https://arm.sputniknews.ru/20211010/mets-haghtanaki-demqery-hajrenakani-haghtanakn-orinak-dardzav-eritasardneri-hamar-34141241.html

Բացվել է «Մեծ հաղթանակի դեմքերը» ֆոտոցուցահանդեսը. Հայրենականի հաղթանակն օրինակ դարձավ

Բացվել է «Մեծ հաղթանակի դեմքերը» ֆոտոցուցահանդեսը. Հայրենականի հաղթանակն օրինակ դարձավ

Sputnik Արմենիա

Լուսանկարիչը շրջել է Հայաստանի ավելի քան հինգ տասնյակ գյուղերում և քաղաքներում՝ պատմության համար անմահացնելով պատերազմի վետերանների դեմքերը։ 10.10.2021, Sputnik Արմենիա

2021-10-10T16:16+0400

2021-10-10T16:16+0400

2021-10-10T16:31+0400

հայաստան

ռուսաստան

հայրենական մեծ պատերազմ

ցուցահանդես

լուսանկար

երևան

հայրենական մեծ պատերազմի վետերան

https://cdn.am.sputniknews.ru/img/07e5/0a/0a/34137649_0:57:1100:676_1920x0_80_0_0_3cdeca1de40b158ac43b87938f151ef5.jpg

ԵՐԵՎԱՆ, 10 հոկտեմբերի - Sputnik. Երևանում բացվել է «Մեծ հաղթանակի դեմքերը» ֆոտոցուցահանդեսը։ Տեղեկությունը հայտնում է Ռուսական տան մամուլի ծառայությունը։ «Դվին» հյուրանոցային համալիրի ցուցասրահում տեղի ունեցած հանդիսավոր արարողության ժամանակ Հայաստանում Ռուսաստանի արտակարգ և լիազոր դեսպան Սերգեյ Կոպիրկինը նշել է, որ այս ֆոտոցուցահանդեսը ոչ միայն հնարավորություն է տալիս հարգանքի տուրք մատուցել Հայրենական մեծ պատերազմի վետերաններին, այլև պահպանել պատմական հիշողությունը, այդ իրադարձությունների մասին ճշմարտությունը փոխանցել։ Իսկ ամսաթիվը պատահական չի ընտրված: 1943 թվականի հոկտեմբերի 9-ին Կովկասի համար մղվող ճակատամարտում խորհրդային բանակը ջախջախիչ հաղթանակ տարավ ֆաշիստական զորքերի նկատմամբ։ Ռուսաստանում, ի հիշատակ այդ պատմական իրադարձության, նշվում է Ռազմական փառքի օրը: Բացի այդ, դա Երևանի ծննդյան օրն է։ «Այսպիսի իրադարձությունները տարիների ընթացքում ավելի ու ավելի արժեքավոր են դառնում: Որքան ավելի հեռանում ենք Հայրենական մեծ պատերազմի ողբերգական օրերից, այնքան ավելի լավ ենք հասկանում դրանց իմաստը, և այնքան ավելի երախտապարտ ենք ձեզ՝ նրանց, ովքեր չխնայեցին իրենց՝ հաղթանակը կերտելու համար», - ասել է Սերգեյ Կոպիրկինը: Դեսպանը վետերաններին մաղթել է քաջ առողջություն ու էներգիա։ Շեշտել է. «Դուք մեզ իսկապես պետք եք, որպեսզի հիշենք կատարվածը և երբեք թույլ չտանք, որ այն կրկնվի»։ Ֆոտոցուցահանդեսի բացմանը ներկա է եղել նաև ՀՀ կրթության, գիտության, մշակույթի և սպորտի նախարար Վահրամ Դումանյանը։ Դիմելով վետերաններին՝ նա նշել է, որ Հայրենական մեծ պատերազմում հաղթանակն օրինակ դարձավ երիտասարդների համար, սովորեցրեց նրանց մինչև վերջ պաշտպանել հայրենիքը: «Շատ կուզենայի, որ դուք դառնայիք վետերանների վերջին սերունդը, ում առջև մենք կխոնարհվեինք, որպեսզի ձեր փառահեղ պատմությունը փակեր պատերազմների էջը: Բայց Հայրենական մեծ պատերազմը չդարձավ վերջինը, և այժմ մենք ունենք վետերանների տարբեր սերունդներ: Սակայն վստահ եղեք, որ վետերանների այս նոր սերունդը ձեր դաստիարակության արդյունքն է, նրանք մեծացել են ձեր օրինակով»,- ասել է նախարարը։ «Մեծ հաղթանակի դեմքերը» ֆոտոցուցահանդեսը, որը կտևի մեկ շաբաթ, կազմակերված է Երևանում Ռուսական տան («Ռոսսոտրուդնիչեստվո Հայաստանում») կողմից՝ Հայաստանում Ռուսաստանի դեսպանատան աջակցությամբ, «Թովմասյան» միջազգային հիմնադրամի հետ համատեղ, ՎՏԲ-Հայաստան բանկի ֆինանսավորմամբ: Նախագիծը նվիրված է Հայրենական մեծ պատերազմի վետերաններին, նրանց, ովքեր ճակատում էին կամ ծառայում էին ընդհանուր գործին թիկունքում: Սա ծավալուն աշխատանքի արդյունք է: Լուսանկարիչ Տաթև (Ազատուհի) Մնացականյանը շրջել է Հայաստանի ավելի քան 50 քաղաքներում և գյուղերում՝ այցելելով ամենահեռավոր շրջանները և նկարել է 110 վետերանների դեմքերը` պատմության մեջ նրանցից յուրաքանչյուրի կերպարը պահպանելու համար:

երևան

2021

Լուրեր

am_HY

հայաստան, ռուսաստան, հայրենական մեծ պատերազմ, ցուցահանդես, լուսանկար, երևան, հայրենական մեծ պատերազմի վետերան