https://arm.sputniknews.ru/20211004/chenq-sahmanum-anhaghtahareli-nshadzvogher-pashinjany-vilnjusum-khvosel-e-hh-apagaji-masin-33930525.html
Չենք սահմանում անհաղթահարելի նշաձողեր. Փաշինյանը Վիլնյուսում խոսել է ՀՀ ապագայի մասին
Չենք սահմանում անհաղթահարելի նշաձողեր. Փաշինյանը Վիլնյուսում խոսել է ՀՀ ապագայի մասին
Sputnik Արմենիա
Վարչապետի խոսքով` իշխանությունների գործունեությունն ընտրություններից հետո արժանանում է սուր քննադատության, բայց դրա պատճառները հասկանալի են իր համար։ 04.10.2021, Sputnik Արմենիա
2021-10-04T19:46+0400
2021-10-04T19:46+0400
2021-10-04T19:48+0400
հայաստան
նիկոլ փաշինյան
https://cdn.am.sputniknews.ru/img/07e5/0a/04/33927586_0:78:1600:979_1920x0_80_0_0_1b552b9d1e3c765749f2b652758f886f.jpg
ԵՐԵՎԱՆ, 4 հոկտեմբերի - Sputnik. Պաշտոնական այցով Լիտվայում գտնվող վարչապետ Նիկոլ Փաշինյանն այցելել է Վիլնյուսում գտնվող Արևելյան Եվրոպայի հետազոտությունների կենտրոն, հանդիպել փորձագիտական համայնքի ներկայացուցիչների հետ։ Տեղեկությունը հայտնում է վարչապետի մամուլի ծառայությունը։Ըստ հաղորդագրության` Փաշինյանն անդրադարձել է հունիսին կայացած խորհրդարանական ընտրություններին` ասելով, որ դրանք լուծել են երկրի ներքաղաքական ճգնաժամը:«Սովորաբար ընտրությունները մեր երկրում հարուցել են ներքաղաքական ճգնաժամեր, և թերևս ամենաաղմկոտ ներքաղաքական խնդիրները մեր երկրի պատմության ընթացքում ծագել են ընտրություններին հաջորդող շրջանում: Սա առաջին դեպքն է, երբ ընտրությունները դարձել են ճգնաժամի հաղթահարման գործիք, այլ ոչ թե առիթ», – ասել է նա։Փաշինյանը նշել է, որ նախընտրական քարոզարշավի ժամանակ իր թիմը լսել է` ինչ է մտածում ՀՀ քաղաքացին իր երկրի ապագայի մասին, և կառավարությունն ըստ այդմ ձևակերպել է Հայաստանի և տարածաշրջանի համար խաղաղ զարգացման դարաշարջան բացելու անհրաժեշտությունը։ Վարչապետն ավելացրել է, որ դա արժանանում է նաև քննադատության, ինչը հասկանալի է:«Որովհետև ամեն օր տեղի են ունենում իրադարձություններ, որոնք մեծ հաշվով կասկածի տակ են դնում այն, թե ինչքանով է հնարավոր խաղաղությունը մեր տարածաշրջանում կամ պատեհ այն իրավիճակին, որ ունենք մեր տարածաշրջանում՝ Հայաստանի Հանրապետության և Լեռնային Ղարաբաղի հակամարտության շուրջ: Բայց մեր դիրքորոշումը հստակ է, որ ի հեճուկս բոլոր այն հանգամանքների, որոնք կասկածի տակ են դնում խաղաղության օրակարգի մրցունակությունը, մենք հետևողականորեն պիտի առաջ շարժվենք այդ ճանապարհով: Մենք կարծում ենք, որ պետք է որդեգրել փոքր քայլերի քաղաքականություն չշտապելով սահմանել անհաղթահարելի նշաձողեր»,– ասել է Փաշինյանը։Այնուհետև կառավարության ղեկավարը պատասխանել է փորձագետների հարցերին, որոնք վերաբերել են Հարավային Կովկասում խաղաղության հեռանկարներին, ԼՂ հակամարտության կարգավորման գործընթացին, Հայաստանում ժողովրդավարական բարեփոխումների իրականացմանը, Հայաստան-Եվրոպական միություն հարաբերությունների զարգացմանը և մի շարք այլ թեմաների:
