https://arm.sputniknews.ru/20210924/khvoshvoracumic-hetvo-30-tarva-ashkhatvoghy-kgna-tun-nra-harsy-mankapartezum-kashkhati-sanvosjan-33603326.html

Խոշորացումից հետո 30 տարվա աշխատողը կգնա տուն, նրա հարսը մանկապարտեզում կաշխատի. Սանոսյան

Խոշորացումից հետո 30 տարվա աշխատողը կգնա տուն, նրա հարսը մանկապարտեզում կաշխատի. Սանոսյան

Sputnik Արմենիա

Գնել Սանոսյանը վստահեցնում է, որ համայնքների խոշորացման արդյունքում ՀՀ–ում որևէ բնակավայր չի փակվելու, որևէ բնակավայրի ցուցանակը չի փոխվելու։ 24.09.2021, Sputnik Արմենիա

2021-09-24T12:58+0400

2021-09-24T12:58+0400

2021-09-24T13:29+0400

աժ (ազգային ժողով)

գնել սանոսյան

համայնքների խոշորացում

https://cdn.am.sputniknews.ru/img/07e4/07/18/23863630_0:0:1600:901_1920x0_80_0_0_ff6edd26fdc7df8b3f91d83513b70f61.jpg

ԵՐԵՎԱՆ, 24 սեպտեմբերի – Sputnik. Համայնքների խոշորացման արդյունքում մարզպետարանները, համայնքապետարանները չեն փակվի։ ԱԺ–ում «ՀՀ վարչատարածքային բաժանման մասին» օրենքում փոփոխություններ և լրացումներ կատարելու մասին նախագիծը ներկայացնելով` ասաց ՏԿԵ նախարար Գնել Սանոսյանը։Հայտնել էինք, որ ԱԺ-ն այսօր արտահերթ նիստ է գումարել և քննարկում է «ՀՀ վարչատարածքային բաժանման մասին» օրենքում փոփոխություններ և լրացումներ կատարելու մասին նախագիծը։ «Հայաստան» և «Պատիվ ունեմ» խմբակցությունները լքել են ԱԺ նիստերի դահլիճը։«Մարզպետարանները չեն փակվի, սակայն որոշ ժամանակ անց դրանց գործառույթները պետք է փոխվեն։ Համայնքապետարանները նույնպես չեն փակվի, այնտեղ առնվազն 2 աշխատող կլինի։ ՀՀ–ում որևէ բնակավայր չի փակվելու, որևէ բնակավայրի ցուցանակը չի փոխվելու` միայն թե երբ գնան համայնքապետարան ներկայիս 17 աշխատողի փոխարեն 3-4-ին են տեսնելու»,–ասաց Սանոսյանը։Նա հայտնեց նաև, որ կլինեն բնակավայրեր, որոնք խոշորացված համայնքի ավագանիում անդամներ չեն ունենա։Ինչ վերաբերում է քննադատություններին, թե հետպատերազմյան շրջանում նպատակահարմար չէ սահմանամերձ համայնքների խոշորացումը, Սանոսյանը նշեց, որ պատերազմը ցույց տվեց, որ ամեն ինչ. «Պատերազմից առաջ խոշորացված համայնքները պատերազմի ժամանակ իրենց շատ լավ դրսևորեցին։ Որպես Գեղարքունիքի նախկին մարզպետ՝ որպես օրինակ նշեմ Ճամբարակն ու Շողակաթը»։Հիշեցնենք, որ ԱԺ ներկայացված նախագծով նախատեսվում է խոշորացնել Արագածոտնի մարզի 69, Արարատի մարզի 105, Արմավիրի մարզի 82, Գեղարքունիքի մարզի 62, Լոռու մարզի 43, Կոտայքի մարզի 30, Շիրակի մարզի 40, Վայոց Ձորի մարզի 5, Տավուշի մարզի 3 համայնքներ։Գեղամասար համայնքի խոշորացման ծրագիրը քաղաքական ենթատեքստ ունի. Հակոբ ԱվետյանՄիավորման արդյունքում ձևավորվելու է թվով 37 համայնք: Բացի այդ, նախատեսվում է Սյունիքի մարզի Կապան համայնքի բնակավայրերի ցանկը լրացնել Ըրկենանց գյուղով: Այդ առաջարկությունը ստացվել է Կապան համայնքի ղեկավարից։Փոփոխությունները, գործադրի հիմնավորմամբ, պայմանավորված են 2016թ.–ին մեկնարկած ու մինչ օրս չավարտված համայնքների խոշորացման գործընթացով։2016 թվականի փետրվարի 14-ից ի վեր ՀՀ 486 համայնքների միավորման արդյունքում ձևավորվել է թվով 54 խոշորացված համայնք:Նորաստեղծ համայնքներում օրենքի փոփոխությունների հաստատումից հետո կնշանակվեն համայնքի ավագանու նոր` արտահերթ ընտրություններ։ ԿԸՀ որոշմամբ` այս տարի ՏԻՄ ընտրություններ կանցկացվեն հոկտեմբերի 17-ին, նոյեմբերի 14-ին ու դեկտեմբերի 5-ին։Նշենք, որ 59 կողմ, 0 դեմ, 0 ձեռնպահ ձայներով նախագիծն ընդունվեց առաջին ընթերցմամբ։

https://arm.sputniknews.ru/20210924/300-hamajnqi-ghekavarneri-dem-qrgvorts-ka-dra-hamar-khvoshvoracman-dem-chen-bvoghvoqum-saghateljan-33600367.html

2021

Լուրեր

am_HY

աժ (ազգային ժողով), գնել սանոսյան , համայնքների խոշորացում