https://arm.sputniknews.ru/20210925/eahk-mkh-hamanakhagahnery-hajtararutjun-en-taratsel-inch-en-arajarkel-erevanin-u-baqvin-33632252.html

ԵԱՀԿ ՄԽ համանախագահները հայտարարություն են տարածել. ի՞նչ են առաջարկել Երևանին ու Բաքվին

ԵԱՀԿ ՄԽ համանախագահները հայտարարություն են տարածել. ի՞նչ են առաջարկել Երևանին ու Բաքվին

Sputnik Արմենիա

Միջնորդներն առանձին հանդիպումներ, ինչպես նաև համատեղ բանակցություններ են անցկացրել Հայաստանի և Ադրբեջանի արտգործնախարարների հետ։ 25.09.2021, Sputnik Արմենիա

2021-09-25T09:35+0400

2021-09-25T09:35+0400

2021-09-25T09:48+0400

հայաստան

ադրբեջան

եահկ մինսկի խումբ

հայտարարություն

https://cdn.am.sputniknews.ru/img/1162/66/11626675_0:0:3073:1728_1920x0_80_0_0_b2e44f6933ce91376565f39eebf49d42.jpg

ԵՐԵՎԱՆ, 25 սեպտեմբերի – Sputnik. ԵԱՀԿ Մինսկի խմբի համանախագահներ Իգոր Խովաևը (Ռուսաստան), Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ) Երևանին և Բաքվին առաջարկել են իրավիճակի ապաէսկալացման կոնկրետ, նպատակային միջոցներ, ինչպես նաև հետագա հնարավոր քայլեր: Այս մասին ասվում է միջնորդների հայտարարության մեջ, որը հրապարակվել է ԵԱՀԿ պաշտոնական կայքում։Նշվում է, որ Նյու Յորքում ՄԱԿ-ի Գլխավոր ասամբլեայի 76-րդ նստաշրջանի շրջանակում ԵԱՀԿ Մինսկի խմբի համանախագահները առանձին հանդիպումներ են ունեցել Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հետ, ինչպես նաև համատեղ բանակցություններ են կազմակերպել: Հանդիպումներին մասնակցել է ԵԱՀԿ գործող նախագահի անձնական ներկայացուցիչ Անջեյ Կասպրչիկը:«Համանախագահներն ու արտգործնախարարները Հայաստանի և Ադրբեջանի միջև չլուծված հարցերի լայն շրջանակ են քննարկել», - ասվում է հայտարարության մեջ:Միջնորդներն ընդգծել են իրենց վճռական աջակցությունը ԵԱՀԿ գործող նախագահի անձնական ներկայացուցչի և նրա թիմի ձեռնարկած գործողություններին:Բացի այդ, սեպտեմբերի 24-ին միջնորդներն ու ԵԱՀԿ գործող նախագահի անձնական ներկայացուցիչը հանդիպել են ՄԱԿ-ի գլխավոր քարտուղարի քաղաքական և խաղաղարարության հարցերով տեղակալ Ռոզմարի Դիկարլոյի և ԵԱՀԿ գործող նախագահ Անն Լինդեի հետ, որպեսզի նրանց տեղեկացնեն ԵԱՀԿ ՄԽ համանախագահների` մեկ տարվա ընթացքում գործադրած ջանքերի մասին` ներառյալ այդ գործընթացում վերջին իրադարձությունները:Համանախագահները ողջունել են 2020 թվականի նոյեմբերից հետո երկու երկրների արտգործնախարարների առաջին հանդիպումը, ինչը, ըստ նրանց, ցույց է տալիս, որ կողմերը վճռական են տրամադրված խաղաղ գործընթացը երկխոսության միջոցով վերսկսելու հարցում։Համանախագահները նաև վերահաստատել են, որ իրենք պատրաստ են շարունակել աշխատանքը կողմերի հետ` ղարաբաղյան հակամարտության հետ կապված կամ դրանից բխող մյուս հարցերի համապարփակ լուծումներ գտնելու համար։

https://arm.sputniknews.ru/20210924/pashinjany-maki-glkhavvor-asambleajum-khvosel-e-kvomunikacianeri-bacman-karevvorutjan-masin-33628738.html

https://arm.sputniknews.ru/20210924/pashinjany-cavakcakan-heragir-e-hghel-atvojanci-mahvan-kapakcutjamb-33611084.html

ադրբեջան

2021

Լուրեր

am_HY

հայաստան, ադրբեջան, եահկ մինսկի խումբ, հայտարարություն