https://arm.sputniknews.ru/20211026/um-e-veraberelu-2-tarvov-andznagir-stanalu-drujty-pvokhvostikanapety-manramasner-hajtnec-34675208.html
Ո՞ւմ է վերաբերելու 2 տարով անձնագիր ստանալու դրույթը. փոխոստիկանապետը մանրամասներ հայտնեց
Ո՞ւմ է վերաբերելու 2 տարով անձնագիր ստանալու դրույթը. փոխոստիկանապետը մանրամասներ հայտնեց
Sputnik Արմենիա
ՀՀ ոստիկանապետի տեղակալ Արա Ֆիդանյանն անդրադարձավ բուռն քննարկումների տեղիք տված դրույթին, ըստ որի` անձնագրերի վավերականության ժամկետն այսուհետ 2 տարի պետք է... 26.10.2021, Sputnik Արմենիա
2021-10-26T12:47+0400
2021-10-26T12:47+0400
2021-10-26T12:59+0400
հայաստան
անձնագիր
արա ֆիդանյան
https://cdn.am.sputniknews.ru/img/1669/94/16699411_0:0:1600:901_1920x0_80_0_0_cf54caad920c745e7b1e159a76b33012.jpg
ԵՐԵՎԱՆ, 26 հոկտեմբերի – Sputnik. ՀՀ ոստիկանապետի տեղակալ Արա Ֆիդանյանը վստահեցնում է` անձնագրերն այսուհետ 2 տարի ժամկետով տրամադրվելու դրույթը վերաբերում է միայն ՀՀ կառավարության 1998 թվականի դեկտեմբերի 25-ի թիվ 821 որոշմամբ նախատեսված անձնագրերին։ Ֆիդանյանն այս մասին հայտնեց ԱԺ–ում` ներկայացնելով «ՀՀ քաղաքացիության մասին օրենքում» փոփոխություններ և լրացումներ կատարելու մասին օրենքի նախագիծը։Նշենք, որ այս նոր դրույթը, ըստ որի` հին նմուշի անձնագրերի վավերականության ժամկետն այսուհետ 2 տարի պետք է լինի, բուռն քննարկումների թեմա է դարձել։ Սա հատկապես մեծ խնդիր է դրսում ապրողների համար։Նա հավելեց, որ կենսաչափական անձնագրերի մասով 10 տարի ժամկետը պահպանվում է։Ֆիդանյանի խոսքով` 3 մլն 199 000–ից ավել հին նմուշի անձնագիր է տրվել, իսկ այժմ ժամկետի մեջ են 2 մլն 386 000 անձնագրեր։Անձնագրում պետության փոխարեն կարող է նշվել քաղաքացու ծննդավայր քաղաքը կամ գյուղըՆա հերքեց լուրերը, թե անձնագրերի ժամկետի փոփոխման հարցը կապված է այն հանգամանքով, որ անձնագիր հրատարակող նոր ընկերություն է մտնում շուկա։ Փոխոստիկանապետի խոսքով` նոր անձնագրերի ներդրման ուղղությամբ դեռևս հայտարարվել է միայն դիզայնի մրցույթ, իսկ ամբողջական համակարգի ներդրման մրցույթ չի էլ հայտարարվել, պատկերացում չունեն, թե որ ընկերությունը կզբաղվի դրանցով։Փոխոստիկանապետը վստահեցրեց` այն անձնագրերը, որոնք ժամկետի մեջ են, շարունակելու են մնալ ուժի մեջ։Հիշեցնենք` Ֆիդանյանն այսօր ԱԺ-ում հայտնել էր, որ նախագծով առաջարկվում է նաև ՀՀ քաղաքացի հանդիսացող չափահաս զավակներ ունեցող անձանց իրավունք վերապահել առանց ՀՀ-ում 3 տարի մշտական բնակության և հայերենով բացատրվելու կարողության պահանջի ՀՀ քաղաքացիություն ձեռք բերել։ Առաջարկվում է նաև ՀՀ քաղաքացիություն ձեռք բերելիս առաջին անգամ ՀՀ քաղաքացու անձնագիր ստանալու հնարավորություն նախատեսել օտարերկրյա բոլոր պետություններում գործող ՀՀ դեսպանություններում և հյուպատոսական հիմնարկներում։Նույնականացման քարտի և անձնագրի դիզայնը կփոխվի. ՀՀ ոստիկանությունը մրցույթ է հայտարարել
