ծանր աշխատանք և քիչ են վարձատրվելու։Փորձագետը, սակայն, պնդում է, որ շատերի համար ավելի լավ կլիներ, եթե միջին մասնագիտական կրթություն ստանային, ոչ թե բուհում ժամավաճառությամբ զբաղվեին, առավել ևս, որ կա միջազգային փորձը` զարգացած երկրներում պատանիները ստանում են նաև արհեստագործական ուսումնառություն, ինչն ամենևին չի խանգարում նրանց բարեկեցությանը։«Այն հասարակության մեջ, որտեղ չափից շատ են բարձրագույն կրթություն ունեցողները, մարդկանց հավակնություններն անհարկի բարձրանում են։ Շատերը բարձր աշխատավարձով աշխատանք են փնտրում, մինչդեռ նրանց մոտ բացակայում է նույնիսկ միջին մակարդակի որակավորումը։ Արդյունքում հասարակության մեջ ձևավորվում է մարդկանց խումբ, որոնք ունեն դիպլոմ, բայց չունեն համապատասխան հմտություններ»,– ասաց կրթական հարցերի փորձագետը։Խաչատրյանի խոսքով`միջին մասնագիտական կրթության ոլորտում օրակարգային է նաև դասավանդման արդիականության խնդիրը, այդ կրթությունն ավելի պրակտիկ դարձնելու անհրաժեշտությունը։Կրթությունն ազգային ապրելակերպ պետք է դարձնենք. Փաշինյանն ուղերձ է հղելՆշենք, որ ՀՀ նախնական մասնագիտական (արհեստագործական) և միջին մասնագիտական կրթության զարգացման հայեցակարգը ՀՀ կառավարության կողմից ընդունվել է 2008 թվականին։Այն մշակվել է «Հայաստանի Հանրապետության ազգային անվտանգության ռազմավարության» և «Աղքատության հաղթահարման ռազմավարական ծրագրի» հիմնադրույթներին համապատասխան:Հիմք ընդունելով կրթության համակարգի արդեն իսկ արձանագրված ձեռքբերումները, հայեցակարգը միտված է դրանց աստիճանական զարգացմանը` նախանշելով ոլորտի հետագա զարգացումների գերակա ուղղությունները:Հայեցակարգի հիմքում դրվել է նաև Հայաստանի Հանրապետության կառավարության կողմից հավանության արժանացած «Հայաստանի Հանրապետության նախնական (արհեստագործական) և միջին մասնագիտական կրթության և ուսուցման ռազմավարությունը»:
https://arm.sputniknews.ru/20210926/dilijanum-anc-e-kacvel-arvestneri-ev-arhestneri-paratony-33662667.html
https://arm.sputniknews.ru/20211028/1000-ic-pakas-bnakchvov-hamajnqi-ghekavary-karvogh-e-chunenal-bardzragujn-krtutjun-nakhagits-34754695.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, բուհ, սերոբ խաչատրյան, արհեստ, կրթություն
հայաստան, բուհ, սերոբ խաչատրյան, արհեստ, կրթություն
Ինչու Հայաստանում չեն ուզում արհեստ սովորել, կամ երբ «անունը կա, ամանում չկա»
Կրթական հարցերի փորձագետ Սերոբ Խաչատրյանը Sputnik Արմենիայի եթերում անդրադարձել է միջին մասնագիտական կրթության ոլորտի խնդիրներին, առանձին մասնագիտությունների հեռանկարին և աշխատաշուկայի պահանջներին։
Միջին մասնագիտական կրթության ոլորտում կա որոշակի առաջընթաց. նախկինում այդ կրթությունը շատ ավելի վատ վիճակում էր, ամբողջությամբ մատնված էր անուշադրության, նույնիսկ մի պահ ստիպված էին ուսուցումն անվճար դարձնել, քանզի շատ դիմորդներ չկային։ Sputnik Արմենիայի հետ զրույցում նման տեսակետ հայտնեց կրթական հարցերի փորձագետ Սերոբ Խաչատրյանը։
