https://arm.sputniknews.ru/20211028/hh-nakhagahi-ajcy-karvogh-e-shrjadardzajin-linel-inchu-er-saudjan-arabian-merzhum-hhin-34775052.html

ՀՀ նախագահի այցը կարող է շրջադարձային լինել. ինչո՞ւ էր Սաուդյան Արաբիան «մերժում» ՀՀ–ին

ՀՀ նախագահի այցը կարող է շրջադարձային լինել. ինչո՞ւ էր Սաուդյան Արաբիան «մերժում» ՀՀ–ին

Sputnik Արմենիա

Արաբագետ Արաքս Փաշայանը Sputnik Արմենիայի եթերում անդրադարձել ՀՀ նախագահ Արմեն Սարգսյանի` Սաուդյան Արաբիա կատարած այցին և այդ համատեքստում խոսել երկկողմ... 28.10.2021, Sputnik Արմենիա

2021-10-28T22:36+0400

2021-10-28T22:36+0400

2021-10-28T22:36+0400

ռադիո

հայաստան

արմեն սարգսյան

սաուդյան արաբիա

https://cdn.am.sputniknews.ru/img/07e5/0a/1c/34760722_0:0:1000:563_1920x0_80_0_0_bc13dd0074048f8d16982d619da7d1ef.jpg

Սաուդյան Արաբիայի ու Հայաստանի հնարավոր ջերմացումն ու միջպետական կապերի սերտացումը կարող են միանգամայն շահեկան լինել մեզ համար, ինչի շնորհիվ պաշտոնական Երևանը կընդլայնի իր աշխարհաքաղաքականությունը Մերձավոր Արևելքում` չեզոքացնելով Թուրքիայի ու Ադրբեջանի քայլերը, որոնք ուղղված են Հայաստանը մեկուսացնելուն։ Sputnik Արմենիայի հետ զրույցում նման տեսակետ հայտնեց արաբագետ Արաքս Փաշայանը։Նրա դիտարկմամբ` քանի որ Սաուդյան Արաբիան արաբական և իսլամական աշխարհի, Մերձավոր Արևելքի հանգուցային պետություններից մեկն է, հետևաբար ՀՀ նախագահ Արմեն Սարգսյանի այցն իսկապես կարող է շրջադարձային լինել` նպաստելով երկու երկրների միջև դիվանագիտական հարաբերություններ հաստատելուն։Փաշայանի կարծիքով` այսօր արաբական աշխարհում կան նաև այլ երկրներ, որոնց հետ Հայաստանը կարող է զարգացնել իր հարաբերությունները թե՛ աշխահաքաղաքական, թե՛ աշխարհատնտեսական առումով` չնայած այն հանգամանքին, որ Ադրբեջանը տասնամյակներ շարունակ հակահայկական քարոզչություն է իրականացրել իսլամական աշխարհում, հետևաբար Հայաստանի համար շատ կարևոր է այդ բացասական ազդեցության չեզոքացումը` օգտագործելով գործընկեր պետությունների աջակցությունը։Փաշայանն ընդգծեց այն հանգամանքը, որ արցախյան 44-օրյա պատերազմի ընթացքում իսլամական աշխարհի սոցիալական ցանցերում հակահայկական որոշակի տրամադրություններ արդեն իսկ ձևավորվել էին, հետևաբար եթե Հայաստանն ուզում է ակտիվորեն աշխատել ու պատշաճ կերպով ներկայացնել իր շահերը տարածաշրջանում, ապա պետք է պրոակտիվ քաղաքականություն վարի` օգտագործելով ցանկացած իրողություն, ցանկացած հնարավորություն իր համար բարենպաստ պայմաններ ապահովելու համար։ Առավել ևս որ մեր երկրի առջև ծառացել են իսկապես լուրջ խնդիրներ։ Ըստ արաբագետի` մեզ անհրաժեշտ են ոչ թե ոտքի վրա կայացրած որոշումներ, այլ լրջորեն մշակված ու նպատակասլաց մոտեցումներ։Նշենք, որ ՀՀ նախագահը հոկտեմբերի 26-ին աշխատանքային այց էր կատարել Սաուդյան Արաբիա։ Նախագահի մամուլի ծառայությունը հայտնել էր, որ Հայաստանի անկախությունից ի վեր Հայաստանի Հանրապետության և Սաուդյան Արաբիայի միջև դիվանագիտական հարաբերությունների բացակայության պայմաններում, երբ Հայաստանից որևէ պաշտոնյա երբևէ չէր այցելել այդ երկիր, Հայաստանի նախագահը կատարեց պատմական քայլ` առաջին անգամ այցելելով արաբական և իսլամական աշխարհում բացառիկ դեր և նշանակություն ունեցող այդ պետություն:։Հայաստանի նախագահը և Սաուդյան Արաբիայի թագաժառանգ, փոխվարչապետ, պաշտպանության նախարար Մուհամմեդ բին Սալմանը զրուցել են երկու երկրների միջև հարաբերությունները զարգացնելու անհրաժեշտության և դրանց ապագայի մասին։Հավելենք, որ ՀՀ նախագահ Արմեն Սարգսյանը Սաուդյան Արաբիա կատարած այցի շրջանակում մասնակցել է «Ապագա ներդրումային նախաձեռնություն» 5-րդ համաժողովի բացման արարողությանը։

https://arm.sputniknews.ru/20211026/hajastani-ankakhutjunic-i-ver-arajin-angam-hh-nakhagahn-ajcelel-e-saudjan-arabia-34702229.html

https://arm.sputniknews.ru/20211027/armen-sargsjany-saudjan-arabiajum-hamazhvoghvovi-e-masnakcel-ev-zrucel-tagazharangi-het-34708589.html

սաուդյան արաբիա

2021

Լուրեր

am_HY

հայաստան, արմեն սարգսյան, սաուդյան արաբիա