https://arm.sputniknews.ru/20211008/qpakan-patgamavvory-giti-te-sdn-inch-vorvoshum-kkajacni-hamajnqneri-khvoshvoracman-harcvov-34069558.html

ՔՊ–ական պատգամավորը գիտի, թե ՍԴ–ն ինչ որոշում կկայացնի համայնքների խոշորացման հարցով

ՔՊ–ական պատգամավորը գիտի, թե ՍԴ–ն ինչ որոշում կկայացնի համայնքների խոշորացման հարցով

Sputnik Արմենիա

Հերիքնազ Տիգրանյանը համոզված է` համայնքների խոշորացման վերաբերյալ օրենսդրությունը հակասահմանադրականության տարր չի պարունակում։ 08.10.2021, Sputnik Արմենիա

2021-10-08T12:49+0400

2021-10-08T12:49+0400

2021-10-08T12:52+0400

հայաստան

աժ (ազգային ժողով)

սահմանադրական դատարան

համայնքների խոշորացում

«հայաստան» դաշինք

https://cdn.am.sputniknews.ru/img/07e4/09/1a/24601626_0:85:1600:985_1920x0_80_0_0_d5b5edfe0fea3354bdedede4cf05deb0.jpg

ԵՐԵՎԱՆ, 8 հոկտեմբերի – Sputnik. «Հայաստան» խմբակցության կողմից Սահմանադրական դատարան դիմելու փաստը հիմք չէ, որպեսզի համայնքների խոշորացման պրոցեսը չշարունակվի։ Խորհրդարանական ճեպազրույցների ժամանակ հայտարարեց ՔՊ–ական պատգամավոր Հերիքնազ Տիգրանյանը ։Այսօր հայտնի դարձավ, որ «Հայաստան» խմբակցությունը համայնքների խոշորացման վերաբերյալ օրենսդրական փաթեթը վիճարկել է Սահմանադրական դատարանում:«ՍԴ դիմելով համայնքների խոշորացման գործընթացը չի կասեցվում։ Այո, խոշորացումը ուղղակիորեն և անուղղակիորեն կապված է նաև համայնքներում ընտրական պրոցեսների հետ, բայց կարծում եմ, որ գործընթացը բնականոն հունով կշարունակվի, մինչև ՍԴ-ն որոշում կկայացնի»,–ասաց Տիգրանյանը։Նա նշեց, թե վստահ է` ՍԴ–ն ինչ որոշում պետք է կայացնի, սակայն եթե բարձրաձայնի, կասեն՝ իշխանական պատգամավորը կանխակալ կարծիք է հայտնում։ Պատգամավորի խոսքով` խոշորացման գործընթացը Հայաստանում նոր չէ, որ սկսվել է, և այդ գործընթացի սահմանադրականությունը երբևէ չի վիճարկվել։Տիգրանյանը համոզված է` համայնքների խոշորացման վերաբերյալ օրենսդրությունը հակասահմանադրականության տարր չի պարունակում։Հիշեցնենք՝ սեպտեմբերի 24-ին Ազգային ժողովը երկրորդ ընթերցմամբ և ամբողջությամբ ընդունեց «ՀՀ վարչատարածքային բաժանման մասին» օրենքում փոփոխություններ և լրացումներ կատարելու մասին և «Տեղական ինքնակառավարման մասին» օրենքում լրացումներ և փոփոխություն կատարելու մասին օրենսդրական փաթեթ։Ըստ այդմ` Հայաստանը կունենա 78 համայնք, որոնցից 71-ը՝ միավորված:Նշենք, որ ԱԺ ընդդիմադիր խմբակցությունները չմասնակցեցին քվեարկությանը։

https://arm.sputniknews.ru/20210924/hamajnqneri-khoshvoracman-himnakan-bactoghumy-masnagety-hetevanqneri-masin-33623033.html

2021

Լուրեր

am_HY

հայաստան, աժ (ազգային ժողով), սահմանադրական դատարան, համայնքների խոշորացում, «հայաստան» դաշինք