https://arm.sputniknews.ru/20210927/iranakan-koghmy-ktruk-kmijamti-erb-pordzen-sjuniqi-hatvatsy-ktrel-iranic-misakjan-33692236.html

Իրանական կողմը կտրուկ կմիջամտի, երբ փորձեն Սյունիքի հատվածը կտրել Իրանից. Միսակյան

Իրանական կողմը կտրուկ կմիջամտի, երբ փորձեն Սյունիքի հատվածը կտրել Իրանից. Միսակյան

Sputnik Արմենիա

Իրանագետ Գարիկ Միսակյանը Sputnik Արմենիայի եթերում անդրադարձել է այն հարցին, թե ինչ ազդեցություն է ունեցել արցախյան 44-օր պատերազմն Իրանի վրա և ինչպիսին էր այդ... 27.09.2021, Sputnik Արմենիա

2021-09-27T21:25+0400

2021-09-27T21:25+0400

2021-09-28T14:25+0400

հայաստան

իրանի իսլամական հանրապետություն

գարիկ միսակյան

արցախյան պատերազմ

sputnik զրույց

https://cdn.am.sputniknews.ru/img/07e5/09/1b/33690458_0:0:1280:720_1920x0_80_0_0_6082dd625deadeb5c5a1f0d8e2c433ac.jpg

Դատելով հրապարակումներից ու հայտարարություններից` արցախյան ճակատում ռազմական գործողությունների լայնամասշտաբ բնույթն Իրանի համար անակնկալ էր, ինչպես նաև անակնկալ էր 44-օրյա պատերազմի ընթացքն ու ավարտը, քանի որ իրանական տիրույթում նույնպես ամրագրվել էր այն տեսակետը, որ հայկական բանակը տարածաշրջանի ամենամարտունակներից է, Sputnik Արմենիայի հետ զրույցում ասաց իրանագետ Գարիկ Միսակյանը։Իրանի ու Ադրբեջանի արտգործնախարարները քննարկել են ձերբակալված իրանցի վարորդների հարցըՆրա կարծիքով` պատերազմից հետո իրավիճակը բարդացել է նաև Իրանի համար զուտ պանթուրքիստական առանցքի ձևավորման առումով։ Պատերազմի ընթացքում իրանական կողմի չեզոքությունն ու հավասարակշռված հայտարարությունների հանգամանքը դիտարկվում է այն տեսանկյունից, որ ղարաբաղյան հակամարտությունը գտնվում է ռուսական ազդեցության գոտում, հետևաբար Թեհրանը չէր ցանկանում ՌԴ–ի հետ բարիդրացիական հարաբերությունները խաթարել ու մտնել առճակատման մեջ, սակայն Անդրկովկասում Թուրքիայի ներգրավվածությունից հետո Իրանում անհանգստությունը հասել է ահռելի չափերի։«Իրանի պետական սահմաններից եկող սպառնալիքների գնահատումը երևում է վերջին շրջանի զորաշարժերի կազմակերպմամբ, այսինքն` իրանական կողմը զգում է Ադրբեջանի վրա թուրքական ազդեցության վտանգի աճ, հետևաբար ի ցույց է դնում իր զսպող, կանխարգելիչ հնարավորությունները։ Ավելին` Իրանը պրոքսի պատերազմի համատեքստում Թուրքիայի դեմ հեռահար խաղ է սկսել Ադրբեջանում»,– նշեց իրանագետը։Միսակյանի դիտարկմամբ` պաշտոնական Թեհրանը երբեք չի թաքցրել բարիդրացիական հարաբերությունները թե՛ Հայաստանի, թե՛ Ադրբեջանի հետ, իսկ թե ինչու չմտավ արցախյան թատերաբեմ ` սանձելու Թուրքիային, ինչպես դա արել է Լիբանանում, Սիրիայում, Իրաքում և Լիբիայում, Միսակյանն ընդգծեց, որ Իրանին նախ չեն հրավիրել, և բացի դրանից, Իրանը ԵԱՀԿ Մինսկի խմբի համանախագահող երկիր չէր և չէր կամենում միջամտել առկա ձևաչափի աշխատանքներին` խոչընդոտելով բանակցային գործընթացը։ Ըստ նրա` ադրբեջանական լոբբին քարոզչական գործունեություն է ծավելել նաև հարևան երկրում, և Իրանը հատկապես Ռոհանիի պաշտոնավարման ընթացքում հայտնվելով միջազգային բարդ խնդիրների հանգույցում` չի ցանկացել տարածաշրջանային քաղաքականության մեջ նոր ճակատ բացել իր համար։Կապան-Գորիս այլընտրանքային ճանապարհը պատրաստ կլինի նոյեմբերի վերջինԻրանագետի կարծիքով` Թեհրանի ռազմական դիվանագիտության ավանդույթները գործնականում ցույց են տալիս, որ այդ երկիրը երբեք որոշումներ չի կայացնում կարճաժամկետ հեռանկարի համար և միանգամից կհակազդի, եթե փորձեն լարվածություն առաջացնել իր սահմաններին։ Նրա համոզմամբ` իրանական կողմի կտրուկ միջամտություն հնարավոր է միայն այն դեպքում, երբ փորձեն Սյունիքի հատվածը կտրել Իրանից. դա այն կարմիր գիծն է, որի մասին բազմիցս հնչել են համարժեք հայտարարություններ։

https://arm.sputniknews.ru/20210925/arevtrajin-paterazm-ev-kgherakanneri-vetsh-iranaadrbejanakan-dimakajutjuny-nvor-dzev-e-stanum-33632551.html

իրանի իսլամական հանրապետություն

2021

Լուրեր

am_HY

հայաստան, իրանի իսլամական հանրապետություն, գարիկ միսակյան, արցախյան պատերազմ, sputnik զրույց