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, անձնագիր, արա ֆիդանյան
հայաստան, անձնագիր, արա ֆիդանյան
Ո՞ւմ է վերաբերելու 2 տարով անձնագիր ստանալու դրույթը. փոխոստիկանապետը մանրամասներ հայտնեց
12:47 26.10.2021 (Թարմացված է: 12:59 26.10.2021) ՀՀ ոստիկանապետի տեղակալ Արա Ֆիդանյանն անդրադարձավ բուռն քննարկումների տեղիք տված դրույթին, ըստ որի` անձնագրերի վավերականության ժամկետն այսուհետ 2 տարի պետք է լինի։
ԵՐԵՎԱՆ, 26 հոկտեմբերի – Sputnik. ՀՀ ոստիկանապետի տեղակալ Արա Ֆիդանյանը վստահեցնում է` անձնագրերն այսուհետ 2 տարի ժամկետով տրամադրվելու դրույթը վերաբերում է միայն ՀՀ կառավարության 1998 թվականի դեկտեմբերի 25-ի թիվ 821 որոշմամբ նախատեսված անձնագրերին։ Ֆիդանյանն այս մասին հայտնեց ԱԺ–ում` ներկայացնելով «ՀՀ քաղաքացիության մասին օրենքում» փոփոխություններ և լրացումներ կատարելու մասին օրենքի նախագիծը։
Նշենք, որ այս նոր դրույթը, ըստ որի` հին նմուշի անձնագրերի վավերականության ժամկետն այսուհետ 2 տարի պետք է լինի, բուռն քննարկումների թեմա է դարձել։ Սա հատկապես մեծ խնդիր է դրսում ապրողների համար։
«Առաջարկվում է հին նմուշի անձնագրերը հետայսու տրամադրել 2 տարի ժամկետով, սակայն հետայսուն բավականին հարաբերական է, քանի որ նախատեսվում է 2022-ի վերջից կամ 2023-ի սկզբից ներդնել նոր կենսաչափական անձնագրերի համակարգ, որով էլ 821 որոշմամբ սահմանված անձնագրերի գործունեությունը լիովին դուրս է գալու։ Այսինքն` 2 տարին ընդամենը մեկանգամյա բնույթ է կրում` մինչև 2023-ի սկիզբը, դրանից հետո դրանք տրվելու են նորից 10 տարվա ժամկետով»,–ասաց Ֆիդանյանը։
Նա հավելեց, որ կենսաչափական անձնագրերի մասով 10 տարի ժամկետը պահպանվում է։
Ֆիդանյանի խոսքով` 3 մլն 199 000–ից ավել հին նմուշի անձնագիր է տրվել, իսկ այժմ ժամկետի մեջ են 2 մլն 386 000 անձնագրեր։
Նա հերքեց լուրերը, թե անձնագրերի ժամկետի փոփոխման հարցը կապված է այն հանգամանքով, որ անձնագիր հրատարակող նոր ընկերություն է մտնում շուկա։ Փոխոստիկանապետի խոսքով` նոր անձնագրերի ներդրման ուղղությամբ դեռևս հայտարարվել է միայն դիզայնի մրցույթ, իսկ ամբողջական համակարգի ներդրման մրցույթ չի էլ հայտարարվել, պատկերացում չունեն, թե որ ընկերությունը կզբաղվի դրանցով։
Փոխոստիկանապետը վստահեցրեց` այն անձնագրերը, որոնք ժամկետի մեջ են, շարունակելու են մնալ ուժի մեջ։
Հիշեցնենք` Ֆիդանյանն այսօր ԱԺ-ում
հայտնել էր, որ նախագծով առաջարկվում է նաև ՀՀ քաղաքացի հանդիսացող չափահաս զավակներ ունեցող անձանց իրավունք վերապահել առանց ՀՀ-ում 3 տարի մշտական բնակության և հայերենով բացատրվելու կարողության պահանջի ՀՀ քաղաքացիություն ձեռք բերել։ Առաջարկվում է նաև ՀՀ քաղաքացիություն ձեռք բերելիս առաջին անգամ ՀՀ քաղաքացու անձնագիր ստանալու հնարավորություն նախատեսել օտարերկրյա բոլոր պետություններում գործող ՀՀ դեսպանություններում և հյուպատոսական հիմնարկներում։