Նրա կարծիքով` միջին մասնագիտական կրթության բնագավառում արդեն իսկ նկատվում են տեղաշարժեր, փորձ է արվում համակարգը համապատասխանեցնել աշխատաշուկային, սակայն ամբողջ խնդիրն այն է, որ
Հայաստանում դեռևս շարունակում է իշխող մնալ բարձրագույն կրթության մոլուցքը, հետևաբար, այդ ֆոնին միջին մասնագիտական կրթությունն առայժմ մնում է ստվերում։
«Շատ մարդիկ չեն ցանկանում արհեստներ սովորել կամ միջին կրթություն պահաջող աշխատանք կատարել, քանի որ ներկայում հեշտացել է ԲՈւՀ ընդունվելը։ Միջին մասնագիտական կրթության խթանման համար մեզ պետք է լուրջ նյութատեխնիկական բազա, առավել ևս, որ որոշ մասնագիտությունների պարագայում դա առանձնապես դժվար չէ, այդուհանդերձ, անհրաժեշտ են մեծ ներդրումներ, որպեսզի միջին մասնագիտական կրթությունը դառնա ավելի բարձրորակ», –նշեց կրթական հարցերի փորձագետը։
Խաչատրյանի դիտարկմամբ` կարծրատիպերը նույնպես չեն թողնում, որպեսզի մարդիկ գնան այդ ուղղությամբ. համարվում է, որ այդտեղ մարդիկ կատարելու են ծանր աշխատանք և քիչ են վարձատրվելու։
Փորձագետը, սակայն, պնդում է, որ շատերի համար ավելի լավ կլիներ, եթե միջին մասնագիտական կրթություն ստանային, ոչ թե բուհում ժամավաճառությամբ զբաղվեին, առավել ևս, որ կա միջազգային փորձը` զարգացած երկրներում պատանիները ստանում են նաև արհեստագործական ուսումնառություն, ինչն ամենևին չի խանգարում նրանց բարեկեցությանը։
26 սեպտեմբերի 2021, 15:56
«Այն հասարակության մեջ, որտեղ չափից շատ են բարձրագույն կրթություն ունեցողները, մարդկանց հավակնություններն անհարկի բարձրանում են։ Շատերը բարձր աշխատավարձով աշխատանք են փնտրում, մինչդեռ նրանց մոտ բացակայում է նույնիսկ միջին մակարդակի որակավորումը։ Արդյունքում հասարակության մեջ ձևավորվում է մարդկանց խումբ, որոնք ունեն դիպլոմ, բայց չունեն համապատասխան հմտություններ»,– ասաց կրթական հարցերի փորձագետը։
Խաչատրյանի խոսքով`միջին մասնագիտական կրթության ոլորտում օրակարգային է նաև դասավանդման արդիականության խնդիրը, այդ կրթությունն ավելի պրակտիկ դարձնելու անհրաժեշտությունը։
Նշենք, որ ՀՀ նախնական մասնագիտական (արհեստագործական) և միջին մասնագիտական կրթության զարգացման հայեցակարգը ՀՀ կառավարության կողմից ընդունվել է 2008 թվականին։
Այն մշակվել է «Հայաստանի Հանրապետության ազգային անվտանգության ռազմավարության» և «Աղքատության հաղթահարման ռազմավարական ծրագրի» հիմնադրույթներին համապատասխան:
28 հոկտեմբերի 2021, 12:15
Հիմք ընդունելով կրթության համակարգի արդեն իսկ արձանագրված ձեռքբերումները, հայեցակարգը միտված է դրանց աստիճանական զարգացմանը` նախանշելով ոլորտի հետագա զարգացումների գերակա ուղղությունները:
Հայեցակարգի հիմքում դրվել է նաև Հայաստանի Հանրապետության կառավարության կողմից հավանության արժանացած «Հայաստանի Հանրապետության նախնական (արհեստագործական) և միջին մասնագիտական կրթության և ուսուցման ռազմավարությունը»:
