https://arm.sputniknews.ru/20211020/bolor-dzvery-1-zambyughum-dnely-voch-misht-e-dzerntu-voytolovskin-baqvi-ev-ankarayi-masin-34446590.html
«Բոլոր ձվերը 1 զամբյուղում դնելը ոչ միշտ է ձեռնտու»․ Վոյտոլովսկին՝ Բաքվի և Անկարայի մասին
«Բոլոր ձվերը 1 զամբյուղում դնելը ոչ միշտ է ձեռնտու»․ Վոյտոլովսկին՝ Բաքվի և Անկարայի մասին
Sputnik Արմենիա
Ռուս փորձագետի կարծիքով՝ Արցախում սադրանքներն անխուսափելի են։ Այլ բան է, որ Ռուսաստանը վճռականորեն կասեցնելու է հարցը ռազմական ճանապարհով լուծելու փորձերը։ 20.10.2021, Sputnik Արմենիա
2021-10-20T00:01+0400
2021-10-20T00:01+0400
2021-10-20T00:01+0400
արցախ
ռուսաստան
ադրբեջան
հրադադար
հրադադար արցախում
արցախյան պատերազմ
խաղաղապահներն արցախում
հայ գերիներ, անհետ կորածներ
https://cdn.am.sputniknews.ru/img/07e5/0a/0f/34324054_0:54:1600:955_1920x0_80_0_0_361ef003b643ebfbeed778a75e04a228.jpg
ԵՐԵՎԱՆ, 20 հոկտեմբերի - Sputnik. Լեռնային Ղարաբաղի շփման գծում վերջին օրերին լարվածության աճը պայմանավորված է ճգնաժամը ռազմական ճանապարհով լուծելու հնարավորության մասին դեռևս պահպանվող պատրանքներով: Դա ընդամենը պատրանք է, քանի որ այնտեղ տեղակայված են ռուս խաղաղապահները։ Sputnik Արմենիայի հետ զրույցում նման կարծիք հայտնեց ՌԳԱ թղթակից անդամ, քաղաքական գիտությունների դոկտոր, ՌԳԱ Համաշխարհային տնտեսության և միջազգային հարաբերությունների ինստիտուտի տնօրեն Ֆյոդոր Վոյտոլովսկին՝ մեկնաբանելով հակամարտության գոտում վերջին միջադեպերը։Նրա խոսքով՝ Ռուսաստանը կապահովի հրադադարի ռեժիմն ու կկասեցնի ցանկացած սադրանք, որ դրանք չհանգեցնեն ռազմական գործողությունների վերսկսմանը: Միևնույն ժամանակ նա կարծում է, որ երբ կա կողմերի շփման գիծ, երբ միմյանց դեմ կանգնած են զինվորականները, երբ թարմ է հիշողությունը պատերազմի մասին` սադրանքներն անխուսափելի են։Մեր զրուցակիցն արձանագրում է Թուրքիայի աճող ազդեցությունը Հարավային Կովկասում և, մասնավորապես, Ադրբեջանում։ Նրա խոսքով՝ Անկարան ուզում է Ադրբեջանին հենակետ դարձնել իր ազդեցության հետագա ընդլայնման համար։ Սակայն պետք է նկատի ունենալ, որ թուրք-ադրբեջանական հարաբերությունների խորացումը միշտ չէ, որ կարող է համապատասխանել Բաքվի շահերին։«Կա «մեկ ազգ, երկու պետության» վերջնական գաղափարախոսությունը։ Բայց Ադրբեջանի համար հիմնավորված հարց է առաջանում՝ արդյո՞ք այն ուզում է հետագայում ինքնուրույն խաղացող լինել համաշխարհային քաղաքականության մեջ։ Պետք է նկատել նաև, որ Բաքուն խիստ շահագրգռված է Մոսկվայի հետ առևտրատնտեսական հարաբերությունների զարգացմամբ, իսկ Ռուսաստանում գոյություն ունի ադրբեջանական մեծ համայնք։ Եվ միշտ չէ, որ ձեռնտու է բոլոր ձվերը մեկ զամբյուղի մեջ դնելը», - ասում է ռուս վերլուծաբանը։Լավրովը ԿԽՄԿ նախագահի հետ քննարկել է Լեռնային Ղարաբաղի թեմանՆրա խոսքով՝ այդ ամենի հետ մեկտեղ, Ադրբեջանի հետ ինտեգրման ու փոխգործակցության մակարդակը համադրելի չէ Հայաստանի հետ առկա համագործակցության մակարդակի հետ: Ռուսաստանն ու Հայաստանը ՀԱՊԿ հիմնադիր երկրներ են, միասին անդամակցում են Եվրասիական տնտեսական միությանը, գոյություն ունի խորը տնտեսական, ռազմաքաղաքական ինտեգրում, դաշնակցային հարաբերություններ։Ավելին, Վոյտոլովսկին համոզված է՝ որպես արձագանք տարածաշրջանում առկա պայթյունավտանգ իրավիճակին՝ Ռուսաստանը պետք է ձգտի Երևանի հետ ռազմական համագործակցության շարունակական ամրապնդմանն ու ընդլայնմանը։ Նրա կարծիքով՝ Ռուսաստանին տնտեսական և ռազմական առումով ուժեղ Հայաստան է պետք։Հիշեցնենք` Ադրբեջանի զինված ուժերը հոկտեմբերի 14–ի երեկոյան կրակել էին Արցախի Մարտունու շրջանի Նոր Շեն բնակավայրի ուղղությամբ։ Լարվածություն է եղել նաև Ասկերանի շրջանի Հարավ գյուղի ուղղությամբ։ Հայկական կողմից կա 6 վիրավոր։Նույն օրը Բաքվում հայտարարել են, թե իբր հայ դիպուկահարի կրակոցից զոհվել է զինծառայող Աֆղան Համզաևը: Ստեփանակերտում հերքել են՝ ենթադրելով, որ զինվորականի մահը կարող էր ոչ կանոնադրական հարաբերությունների հետևանք լինել։Ադրբեջանական կողմը շարունակել է հրադադարի խախտումները նաև հոկտեմբերի 15-ին` Արցախի հյուսիսարևելյան ուղղությամբ գնդակոծելով ՊԲ–ի սանիտարական մեքենան:
https://arm.sputniknews.ru/20211018/gharabaghyan-pakughi-kam-inchi-masin-e-nakhazgushacnum-taratsashrjany-34421331.html
https://arm.sputniknews.ru/20211013/lernajin-gharabaghi-kargavitshaki-harcy-vagh-te-ush-petq-e-qnnarkvi-qaghaqaget-34237844.html
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արցախ, ռուսաստան, ադրբեջան, հրադադար, հրադադար արցախում, արցախյան պատերազմ, խաղաղապահներն արցախում, հայ գերիներ, անհետ կորածներ
արցախ, ռուսաստան, ադրբեջան, հրադադար, հրադադար արցախում, արցախյան պատերազմ, խաղաղապահներն արցախում, հայ գերիներ, անհետ կորածներ
«Բոլոր ձվերը 1 զամբյուղում դնելը ոչ միշտ է ձեռնտու»․ Վոյտոլովսկին՝ Բաքվի և Անկարայի մասին
Ռուս փորձագետի կարծիքով՝ Արցախում սադրանքներն անխուսափելի են։ Այլ բան է, որ Ռուսաստանը վճռականորեն կասեցնելու է հարցը ռազմական ճանապարհով լուծելու փորձերը։
ԵՐԵՎԱՆ, 20 հոկտեմբերի - Sputnik. Լեռնային Ղարաբաղի շփման գծում վերջին օրերին լարվածության աճը պայմանավորված է ճգնաժամը ռազմական ճանապարհով լուծելու հնարավորության մասին դեռևս պահպանվող պատրանքներով: Դա ընդամենը պատրանք է, քանի որ այնտեղ տեղակայված են ռուս խաղաղապահները։
Sputnik Արմենիայի հետ զրույցում նման կարծիք հայտնեց ՌԳԱ թղթակից անդամ, քաղաքական գիտությունների դոկտոր, ՌԳԱ Համաշխարհային տնտեսության և միջազգային հարաբերությունների ինստիտուտի տնօրեն Ֆյոդոր Վոյտոլովսկին՝ մեկնաբանելով հակամարտության գոտում վերջին միջադեպերը։
18 հոկտեմբերի 2021, 23:38
Նրա խոսքով՝ Ռուսաստանը կապահովի հրադադարի ռեժիմն ու կկասեցնի ցանկացած սադրանք, որ դրանք չհանգեցնեն ռազմական գործողությունների վերսկսմանը: Միևնույն ժամանակ նա կարծում է, որ երբ կա կողմերի շփման գիծ, երբ միմյանց դեմ կանգնած են զինվորականները, երբ թարմ է հիշողությունը պատերազմի մասին` սադրանքներն անխուսափելի են։
«Երբեմն լարվածությունն այնքան մեծ է, որ ցանկացած պահի նույնիսկ մանրուքը կարող է հանգեցնել հրադադարի ռեժիմի տապալմանը։ Ընդ որում. իմ կարծիքով` պատրանքներ կան, որ կարելի է ճգնաժամը ռազմական ճանապարհով ավարտել կամ ռազմական ճանապարհով լուծել տարածքային խնդիրները։ Բայց դա չի կարող տեղի ունենալ», - ասաց Վոյտոլովսկին։
Մեր զրուցակիցն արձանագրում է Թուրքիայի աճող ազդեցությունը Հարավային Կովկասում և, մասնավորապես, Ադրբեջանում։ Նրա խոսքով՝ Անկարան ուզում է Ադրբեջանին հենակետ դարձնել իր ազդեցության հետագա ընդլայնման համար։ Սակայն պետք է նկատի ունենալ, որ թուրք-ադրբեջանական հարաբերությունների խորացումը միշտ չէ, որ կարող է համապատասխանել Բաքվի շահերին։
«Կա «մեկ ազգ, երկու պետության» վերջնական գաղափարախոսությունը։ Բայց Ադրբեջանի համար հիմնավորված հարց է առաջանում՝ արդյո՞ք այն ուզում է հետագայում ինքնուրույն խաղացող լինել համաշխարհային քաղաքականության մեջ։ Պետք է նկատել նաև, որ Բաքուն խիստ շահագրգռված է Մոսկվայի հետ առևտրատնտեսական հարաբերությունների զարգացմամբ, իսկ Ռուսաստանում գոյություն ունի ադրբեջանական մեծ համայնք։ Եվ միշտ չէ, որ ձեռնտու է բոլոր ձվերը մեկ զամբյուղի մեջ դնելը», - ասում է ռուս վերլուծաբանը։
Նրա խոսքով՝ այդ ամենի հետ մեկտեղ, Ադրբեջանի հետ ինտեգրման ու փոխգործակցության մակարդակը համադրելի չէ Հայաստանի հետ առկա համագործակցության մակարդակի հետ: Ռուսաստանն ու Հայաստանը ՀԱՊԿ հիմնադիր երկրներ են, միասին անդամակցում են Եվրասիական տնտեսական միությանը, գոյություն ունի խորը տնտեսական, ռազմաքաղաքական ինտեգրում, դաշնակցային հարաբերություններ։
13 հոկտեմբերի 2021, 13:25
Ավելին, Վոյտոլովսկին համոզված է՝ որպես արձագանք տարածաշրջանում առկա պայթյունավտանգ իրավիճակին՝ Ռուսաստանը պետք է ձգտի Երևանի հետ ռազմական համագործակցության շարունակական ամրապնդմանն ու ընդլայնմանը։ Նրա կարծիքով՝ Ռուսաստանին տնտեսական և ռազմական առումով ուժեղ Հայաստան է պետք։
Հիշեցնենք` Ադրբեջանի զինված ուժերը հոկտեմբերի 14–ի երեկոյան կրակել էին Արցախի Մարտունու շրջանի Նոր Շեն բնակավայրի ուղղությամբ։ Լարվածություն է եղել նաև Ասկերանի շրջանի Հարավ գյուղի ուղղությամբ։
Հայկական կողմից կա 6 վիրավոր։
Նույն օրը Բաքվում հայտարարել են, թե իբր հայ դիպուկահարի կրակոցից զոհվել է զինծառայող Աֆղան Համզաևը: Ստեփանակերտում հերքել են՝ ենթադրելով, որ զինվորականի մահը կարող էր ոչ կանոնադրական հարաբերությունների հետևանք լինել։
Ադրբեջանական կողմը շարունակել է հրադադարի խախտումները նաև հոկտեմբերի 15-ին`
Արցախի հյուսիսարևելյան ուղղությամբ գնդակոծելով ՊԲ–ի սանիտարական մեքենան:
