https://arm.sputniknews.ru/20211001/hajkakan-mshakujti-paratvon-sakhalinum-hakhnazarjannery-elujt-kunenan-yntaniqvov-33828001.html
Հայկական մշակույթի փառատոն Սախալինում․ Հախնազարյանները ելույթ կունենան ընտանիքով
Հայկական մշակույթի փառատոն Սախալինում․ Հախնազարյանները ելույթ կունենան ընտանիքով
Sputnik Արմենիա
Հախնազարյանների երաժշտական կոլեկտիվը բացառիկ է. դեռ այդպիսի դեպք չի եղել, որ երեք մենակատարներն ու դիրիժորը նույն ընտանիքի ներկայացուցիչներ լինեն։ 01.10.2021, Sputnik Արմենիա
2021-10-01T14:02+0400
2021-10-01T14:02+0400
2021-12-26T10:41+0400
փառատոն
նարեկ հախնազարյան
մշակույթ
https://cdn.am.sputniknews.ru/img/07e5/09/1d/33761531_0:0:1600:901_1920x0_80_0_0_854701363d83d90c8e6724fbc4b2409a.jpg
ԵՐԵՎԱՆ, 1 հոկտեմբերի – Sputnik. Հոկտեմբերի 1-ին Սախալինում կմեկնարկի Հայկական մշակույթի փառատոնը, որի շրջանակում ելույթ կունենա հայտնի երաժիշտների՝ Հախնազարյանների ընտանիքը։ Տեղեկությունը Sputnik Արմենիային հայտնեց թավջութակահար Նարեկ Հախնազարյանը։«Փառատոնը մեկ շաբաթ կտևի, մեր ընտանիքը կկատարի այնպիսի հռչակավոր երաժիշտների ստեղծագործություններ, ինչպիսիք են Բաբաջանյանը, Հարությունյանը, Միրզոյանը, Խուդոյանը և մի շարք այլ հայ կոմպոզիտորներ»,-ասաց Հախնազարյանը։Ընտանեկան ելույթների փորձը Հախնազարյանների համար նոր չէ։ Նրանք նախկինում էլ են հանդես եկել «ընտանեկան ձևաչափով»․ Սուրենը՝ ջութակով, Գայանեն՝ դաշնամուրով, Նարեկը՝ թավջութակով և Տիգրանը՝ դիրիժորական փայտիկով։ Ելույթ են ունեցել նաև Հարավային Սախալինսկի նվագախմբի հետ։Նարեկի խոսքով՝ փորձել են իրենց նման այլ ընտանիքի նախադեպ գտնել, փնտրել են համացանցում, բայց այդպես էլ չեն գտել։ Երկար փնտրուքներից հետո Հախնազարյանները պարզել են, որ աշխարհում չի եղել դեպք, որ երեք մենակատարներն ու դիրիժորը նույն ընտանիքից լինեն․ համացանցում միայն 10 տարի առաջվա սեփական ելույթն են գտել։«Ճակատագիրը ինձ ու եղբորս է նվիրել մեր ծնողներին, որոնք ինչպես մարդկային, այնպես էլ մասնագիտական առումով բացառիկ դաստիարակություն են տվել մեզ։ Մենք բանավոր քննարկման կարիք գրեթե չենք զգում, ամեն ինչ տեղի է ունենում զգայական և բնազդային մակարդակում»,-ասաց Հախնազարյանը։Այս տարի իրագործվել է նաև Նարեկի հին երազանքը՝ ուժերը փորձել որպես դիրիժոր, և սեպտեմբերի 24-ին նա ելույթ է ունեցել բաղձալի դերում։Նարեկն ասում է, որ վեց տարեկանից երազել է ձեռքը վերցնել դիրիժորական փայտիկը և ղեկավարել Չայկովսկու կոնցերտի կատարումը։ Դեռ երկար ճանապարհ կա անցնելու, բայց դեբյուտն արդեն կայացել է։Շատերը դիրիժորի աշխատանքը սկսում են Մոցարտից, Հայդնից, բայց Հախնազարյանը որոշել է բարդ գործից սկսել՝ Պյոտր Չայկովսկու լարայինների համար սերենադից։ Արդեն իսկ ամանորյա համերգներ են ծրագրված Համբուրգում, որտեղ Հախնազարյանը որպես դիրիժոր է հանդես գալու, նախատեսվում է «առանց դիրիժորի» համերգ, որտեղ նա միաժամանակ և՛ դիրիժոր է լինելու, և՛ մենակատար։Նարեկ Հախնազարյանը «մեկուսարանում» Բախ է նվագում. տեսանյութ
https://arm.sputniknews.ru/20200417/parzapes-cncox-e-mekusacats-narek-haxnazaryani-arcanc-hamergn-u-ogtatereri-ardzaganqy-22766249.html
https://arm.sputniknews.ru/20190112/video-narek-haxnazaryan-16691909.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
փառատոն, նարեկ հախնազարյան, մշակույթ
փառատոն, նարեկ հախնազարյան, մշակույթ
Հայկական մշակույթի փառատոն Սախալինում․ Հախնազարյանները ելույթ կունենան ընտանիքով
14:02 01.10.2021 (Թարմացված է: 10:41 26.12.2021) Հախնազարյանների երաժշտական կոլեկտիվը բացառիկ է. դեռ այդպիսի դեպք չի եղել, որ երեք մենակատարներն ու դիրիժորը նույն ընտանիքի ներկայացուցիչներ լինեն։
ԵՐԵՎԱՆ, 1 հոկտեմբերի – Sputnik. Հոկտեմբերի 1-ին Սախալինում կմեկնարկի Հայկական մշակույթի փառատոնը, որի շրջանակում ելույթ կունենա հայտնի երաժիշտների՝ Հախնազարյանների ընտանիքը։ Տեղեկությունը
Sputnik Արմենիային հայտնեց թավջութակահար Նարեկ Հախնազարյանը։
«Փառատոնը մեկ շաբաթ կտևի, մեր ընտանիքը կկատարի այնպիսի հռչակավոր երաժիշտների ստեղծագործություններ, ինչպիսիք են Բաբաջանյանը, Հարությունյանը, Միրզոյանը, Խուդոյանը և մի շարք այլ հայ կոմպոզիտորներ»,-ասաց Հախնազարյանը։
Ընտանեկան ելույթների փորձը Հախնազարյանների համար նոր չէ։ Նրանք նախկինում էլ են
հանդես եկել «ընտանեկան ձևաչափով»․ Սուրենը՝ ջութակով, Գայանեն՝ դաշնամուրով, Նարեկը՝ թավջութակով և Տիգրանը՝ դիրիժորական փայտիկով։ Ելույթ են ունեցել նաև Հարավային Սախալինսկի նվագախմբի հետ։
Նարեկի խոսքով՝ փորձել են իրենց նման այլ ընտանիքի նախադեպ գտնել, փնտրել են համացանցում, բայց այդպես էլ չեն գտել։ Երկար փնտրուքներից հետո Հախնազարյանները պարզել են, որ աշխարհում չի եղել դեպք, որ երեք մենակատարներն ու դիրիժորը նույն ընտանիքից լինեն․ համացանցում միայն 10 տարի առաջվա սեփական ելույթն են գտել։
«Ճակատագիրը ինձ ու եղբորս է նվիրել մեր ծնողներին, որոնք ինչպես մարդկային, այնպես էլ մասնագիտական առումով բացառիկ դաստիարակություն են տվել մեզ։ Մենք բանավոր քննարկման կարիք գրեթե չենք զգում, ամեն ինչ տեղի է ունենում զգայական և բնազդային մակարդակում»,-ասաց Հախնազարյանը։
Այս տարի իրագործվել է նաև Նարեկի հին երազանքը՝ ուժերը փորձել որպես դիրիժոր, և սեպտեմբերի 24-ին նա ելույթ է ունեցել բաղձալի դերում։
Նարեկն ասում է, որ վեց տարեկանից երազել է ձեռքը վերցնել դիրիժորական փայտիկը և ղեկավարել Չայկովսկու կոնցերտի կատարումը։ Դեռ երկար ճանապարհ կա անցնելու, բայց դեբյուտն արդեն կայացել է։
Շատերը դիրիժորի աշխատանքը սկսում են Մոցարտից, Հայդնից, բայց Հախնազարյանը որոշել է բարդ գործից սկսել՝ Պյոտր Չայկովսկու լարայինների համար սերենադից։ Արդեն իսկ ամանորյա համերգներ են ծրագրված Համբուրգում, որտեղ Հախնազարյանը որպես դիրիժոր է հանդես գալու, նախատեսվում է «առանց դիրիժորի» համերգ, որտեղ նա միաժամանակ և՛ դիրիժոր է լինելու, և՛ մենակատար։
