https://arm.sputniknews.ru/20211012/restvoranner-miajn-patvastvats-kam-pshr-testervov-an-i-khstacumnern-ajdqan-anhrazhesht-en-34226152.html

Ռեստորաններ` միայն պատվաստված կամ ՊՇՌ թեստերով. ԱՆ-ի խստացումներն այդքան անհրաժե՞շտ են

Ռեստորաններ` միայն պատվաստված կամ ՊՇՌ թեստերով. ԱՆ-ի խստացումներն այդքան անհրաժե՞շտ են

Sputnik Արմենիա

Առողջապահության նախարարության առաջնային խնդիրը պատվաստանյութի նկատմամբ հանրության վստահությանը հասնելն ու հակահամաճարակային կանոնների պահպանումն է։ 12.10.2021, Sputnik Արմենիա

2021-10-12T23:04+0400

2021-10-12T23:04+0400

2021-10-12T23:32+0400

հայաստան

ռեստորան

պատվաստում

կորոնավիրուս

անահիտ ավանեսյան

https://cdn.am.sputniknews.ru/img/2336/01/23360104_0:150:1601:1050_1920x0_80_0_0_f423d021f357cfa544a79cf174856ab3.jpg

ԵՐԵՎԱՆ, 12 հոկտեմբերի – Sputnik, Լաուրա Սարգսյան. ՀՀ առողջապահության նախարարությունն ակտիվորեն քննարկում է քաղաքացիների շրջանում պատվաստման մակարդակը բարձրացնելու նոր մեխանիզմների ներդրման հնարավորությունը։Առաջարկներից մի քանիսն արդեն իսկ խիստ բացասական գնահատականի են արժանացել բնակչության լայն շերտերի կողմից։ Այսպես, օրինակ, առողջապահության նախարարության այն գաղափարը, որ անհրաժեշտ է դադարեցնել չպատվաստված քաղաքացիների բուժման սուբսիդավորումը, փշերով է ընդունվել։ Գերատեսչությունը պնդում է, որ յուրաքանչյուր նման պացիենտի բուժումը 800 հազար դրամ է կազմում։ Բացի այդ քննարկվում է զվարճանքի վայրեր մարդկանց թողնել պատվաստումը հավաստող սերտիֆիկատի ներկայացման կամ բացասական ՊՇՌ թեստերի առկայության դեպքում։Sputnik Արմենիայի թղթակցի հետ զրույցում ՀՀ առողջապահության նախարարության մամուլի քարտուղար Հռիփսիմե Խաչատրյանը պարզաբանեց, որ այս և այլ առաջարկներ դեռ քննարկման փուլում են։«Կորոնավիրուսի դեմ պայքարի միջոցները պետք է մշտապես փոփոխվեն։ Մենք ճկուն մեխանիզմներ ենք ներդնում` ելնելով իրավիճակից։ Խստացումները պայմանավորված են վերակենդանացման բաժանմունքներում տեղերի խիստ պակասով։ Քովիդի բուժման համար 20 բուժկենտրոն է ներգրավված։ Հիվանդանոցներում ծայրահեղ լարված իրավիճակ է», – ասաց Խաչատրյանը։Գերատեսչությունում կարծում են, որ իրավիճակը կարող է փոխվել, եթե շատերը պատվաստվեն։ Արդյունավետ մեխանիզմ կարող է լինել մարդկանց մեծ կուտակումների վայրերում ֆիլտրերի ներդնումը։Խաչատրյանն օրինակ բերեց միջազգային փորձը։ Այսպես, օրինակ, գերմանական մեծ ընկերություններում չպատվաստված աշխատակիցներին թույլ են տալիս աշխատավայր մտնել միայն բացասական ՊՇՌ թեստի առկայության դեպքում։Չարաշահումներ COVID-19-ի դեմ պատվաստման գործընթացքում․ ձերբակալվել է 3 բուժաշխատողԻնչ վերաբերում է Հայաստանին, խստացումները փուլ առ փուլ կլինեն, սակայն դեռ հստակ պարզ չէ`երբ և կոնկրետ ինչ միջոցներ կկիրառվեն առաջին փուլում։Իսկ սպառողների շահե՞րըSputnik Արմենիայի հետ զրույցում «Սպառողների խորհրդատվության կենտրոն»ՀԿ–ի նախագահ Կարեն Չիլինգարյանը նշեց, որ Հայաստանը պատվաստված քաղաքացիների թվով խիստ հետ է հարևան երկրներից։ Առողջապահության նախարարության գործողությունները, ըստ նրա, անհրաժեշտ է դիտարկել այս իրողության պրիզմայով, առավել ևս, որ խոսքը հանրային առողջության մասին է։«Իրազեկ և պաշտպանված սպառող» ՀԿ նախագահ Բաբկեն Պիպոյանն իր հերթին Sputnik Արմենիայի հետ զրույցում ընդգծեց, որ դա բարդ հարց է և միանշանակ պատասխան այստեղ չկա։ Պիպոյանը կարծում է, որ առողջապահության նախարարության գլխավոր խնդիրը պատվաստման նկատմամբ քաղաքացիների վստահությունը բարձրացնելն է, իսկ դիտարկվող մեխանիզմները վաղուց կիրառվում են տարբեր երկրներում։«Անհնար է միջազգային փորձը վերցնել և կիրառել առանց լայն քննարկման և դրա հետևանքների համալիր ուսումնասիրման, հատկապես Հայաստանի նման երկրի համար», – ասաց Պիպոյանը։Պիպոյանը կարծում է, որ այս կամ այն խստացումը մտցնելուց առաջ անհրաժեշտ է պարզել, թե արդյոք պահպանվում են նախկինում սահմանված կանոնները. փակ տարածքներում քաղաքացիները դիմակ են դնո՞ւմ և այլն։ Եթե ԱՆ–ն որոշի սահմանափակումներ կիրառել ռեստորաններ այցելելու համար, ապա ՊՇՌ թեստեր ներկայացնելու անհրաժեշտություն կլինի նաև տրանսպորտ նստելիս` հաշվի առնելով այն, թե ինչ պայմաններում են քաղաքացիները տեղաշարժվում քաղաքով։Իսկ ռեստորաննե՞րըԶվարճանքի վայրեր այցելելու հետ կապված սահմանափակումները նախևառաջ կհարվածեն ռեստորանային բիզնեսին։ Ինչպես հայտնի է, ծառայությունների ոլորտը համավարակից ամենաշատ տուժածներից մեկն է եղել։ Հայաստանում նման հաստատությունների 2020 թվականի միջին եկամուտը կազմել է 2019 թվականի եկամտի ողջ ծավալի 10%–ը։ Միևնույն ժամանակ հաստատության նորմալ գործունեության համար անհրաժեշտ է 70% շրջանառություն ապահովել, որի 50%–ը գնում է վարձակալության և աշխատակիցների աշխատավարձերի վրա։ Եթե շրջանառությունը 10% է կազմում, հաստատությունը 50-60% վնասով է աշխատում։Մարգարյանը նշեց, որ եթե ռեստորանների հետ կապված նման խիստ որոշում կայացվի, դա կրկին կհարվածի ոլորտին, իսկ հետևանքները կարող են շատ ծանր լինել։«Հաճախորդների թիվը կկրճատվի առնվազն 10-20%–ով։ Հայտնի չէ` կկարողանան ռեստորանները դիմանալ նոր փոփոխություններին», – ասաց Մարգարյանը։ՀՀ-ում կորոնավիրուսից մահացել է պատվաստված քաղաքացի. Անահիտ ԱվանեսյանՆրա խոսքով` խնդիրը ոչ թե նոր մեխանիզմների ներդրման մեջ է, այլ բնակչության շրջանում պատվաստման նկատմամբ վստահությունը բարձրացնելու։

https://arm.sputniknews.ru/20211012/hh-azh-shenq-kkarvoghanan-mutq-gvortsel-miajn-patvastvats-andzinq-34201510.html

https://arm.sputniknews.ru/20211012/kvorvonavirusi-dem-patvastum-irakanacnvogh-sharzhakan-kajanneri-grafiky-pvokhvel-e-34196386.html

2021

Լուրեր

am_HY

հայաստան, ռեստորան, պատվաստում, կորոնավիրուս, անահիտ ավանեսյան