https://arm.sputniknews.ru/20211025/anvtangutjan-harcn-ajlevs-aktual-che-inchy-karvogh-e-mardkanc-durs-berel-pvoghvoc--34658539.html

Անվտանգության հարցն այլևս ակտուալ չէ՞. ինչը կարող է մարդկանց դուրս բերել փողոց

Անվտանգության հարցն այլևս ակտուալ չէ՞. ինչը կարող է մարդկանց դուրս բերել փողոց

Sputnik Արմենիա

Քաղտեխնոլոգ Արմեն Բադալյանը Sputnik Արմենիայի հետ զրույցում խոսել է ընդդիմության փողոցային պայքարից և նշել, որ պայքարի ելնելուց առաջ «Հայաստան» դաշինքը պետք է... 25.10.2021, Sputnik Արմենիա

2021-10-25T23:17+0400

2021-10-25T23:17+0400

2021-10-25T23:25+0400

հայաստան

բողոքի ակցիա

իշխանություն

ընդդիմություն

ռադիո

https://cdn.am.sputniknews.ru/img/07e5/0a/19/34654035_0:0:1600:901_1920x0_80_0_0_420e690fb2ad3f996d83a9faa4af3a12.jpg

Հանրահավաքներն ու փողոցային պայքարը չպետք է կրեն ձևական բնույթ։ Մարդկանց փողոց դուրս բերելուց առաջ անհրաժեշտ է լրջորեն մտածել` ինչպես հասարակության որոշ շերտերի իրական պայքարի մեջ ներգրավել։ Sputnik Արմենիայի հետ զրույցում նման տեսակետ հայտնեց քաղտեխնոլոգ Արմեն Բադալյանը` անդրադառնալով ԱԺ «Հայաստան» դաշինքի` փողոցային պայքարին վերադառնալու հայտարարություններին։«Պետք է խթաններ գտնել, որոնք հասարակության այս կամ այն անդամին կշահագրգռեն ոչ միայն դուրս գալ փողոց, այլև որոշակի գործողություններ իրականացնել»,- ասաց նա։Բադալյանի կարծիքով` ցանկացած հանրահավաքից առաջ պետք է ուսումնասիրել հասարակության որոշակի զանգվածների հետաքրքրությունների շրջանակը, հասկանալ, որոնք են այն հիմնական հարցերը, որոնք մարդկանց կարող են մղել որոշակի գործողությունների։ Նրա խոսքով` այս պահին էլ կան այդպիսի հարցեր, դրանք սակավաթիվ են, բայց կան։Թե որքանով է «Հայաստան» դաշինքը դրանց շուրջ մտածել, քաղտեխնոլոգը դժվարանում է ասել, միայն արձանագրում է, որ դաշինքի մաս կազմող ՀՅԴ-ն հանրահավաքային պայքարի բավականին լուրջ փորձ ունի։Միաժամանակ Բադալյանը հիշեցնում է 2020 թվականի նոյեմբերի 9-ից հետո կազմավորված «17+» շարժման մասին, որն այդպես էլ հասարակական լուրջ ընդվզում չառաջացրեց։«Շատերին կարող է թվալ, որ անվտանգության հարցը խիստ ակտուալ է, բայց հուզական հայտարարությունները, ինչպես, օրինակ, ադրբեջանական զորքը 4-5 ամիս է` չի հեռանում ՀՀ տարածքից, միգուցե այլևս ակտուալ չէ։ Միգուցե ուրիշ հարցեր պետք է բարձրացնել, որոնք ավելի ակտուալ են, քան անվտանգության հարցը»,- նշեց Բադալյանը։Հիշեցնենք, որ ՀՅԴ ԳՄ ներկայացուցիչ Իշխան Սաղաթելյանը քաղաքապետարանին տեղեկացրել է նոյեմբերի 9-ին և 10-ին, ժ.18.00-20.30 Ազատության հրապարակում հավաքների անցկացնելու մտադրության մասին:Քաղաքապետարանն իրազեկումն ընդունել է իր գիտություն։Ավելի վաղ Sputnik Արմենիայի հետ զրույցում ՀՀ ԱԺ «Հայաստան» խմբակցության պատգամավոր Ագնեսա Խամոյանը տեղեկացրել էր, որ վերսկսում են փողոցային պայքարը։

https://arm.sputniknews.ru/20211025/hnaravvor-e-ynddimutjuny-nvojemberi-9ic-araj-el-bvoghvoqi-akcianer-irakanacni-minasjan-34639651.html

2021

Լուրեր

am_HY

հայաստան, բողոքի ակցիա, իշխանություն, ընդդիմություն