https://arm.sputniknews.ru/20211004/hajkakan-kvoghmy-hastatum-e-vor-pashinjann-u-putiny-handipelu-en-33929298.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նիկոլ փաշինյան
Չենք սահմանում անհաղթահարելի նշաձողեր. Փաշինյանը Վիլնյուսում խոսել է ՀՀ ապագայի մասին
19:46 04.10.2021 (Թարմացված է: 19:48 04.10.2021) Վարչապետի խոսքով` իշխանությունների գործունեությունն ընտրություններից հետո արժանանում է սուր քննադատության, բայց դրա պատճառները հասկանալի են իր համար։
ԵՐԵՎԱՆ, 4 հոկտեմբերի - Sputnik. Պաշտոնական այցով Լիտվայում գտնվող վարչապետ Նիկոլ Փաշինյանն այցելել է Վիլնյուսում գտնվող Արևելյան Եվրոպայի հետազոտությունների կենտրոն, հանդիպել փորձագիտական համայնքի ներկայացուցիչների հետ։ Տեղեկությունը հայտնում է
վարչապետի մամուլի ծառայությունը։
Ըստ հաղորդագրության` Փաշինյանն անդրադարձել է հունիսին կայացած խորհրդարանական ընտրություններին` ասելով, որ դրանք լուծել են երկրի ներքաղաքական ճգնաժամը:
«Սովորաբար ընտրությունները մեր երկրում հարուցել են ներքաղաքական ճգնաժամեր, և թերևս ամենաաղմկոտ ներքաղաքական խնդիրները մեր երկրի պատմության ընթացքում ծագել են ընտրություններին հաջորդող շրջանում: Սա առաջին դեպքն է, երբ ընտրությունները դարձել են ճգնաժամի հաղթահարման գործիք, այլ ոչ թե առիթ», – ասել է նա։
Փաշինյանը նշել է, որ նախընտրական քարոզարշավի ժամանակ իր թիմը լսել է` ինչ է մտածում ՀՀ քաղաքացին իր երկրի ապագայի մասին, և կառավարությունն ըստ այդմ ձևակերպել է Հայաստանի և տարածաշրջանի համար խաղաղ զարգացման դարաշարջան բացելու անհրաժեշտությունը։ Վարչապետն ավելացրել է, որ դա արժանանում է նաև քննադատության, ինչը հասկանալի է:
«Որովհետև ամեն օր տեղի են ունենում իրադարձություններ, որոնք մեծ հաշվով կասկածի տակ են դնում այն, թե ինչքանով է հնարավոր խաղաղությունը մեր տարածաշրջանում կամ պատեհ այն իրավիճակին, որ ունենք մեր տարածաշրջանում՝ Հայաստանի Հանրապետության և Լեռնային Ղարաբաղի հակամարտության շուրջ: Բայց մեր դիրքորոշումը հստակ է, որ ի հեճուկս բոլոր այն հանգամանքների, որոնք կասկածի տակ են դնում խաղաղության օրակարգի մրցունակությունը, մենք հետևողականորեն պիտի առաջ շարժվենք այդ ճանապարհով: Մենք կարծում ենք, որ պետք է որդեգրել փոքր քայլերի քաղաքականություն չշտապելով սահմանել անհաղթահարելի նշաձողեր»,– ասել է Փաշինյանը։
Այնուհետև կառավարության ղեկավարը պատասխանել է փորձագետների հարցերին, որոնք վերաբերել են Հարավային Կովկասում խաղաղության հեռանկարներին, ԼՂ հակամարտության կարգավորման գործընթացին,
Հայաստանում ժողովրդավարական բարեփոխումների իրականացմանը,
Հայաստան-Եվրոպական միություն հարաբերությունների զարգացմանը և մի շարք այլ թեմաների:
