https://arm.sputniknews.ru/20211002/davit-tvonvojann-ir-dem-harucvats-qreakan-gvortsvov-ar-ajsor-voch-mi-cucmunq-chi-tvel-pastaban-33856361.html
Դավիթ Տոնոյանն իր դեմ հարուցված քրեական գործով առ այսօր ոչ մի ցուցմունք չի տվել. փաստաբան
Դավիթ Տոնոյանն իր դեմ հարուցված քրեական գործով առ այսօր ոչ մի ցուցմունք չի տվել. փաստաբան
Sputnik Արմենիա
Տոնոյանի առողջական վիճակն ու տրամադրությունը լավ են։ Միակ խանգարող բանն անազատությունն է ու անհիմն կալանքի տակ գտնվելը։ 02.10.2021, Sputnik Արմենիա
2021-10-02T11:26+0400
2021-10-02T11:26+0400
2021-10-02T11:29+0400
հայաստան
դավիթ տոնոյան
https://cdn.am.sputniknews.ru/img/2089/57/20895702_0:0:1600:901_1920x0_80_0_0_978252cfd53b76957cd45923cf3ae441.jpg
ԵՐԵՎԱՆ, 2 հոկտեմբերի — Sputnik. ՀՀ պաշտպանության նախկին նախարար Դավիթ Տոնոյանն իր դեմ հարուցված քրեական գործի շրջանակում ցուցմունքներ չի տվել` օգտվելով իր այդ իրավունքից։ Այս մասին Sputnik Արմենիայի հետ զրույցում ասաց նրա փաստաբան Սերգեյ Հովհաննիսյանը։Նա, սակայն, չբացառեց, որ առաջիկայում Տոնոյանը կփոխի իր մարտավարությունը։Փաստաբանը նաև հայտնեց, որ քրեական գործում Տոնոյանի դեմ ևս ցուցմունքներ չկան։ Ըստ նրա` Տոնոյանի դեմ չկան նաև այլ փաստեր ու ապացույցներ։«Պարոն Տոնոյանի դեմ առհասարակ ոչինչ չկա»,– ասաց Հովհաննիսյանը։Փաստաբանը հիշեցրեց, որ Տոնոյանը չի ընդունում իրեն առաջադրված մեղադրանքն ու համարում է այն անհիմն։Ինչ վերաբերում է հոկտեմբերի 30-ին նախկին նախարարի դեմ դատարանի կայացրած կալանքի որոշմանը, փաստաբանը հայտնեց, որ դրա հիմքում դրվել է այն հանգամանքը, որ, հաշվի առնելով Տոնոյանի բարձր հեղինակությունը, նա, ազատության մեջ մնալով, կարող է խոչընդոտել գործի քննությանը։Երկուշաբթի` հոկտեմբերի 4-ին, Տոնոյանի փաստաբանը բողոք է ներկայացնելու Վերաքննիչ դատարան` վերանայելու խափանման միջոցի վերաբերյալ ընդհանուր իրավասության դատարանի որոշումը։Փաստաբանը նաև հայտնեց, որ Տոնոյանը գտնվում է Երևանի «Կենտրոն» ՔԿՀ–ում։ «Առողջական վիճակը լավ է, ինքը տոկուն է։ Տրամադրությունը լավ է։ Միակ խանգարող բանն անազատությունն է ու անհիմն կալանքի տակ գտնվելը»,– հայտնեց փաստաբանը։Հիշեցնենք` սեպտեմբերի 30-ին ԱԱԾ–ն հայտնել էր, որ Դավիթ Տոնոյանն ու զենքի մատակարարմամբ զբաղվող Դավիթ Գալստյանը ձերբակալվել են առանձնապես խոշոր չափերի հափշտակություն կատարելու կասկածանքով։ Իսկ ավելի վաղ` սեպտեմբերի 25-ին ԱԱԾ-ն տեղեկացրել էր, որ ԶՈւ ավիացիայի նախկին պետ Ավետիք Մուրադյանն է ձերբակալվել նյութական ծանր հետևանքների առաջացմամբ իշխանությունը չարաշահելու և պաշտոնեական կեղծիքներ կատարելու կասկածանքով։ Ըստ հաղորդագրության` նա ի պաշտոնե տեղյակ է եղել, որ դեռևս 2011 թվականին զենք և ռազմամթերք մատակարարող կազմակերպություններից մեկը ՀՀ է ներմուծել 1985-1991 թվականների արտադրության հրթիռներ։ Մատակարարումից որոշ ժամանակ անց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 2020 թվականի սեպտեմբերի 27-ին սկսված 44-օրյա պատերազմի ժամանակ:Սեպտեմբերի 30-ին Տոնոյանն ու Գալստյանը կալանավորվել էին։
https://arm.sputniknews.ru/20211001/dzerbakalvel-e-gsh-peti-teghakal-stepan-galstjany-33830206.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, դավիթ տոնոյան
Դավիթ Տոնոյանն իր դեմ հարուցված քրեական գործով առ այսօր ոչ մի ցուցմունք չի տվել. փաստաբան
11:26 02.10.2021 (Թարմացված է: 11:29 02.10.2021) Տոնոյանի առողջական վիճակն ու տրամադրությունը լավ են։ Միակ խանգարող բանն անազատությունն է ու անհիմն կալանքի տակ գտնվելը։
ԵՐԵՎԱՆ, 2 հոկտեմբերի — Sputnik. ՀՀ պաշտպանության նախկին նախարար Դավիթ Տոնոյանն իր դեմ հարուցված քրեական գործի շրջանակում ցուցմունքներ չի տվել` օգտվելով իր այդ իրավունքից։ Այս մասին
Sputnik Արմենիայի հետ զրույցում ասաց նրա փաստաբան Սերգեյ Հովհաննիսյանը։
Նա, սակայն, չբացառեց, որ առաջիկայում Տոնոյանը կփոխի իր մարտավարությունը։
«Ցուցմունքներ չենք տվել` զուտ մեր մարտավարությունից ելնելով։ Քննության հետագա փուլերում, կողմնորոշվելով վարույթն իրականացնող մարմնի ձեռնարկած միջոցներով, նաև հնարավոր է` ցուցմունքներ տանք և բոլոր հարցերին տանք իրենց պատասխանները»,– ասաց նա։
Փաստաբանը նաև հայտնեց, որ քրեական գործում Տոնոյանի դեմ ևս ցուցմունքներ չկան։ Ըստ նրա` Տոնոյանի դեմ չկան նաև այլ փաստեր ու ապացույցներ։
«Պարոն Տոնոյանի դեմ առհասարակ ոչինչ չկա»,– ասաց Հովհաննիսյանը։
Փաստաբանը հիշեցրեց, որ Տոնոյանը չի ընդունում իրեն առաջադրված մեղադրանքն ու համարում է այն անհիմն։
Ինչ վերաբերում է հոկտեմբերի 30-ին նախկին նախարարի դեմ դատարանի կայացրած կալանքի որոշմանը, փաստաբանը հայտնեց, որ դրա հիմքում դրվել է այն հանգամանքը, որ, հաշվի առնելով Տոնոյանի բարձր հեղինակությունը, նա, ազատության մեջ մնալով, կարող է խոչընդոտել գործի քննությանը։
Երկուշաբթի` հոկտեմբերի 4-ին, Տոնոյանի փաստաբանը բողոք է ներկայացնելու Վերաքննիչ դատարան` վերանայելու խափանման միջոցի վերաբերյալ ընդհանուր իրավասության դատարանի որոշումը։
Փաստաբանը նաև հայտնեց, որ Տոնոյանը գտնվում է Երևանի «Կենտրոն» ՔԿՀ–ում։
«Առողջական վիճակը լավ է, ինքը տոկուն է։ Տրամադրությունը լավ է։ Միակ խանգարող բանն անազատությունն է ու անհիմն կալանքի տակ գտնվելը»,– հայտնեց փաստաբանը։
Հիշեցնենք` սեպտեմբերի 30-ին ԱԱԾ–ն հայտնել էր, որ Դավիթ Տոնոյանն ու զենքի մատակարարմամբ զբաղվող Դավիթ Գալստյանը
ձերբակալվել են առանձնապես խոշոր չափերի հափշտակություն կատարելու կասկածանքով։ Իսկ ավելի վաղ` սեպտեմբերի 25-ին ԱԱԾ-ն տեղեկացրել էր, որ ԶՈւ ավիացիայի նախկին պետ
Ավետիք Մուրադյանն է ձերբակալվել նյութական ծանր հետևանքների առաջացմամբ իշխանությունը չարաշահելու և պաշտոնեական կեղծիքներ կատարելու կասկածանքով։ Ըստ հաղորդագրության` նա ի պաշտոնե տեղյակ է եղել, որ դեռևս 2011 թվականին զենք և ռազմամթերք մատակարարող կազմակերպություններից մեկը ՀՀ է ներմուծել 1985-1991 թվականների արտադրության հրթիռներ։ Մատակարարումից որոշ ժամանակ անց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 2020 թվականի սեպտեմբերի 27-ին սկսված 44-օրյա պատերազմի ժամանակ:
Սեպտեմբերի 30-ին Տոնոյանն ու Գալստյանը կալանավորվել էին։
